Job 34

1Tua ciangin Elihu in:

2 “No mipilte aw, ka thugen ngai un;
no theihna neite aw, na ngai dih un. ^a
3 Leii in an limna a theih bangin
bil in kammal sittel hi.
4 A thumaan bang hiam cih ei le ei kisittel ciat dih ni; ^b
a hoih bang hiam cih sinkhawm dih ni. ^c
5 “Job in, ‘Mawhpeng ka hi hi;
ahi hangin Pasian in ka thutan’na hong nial hi.
6 Kei amaan ka hi hangin
azuau in hong kingaihsun hi, ^d
khialhna nei lo ka hi hangin ^e
a thaltang in a dam thei lo liamna hong thuaksak hi,’ ci hi. ^f
7 Job bang mihing kua om a,
kua in simmawhna tui bangin dawn ahi hiam? ^g
8 Amah migilote tawh kikhawl den hi;
mi kheltatte tawh kipawlkhawm hi. ^h
9 Ahang in, ‘Mi in Pasian a lungkimsak ding
a hanciam ciangin bangmah a met kei hi,’ci hi. ⁱ
10 “Tua ahi ciangin no a theitel mite aw na ngai dih un, ^j
Pasian le gitlohna kigamla henla, ^k
Thahatpenpa le khialhna kigamla ta hen. ^l
11 Mihing a sepna bangin amah in thuk kik a, ^m
a gamtatna tawh kizui-in a tungah tungsak hi.
12 Pasian in khialhna a bawl ding kingaihsun thei lo a; ⁿ
Thahatpenpa in thumaan a lehhei ding kingaihsun thei lo hi. ^o
13 Amah leitung uk dingin kua in za pia ahi hiam? ^p
Amah leitung buppi kem dingin kua in koih ahi hiam? ^q
14 Tuate ama bawlsa ahileh
a kha le a huu ▼

▼34.14 Ahikeh Kha

dok kiksawm leh ^s
15 mihing khempeuh mangkhawm dinga, ^t
mihing leivui-ah ciah kik ding hi. ^u
16 “Theihtel theihna na neih leh hih thu za inla;
ka gen bang hiam ngai in. ^v
17 Thutang a mudah kua in gam uk ding ahi hiam? ^w
Thumaan le Thahatpenpa mawhpaih ding na hi hiam? ^x
18 Kumpite kiangah, ‘Kimanna na nei kei uh hi,’
ci-in, uliante kiang ah migilo na hi uh hi, a ci Pa amah hi lo ahi hiam? ^y
19 Amaute khempeuh a khuta a bawl ahi manin ^z
kumpi tapate khentuam loin
mizawngte sangin mihaute a angvan tuan lo pa, amah hi lo ahi hiam? ^aa
20 Amaute thakhat thu-in zan kim laitakin si uh hi;
mite lingin simang uh hi;
mihing khut hepkhiat lohin mi thahatte kihemkhia hi.
21 “Ama mitte in mihingte lampi en gige a, ^ab
amau kalsuanna khempeuh a mu hi.
22 Migilote buk nadingin
khuamialna mun le ni liap thukpi om lo hi. ^ac
23 Pasian in mihingte a sittel beh lai ding kisam lo a, ^ad
thu kikhen dingin a mai-ah pai ding kisam lo hi. ^ae
24 A thu kan kul loin a thahatte sucip a, ^af
ama mun adangte luahsak hi. ^ag
25 Bang hang hiam cih leh amau sepnate ciamteh a, ^ah
zanin amaute lawnthalin kitamzan uh hi. ^ai
26 Amah in amaute gitlohna hangin
mi khempeuh muhna ah dan tuaksak hi, ^aj
27 bang hang hiam cih leh amaute in lam pialsan uh a, ^ak
ama lampite khat beek a thusim kei uh hi. ^al
28 Amah in a tasamte kahna a zak theih nadingin,
mizawngte kahna ama mai-ah tungsak hi. ^am
29 Ahi hangin amah in bangmah hih ta kei leh kua in amah mawhpaih thei ding hiam? ^an
A maitang sel leh amah kua in mu thei ding ahi hiam? ^ao
30 Tua hi napi amah in pasian nei lote a ukna le ^ap
mite kithangsiahna panin ^aq
mi khat le minam khat a kibangin a kem hi. ^ar
31 “Mi khat in Pasian kiangah,
‘Ka khial hi, ahi zongin ka khial nawn kei ding hi. ^as
32 Ka muh theihlohte hong hilh in;
ka khialhnasa a om leh zong tuate ka hih nawn kei ding hi,’ ci leh ^at
33 kisik ding na nial ciangin
Pasian in hong pakta ding sa na hiam?
Kei khentat ding a hi kei hi, nang khentat pelmawh ding ahi hi;
tua ahi ciangin nang theihna hong gen dih in.
34 “Thu theitel mite,
ka thugen a za mipilte in kei kiangah,
35 ‘Cimna nei loin Job kampau hi; ^au
a kammalte thumal nei a om kei hi,’ hong ci ding uh hi. ^av
36 Oh, Job in mi tatsiate banga a dawn kikna hangin
a tawpna dong kizia-et leh ut sing! ^aw
37 Ama mawhna banah a langdo lailai hi;
a mi zahpihna-in eite lakah a khut benga, ^ax
‘Pasian a langpanna kammal a behlap thuah lai hi,” a ci hi. ^ay