Job 4

Eliphaz

1 Tua ciangin Teman mi Eliphaz in dawng a: ^a

2 “Mi khatpeuh in hong hopih le ung na thuak ngap hiam?
Ahi zongin kua ki-ip zo mawk ding hiam? ^b
3 Mi tampi na lamlahnate ^c
khutkha bankhate na thakhauhsaknate ngaihsun dih in. ^d
4 Na thugente in a muktute phong a,
khuk zawte na thakhauhsak hi. ^e
5 Ahi zongin tu-in nang tungah gimna hong tunga, na lungkia hi; ^f
tuate in nang hong su a, na lungmang hi. ^g
6 Na biakna-mina pen, na ngaihmuanna, ^h
na paubaan lohna, na lametna hi lo ding ahi hiam? ⁱ
7 “Tu-in ngaihsun in: Mawhpeng kimlai kua sia ngei ahi hiam? ^j
A thutang kimlai kua kisusia ngei hiam? ^k
8 Gitlohna lo-a khote le buaina a vawhte in ^l
tuate mah a at lam ka thei hi. ^m
9 Pasian husan-in amaute kisia uh hi. ⁿ
A hehna mutin a mangthang uh hi. ^o
10 Humpinelkaite thamvakin hawk thei ta leh, ^p
humpinelkai lianpite ha zong kitan zo hi. ^q
11 Sa mat ding nei loin humpinelkaite mangthang a, ^r
humpinelkai note a kithehthang uh hi. ^s
12 “Kei tungah thu khat hong kitun sim a, ^t
tua hong kihuau ka bilin ka za hi. ^u
13 ‘Zankim laitak, mite ihsip hunin
lungsim patauhna mangte manin, ^v
14 launa le linna in kei hong mancip-a,
ka guh khempeuh a lingsak hi. ^w
15 Kha khat in ka mai hong mut hiauhiau a, ^x
ka khuasik mul suak hi.
16 Tawpta napi,
bang hiam ka gen thei kei hi.
Milim bang khat ka mai-ah hong dinga,
hong huau khiankhian aw khat ka za hi.
17 Pasian sangin mihing thumaanzaw thei ding ahi hiam? ^y
Mi khat amah Bawlpa sangin siangzaw thei ding ahi hiam? ^z
18 Pasian in a nasemte muang lo a, ^aa
a vansawltakte mawhsak ahileh, ^ab
19 buan inn sunga tengte
leivui laka khuambul phutte ^ac
nget nek sanga siazaw a bawlte nak mawhsak zaw lo ding ahi hiam?
20 Phalvak le khuamui kikalin amaute kitamzan uh hi;
a kiphawkkha loin mangthang suak uh hi, ^ad
21 Amaute pilna lo tawh a sih nadingun ^ae
a puanbuk khau uh kikai to hi lo ahi hiam?’ ^{▼▼4.21 Kamphen pawlkhatte in tg.17 khitciang khawl uh hi.} hong ci hi. ^ag