Job 38

TOPA in Thugen

1 Tua ciangin TOPA in huihpi lakah

Job dawnga, Amah in: ^a
2 “Bangmah thei lopi-a thugen, ^b
ka thuhilhna a mialsak kua ahi hiam? ^c
3 Kipasalsakin na kawng gak in;
ke’n kong dong dinga,
nang nong dawng ding hi.
4 “Leitung bulpi ka phuh lai-in nang koi-ah om na hi hiam?
Na theih leh hong gen dih in.
5 A thei takpi na hi leh! A phacia ding kua in ciamteh hiam? ^d
Kua in a tungah tehna khau kai ahi hiam? ^e
6 Zingsang aksite in la sakhawm uh a, ^f
van sawltakte ^{▼▼38.6 Hebrew in Pasian tapate} khempeuh lungdamin a kiko laitakun - ^h
7 a khuambulte bang tungah kiphut a, ⁱ
ahikeh a innkiu suang kua in phut ahi hiam? ^j
8 “Tuipi in sul a phutkhap lai, ^k
9 a puan dingin meii ka bawl lai le
khuamial sahpi-a ka tuam lai, ^l
10 a om nading ciangtansak a,
a kongpite le a kalhnate a munciatah ka thuah lai, ^m
11 ‘Hih ciang pai inla hih ban kal kei in,
na hual hatte tawp nading mun hih lai ahi hi,’ ⁿ
ka cih lai-in kua in tuipi kongkhak khak ahi hiam? ^o
12 “Nang in zingsang khuavak tungah thupia-in ^p
a hikeh phalvak tungah a ma mun ding lak na hi hiam? ^q
13 leitung a mongah manin migilote
a sinkhiat ding hilh ngei na hi hiam? ^r
14 Leitung in buan tunga seal kinen tawh kibang hi; ^s
a kilatkhiatzia puansilh tawh kibang hi.
15 Migilote khuavak kinial a, ^t
a sanga a lik uh amaute ban kitansak hi. ^u
16 “Tuipi nak ahikeh tuipi taw zangtamah
khualzinin pai ngei na hi hiam? ^v
17 Sihna kongpi nang hong kilak ta ahi hiam? ^w
Sihna liim ^{▼▼38.17 Ahikeh khuamial thukpi kongpite} kongpi na mu ta hiam?
18 Leitung a phacia na telcian nai hiam? ^y
Hihte khempeuh na theih leh hong gen in.
19 “Khuavak kipatna lampi bang ahi hiam?
Tuateh khuamial omna mun koi lai ahi hiam? ^z
20 Amau omna munah na puak thei ding hiam?
Amau tenna lampi na thei hiam? ^aa
21 Tua hunin suak khin ding na hi teh thei takpi mah niteh!
Nang kum tampi nungta khin hi ve cin! ^ab
22 “Vuk kholna sal ah lut khina,
gialte kholna sal mu khin na hi hiam? ^ac
23 Tuate lungkham hun cianga ding le ^ad
gal-a kido hun ciang adingin ka sit ahi hi.
24 Khuaphelep kikhenkhiatna mun bang hi a, ^ae
nisuahna huih leitungah a kikhenkhiatna mun koi lai pan ahi hiam? ^af
25 Kua in guahtui luan nading hawkguam to a,
kek kiat nading lampi sialin ^ag
26 kuama tenlohna gam,
mi khat beek a tenlohna sehnel-gam tui buak a, ^ah
27 leitang tulsa gamsimtham a lungkimsak nadingin
lopa selsak ahi hiam? ^ai
28 Guahtui in pa nei ahi hiam?
Daitui malte’ pa kua ahi hiam? ^aj
29 Kua naubu pan vukte suakkhia ahi hiam?
Kua in vantung pan tuikhalte senkhia a,
30 Bang hunin tuite suang bangin sak a,
tuithukte maitang khal ahi hiam? ^ak
31 “A melhoih ^{▼▼38.31 Ahikeh a phelep ahikeh a kikhih diudeu} segukte henkhawm thei na hi hiam?
Zawlzawng henna khau phel thei na hi hiam? ^am
32 Amau hun ^{▼▼38.32 Ahikeh a huna suak zingsol} ciat zui-in aksi honte puakkhia thei-in ^ao
khualei-uikai ^{▼▼38.32 Ahikeh Ahikeh Leo} le a tate pikhia thei na hi hiam? ^aq
33 Vante thukhamte thei na hi hiam? ^ar
Pasian ^{▼▼38.33 Ahikeh amah ahikeh amaute} ukna leitungah phut thei na hi hiam?
34 “Nang in meiite otsanin
tuikhang tawh kituam thei na hi hiam? ^at
35 Kektangte a lampi zui-in puak thei na hi hiam? ^au
Amaute in, ‘Kote hih lai-ah ka om uh hi,’ hong ci uh ahi hiam?
36 Kua in lungtang ^{▼▼38.36 Hebrew ah hih kammal a khiatna kicianlo hi.} ah pilna koih a, ^aw
ahikeh lungsim ^{▼▼38.36 Hebrew ah hih kammal a khiatna kicianlo hi.} ah theitelsak ahi hiam?
37 Kua in meiite sim theihna pilna nei ahi hiam?
38 Leivuite sak thei in,
lei themte a kimat khawm ciangin ^ay
kua in vantunga tuibelpite sawnpai thei ahi hiam? ^az
39 “Nang humpinelkai pite ading sa betsak thei in
40 humpinelkaite a kua ah ahikeh gamphatna ah sa a pan ciangin, ^ba
tuate gilvahsak na hi hiam? ^bb
41 A note in Pasian a koh uh ciangin
an zonga a leng kawikawi ^bc
va-akte an a sikpa kua ahi hiam? ^bd