Job 7

1 Mihing in leitungah nasep haksa sep ding nei hi lo ahi hiam? ^a
Ama nite a kicial nasempa aa tawh kibang hilo ahi hiam? ^b
2 Silate in nitak niliap hun a ngaklah bang ^c
ahikeh a thacialte in thaman a ngaklah bangin
3 kei zong a mawkna-in kha tampi ka ngak a,
lunggimna zan kei tungah hong tung hi.
4 Ka lup ciangin, ‘ka thawh ma bangtan a sawt tam?’ ci-in ka ngaihsun hi. ^d
Zan sawt mahmah a khuavak mateng ka kigawigawi hi.
5 Ka pumpi in than le meimakhem bek puansilhin nei-a, ^e
ka vun kitamin a naiphual hi. ^f
6 “Ka nite, siamgante siamphei sangin kinawh zaw a, ^g
lametna om loin a mong tung pahpah hi. ^h
7 Pasian aw, ka nuntakna husan khat bek ahilam hong phawk in; ⁱ
ka mit in lungnopna mu kik nawn lo ding hi. ^j
8 Tu-a kei hong mute in hong mu nawn kei ding uh hi;
kei nong zong dinga ka na om nawn kei ding hi. ^k
9 Meiilum kaite thengin a manthan bangin, ^l
han ^{▼▼7.9 Hebrew ah Sheol} sung tungsate, a kileh kik kei hi.
10 Amah a inn ah ciah kik ngei lo dinga,
a omna mun in a thei nawn kei ding hi. ⁿ
11 “Tua ahi ciangin ka sip dide thei kei hi; ^o
ka lunggim manin ka paukhia dinga,
ka lungkham manin ka phun ding hi.
12 Kei nong cin dingin ^p
tuipi, ahikeh tuipi ganhing lianpi ka hi hiam? ^q
13 Lum leng ka nuamtuam dinga,
ka lupna ah ka lungkhamna bei inteh ci-a ka ngaihsut ciang nangawnin ^r
14 ka mangin nong linthawn a,
mangmuhna-in nong lausak hi;
15 tua hi-a hibang pumpi a ka om sangin ^s
kitawlsanin si leng ka utzaw hi. ^t
16 A nungta tawntung ding lah hi lo ing a, ka nuntakna ka cimtak hi. ^u
Ka nuntakna in khiatna nei kei; hong hicisak hoh in. ^v
17 “Hizah taka na bawl ding,
hizahta a na lunghimawh ding, ^w
18 zingsang simin na sittel ding le ^x
a hun sima na zia-et dingin mihing bang hi lel ahi hiam? ^y
19 Tomcik sung beek hong pelh loin,
tomcik sung khat beek kei guak hong omsak lo ding na hi hiam? ^z
20 Mihing encikpa aw,
a mawh khinsa ka hileh, nang tung bang hong bawl ka hi hiam? ^aa
Bang hangin kei muitum a hong nei na hi hiam? ^ab
Na vangik suak ka hi hiam? ^{▼▼7.20 Masoretic Bupi khutgelh tawmkha, Hebrew tang ngeina laibu le Septuagint; Masoretic Bupi vekpi ah kei le kei vangik ka kisuan hi.}
21 Bang hangin ka thupalsatnate hong maisakin,
ka mawhnate hong maisak lo na hi hiam? ^ad
Ahang in, leivui lakah ka lum baih ta ding hi; ^ae
kei nong zong dinga, ahi hangin ka om nawn kei ding hi,” a ci hi. ^af