Job 3

Job Pau

1 Hih teng khit ciangin Job kamka a, a suah ni a hamsiat hi. 2 Amah in: ^a

3 “Ka suah ni le ‘Pasalno khat suak ei!’
a kicih ni zan beimang hen; ^b
4 Tua ni - khuamial tunga;
Pasian in tua hun don nawn kei hen;
tua ni-in khuavak tang kei hen.
5 Khua mial henla khua in nimnelh ^{▼▼3.5 Ahikeh sihna liim} lai hen; ^d
a tungah meiipi in kainelh hen;
a vakna khuamialpi in tuamcip hen.
6 Tua zan - khuamial sahpi in mancip hen; ^e
kum sunga nite lakah kilo kha nawn kei hen.
Kha khatpeuh ah zong kigawm khawm nawn kei hen.
7 Tua ni zanin ta suak kei hen;
tua zanin nuama kikona aw kiza kei hen. ^f
8 Nite ^{▼▼3.8 Ahikeh tuipi} a hamsiatte, Leviathan
a thosak theite in tua ni hamsiat hen. ^h
9 A zingsang aksite mial hen;
a vak lo ding sun khuavak ngak henla,
a suak tung nizang mu kei hen; ⁱ
10 Ahang in, gimna ka muh loh nadingin
kei hong kipaiina sulgong a khak kei hi.
11 “Bang hangin a siasa in suak hoh lo a,
ka suah phetin sipah hoh lo ka hiam? ^j
12 Bang hangin kei hong tawi ding khuk om a, ^k
hong kivak nang nawi om se hiam?
13 Tua hi leh tu-in lungnuamtakin
ka lum hithiat khin ding hi; ^l
14 tu-a a kisiasa munte amaute adingin a bawl, ^m
leitung kumpite le thudotte, ⁿ
15 a inn uh ngun le kham tawh a dim
gam-ukte tawh ihmu in ka tawlnga khin ding hi. ^o
16 Ahi kei leh bang hangin
a hun tung nai lo a suak naungek bang, ^p
khuavak a mukha lo naupang bangin lei sungah hong kiselcip hoh lo hiam? ^q
17 Tua lai-ah migilote in hong nawngkaisak nawn lo ding uh a, ^r
a gimte tawlnga hithiat ding uh hi.
18 Tua lai-ah galmat salte zong tawldam ding uh a, ^s
silate a ukpa aw zong a za nawn kei ding uh hi. ^t
19 Aneu alian tua lai-ah om a, ^u
silapa a pu ukna pan kisuaktasak hi.
20 Bang hangin a lungkham mite, khuavak kipia a,
nuntak haksa a sa mahmah pa.
21 si nuam ngeungau napi si thei lo a, ^v
gou kiphum zon sangin sih nading a hah zonzawpa ^w
22 amaute hankhuk a tun ciangin lungkim mahmahin
a lungnuam dingte bang dinga nuntakna kipia se ahi hiam? ^x
23 Bang hangin a lampi ding a kiselsak, ^y
Pasian in a umcip ding mipa,
mihingin kipiangsak se hiam?
24 Ahang in, khuisat an in ka nei hi; ^z
ka tauna tuiluang a bang hi. ^aa
25 Ka kitaktak kei tung hong tung hi.
Ka lauthawngthawng kei tung hong piang takpi hi. ^ab
26 Ka lungnuam thei kei a, ka dai dide thei kei hi,
Ka lungkham den ahi manin ka tawldam ngei kei hi,” a ci hi. ^ac