Job 36

1 Elihu in zom lai a:

2 “Tawmvei hong thuak keikai lai dih in
genbeh lai ding a om lam Pasian tangin kong lak ding hi.
3 Ka theihtelna gamlapi pan ka ngah hi; ^a
Kei hong Bawlpa a thutang ahina kong tellah ding hi. ^b
4 Ka thugente khial lo hi, thukipin na sang in; ^c
theihna bukim pa khat nang tawh omkhawm hi. ^d
5 “Pasian thahat a, ahi hangin kuamah a simmawh kei hi; ^e
amah thahata a cihsa a lenkip hi. ^f
6 Amah in migilote hinkhawi lo a, ^g
ahi hangin a hingim mite tungah thumaan hi. ^h
7 Thumaante mitkhah loin en a; ⁱ
amaute kumpipa tawh tukhawmsakin ^j
tawisang den hi.
8 Ahi zongin mihingte sikkhau-in a kikhih leh ^k
gimthuakna khaute in gakcip a, ^l
9 amau gamtatnasa - kiphasak a,
a mawhnasate uh amau tungah a gen hi. ^m
10 Amaute kipuahphat nading thu ngaisak a, ⁿ
amaute gitlohna kisik dingin sawl hi. ^o
11 Amaute in a thu mangin a na a sep uh leh
a nuntakna uh a om lai nite daupaina-in zangsak a,
a omlai kumte lungkimtak-in a zangsak hi. ^p
12 Ahi hangin thu a ngaih kei uh leh,
amaute namsau-in ^{▼▼36.12 Ahikeh Gunpi kantan ding uh a,} mangthang ding uh a, ^r
theihna loin a si ding uh hi. ^s
13 “A lungsima pasian omlote heh niloh hi; ^t
amaute khauhual in a hen ciang nangawnin huhna a ngen kei uh hi. ^u
14 Amaute biakbukno a pasal kizuakte lakah ^v
a khansih uh hi. ^w
15 Ahi hangin amah in gim thuakte a gim thuak laitakun hu a; ^x
amau hingim laitakin a hopih hi. ^y
16 “Lungdonna gakcipna pan nang hong lakhia in ^z
ki-ukcipna omlohna sabuai tungah na duhduh kilui a,
nuam na sak nading mun tanzau ah nang hong khahkhia ding hi. ^aa
17 Ahi zongin tu-in migilote thuakding thukhenna hong kisuan ahi hi; ^ab
thukhenna le thutang in nang hong lencip hi. ^ac
18 Kuamah in hauhna tawh nang hong zol loh nadingin kidawm in,
golhsum tampi hangin lampial kei in. ^ad
19 Na lungdonna a beisak dingin
na hauhna ahikeh
na liatna khempeuh nangawn kicing ding ahi hiam? ^ae
20 Mite a inn ^{▼▼36.20 Hih tang 18-20 Hebrew ah a khiatna kician lo hi.} pan kaihkhiat nadingin
zan hong tun ding ngaklah kei in. ^ag
21 Thuaksiatna sanga na utzawk gitlohna lamah
na kihei khak ding kidawm in. ^ah
22 “A vangliatna hangin Pasian kitawisang hi.
Amah tawh kibang sia kua om ahi hiam?
23 Ama ading lampi kua in laka, ^ai
ahikeh ama kiangah, ‘Na Khial zo hi’ ci ahi hiam? ^aj
24 Mite in la sa-a a phat uh ama nasepte
nakpitaka na phat ding phawk in. ^ak
25 Mihing peuhmah in ama nasepte mu khin uh hi;
mite in gamlapi panin tuate gal-et uh hi.
26 Eite theihtel zawh loh - Pasian lian na lawmlawm e!
Ama kumte zonkhiat zawh hi lo hi. ^al
27 “Amah in tuimalte khai to a, ^am
tuihuute guahin zu a, a luang ^{▼▼36.27 Ahikeh meii panin siangtho in guah suak hi.} hi. ^ao
28 Meiite in meiizunte sungsuk a,
mihing tungah guahpi-in zu hi. ^ap
29 Amah in meiite bangci zaal a,
a inn panin vanpi bangci ginsak cih kua in thei ahi hiam? ^aq
30 Ama kiimah khuaphia zalh a,
tuipi thukpite a khuhzia thei in. ^ar
31 Hih in minamte a ukna ^{▼▼36.31 Ahikeh vakna} lampi hi a, ^at
an khamtakin a vak hi. ^au
32 Amah in a khut dimin khuaphia tawi a,
a deihna munmun dengsak hi. ^av
33 Ama vanging in huihpi nun ding hong gen a; ^aw
ganhonte nangawn a manawhna ^{▼▼36.33 Ahikeh ama hong paina tangko / gitlohna langpang a aam Pa} a theisak hi. ^ay