Joe 2 | ZomZIV | STEP | Zion ah pengkul mut un; ka mual siangtho tungah patau kohna gingsak un. TOPA ni tungta ahi manin gama teng mi khempeuh lingsak ta hen -

Joel 2

Kauphe Galkapte

1 Zion ah pengkul mut un;
ka mual siangtho tungah patau kohna gingsak un. ^a
TOPA ni tungta ahi manin ^b
gama teng mi khempeuh lingsak ta hen -
2 lungzin ni le khuamial ni, ^c
khuamial ni le meiikai ni
nai mahmah ta hi. ^d
Ni suaktung vaang mualtung tengah
a kiphah bangin a thahat a tam mahmah galkapte hong pai uh hi; ^e
tangtawng pana kimu ngei nai lo mailam huna
zong a om ngei nawn lo ding ahi hi.
3 Amaute mai-ah mei in hula,
amaute nungah mei kuang hi.
Amau ma-ah leitung teng Eden huan banga,
amau nungah bangmah suakta loin
sehnel-gam keu a suak hi. ^f
4 Amaute sakol tawh kisun uh a; ^g
sakol galkapte bangin koptai uh hi.
5 Mual tungah a tuan zuahzuah laitakun
sakolleng ging banga, ^h
mei kanga puak zuahzuah tawh kibangin,
galsim dinga kithawi galkap honpi tawh kibang uh hi. ⁱ
6 Amaute a kimuh ciangin minamte lau lua uh hi; ^j
maitang khempeuh daanggawp hi. ^k
7 Galhangte bangin galsim uh hi;
galkapte bangin kulh tungah kah uh hi.
A vekun a gualgualin pai uh a,
a pialkhia tuam cih bang om lo hi. ^l
8 Kuama mai kitotsak lo uh a,
amau maitek tangtakin nawt uh hi.
Amaute dal nadinga kibawlte phugawp uh a,
pelh loin paisuak uh hi.
9 Khuapi la uh a,
kulh tung tengah tai uh hi.
Inn sung lamah kahto uh hi;
guta bangin kongvangneute ah lut uh hi.
10 Amaute mai-ah lei kilokin
van kiling hi.
Nipi le khapi mial a, ^m
aksite a tang nawn kei hi. ⁿ
11 A galkapte mai-ah
TOPA hawk hi; ^o
sim zawh loh galkapte le
a thahatte in a thu mang uh hi.
TOPA ni thupi mahmah hi-in
lauhuai lua mahmah hi. ^p
Kua in thuak zo peuhmah ding hiam?

Na Lungsim Tamzansak In

12 Tu nangawnin TOPA in,
‘Lungsimtakpi-in kisik unla,
an tangin kap unla thumin kei hong zuan kik un,’ cikhia hi. ^q
13 Puansilh bek hi loin
na lungsim uh tamzansak un. ^r
TOPA note Pasian lam zuan kik un,
ahang in, amah migi-in mi khuatuahpa hi a, ^s
lungduai-in it na dim a mawhna liante maisak nuam tawntung hi. ^t
14 A lungsim khelin hong hehpih kha thei lo ding hiam? ^u
An-a biaknate le dawntheih-a biakna ding ^v
TOPA note Pasian piak dingin
a thupha hong nusiat mawh ding hiam? ^w
15 Zion ah pengkul mutin
antan nading thu pia unla, ^x
kikhopna siangtho khat sam un.
16 Mite kikhawmsak unla
mipite siansuah un.
A upate sam unla
naupangte le
nawi ne naungekte kikhawmsak un.
A kitengtung zineipa le mo in
a lupna inndei nusia-in pai uhhen. ^y
17 TOPA mai-a nasem siampite,
biakbuk innliim le biakna-tau kikal ah kapin thu ngen uh hen.
Amaute in “TOPA aw, na mite hong hawilai in;
nang hong nuihsante na gou luahsak loin
mi namdangte lakah,
‘A Pasian uh koi-ah om hiam?’
cisak peuhmah kei in,” cisak un.

TOPA Dawnna

18 Tua ciangin TOPA in ama gam aam dinga
a mite a hehpih ding hi. ^z

19 TOPA in amaute dawng ^{▼▼2.18,19 Ahikeh TOPA19TOPA} dinga,

“Keimah in an, lenggah zuthak le sathau kong puak hi; ^ab
na khamtakua na nek dingun kicing ding hi.
Minam dangte nuihsatin
na om nawn kei ding uh hi. ^ac
20 “Leilu-lam galkapte no kiang pan gamlapi-ah hawlkhia-in ^ad
leigawtak keugaw gamah ka sawngawp dinga,
a madawkte nisuahna tuipi ^{▼▼2.20 Tua pen Si Tuipi} sungah khia-in
a nungdalte nitumna tuipi ^{▼▼2.20 Tua pen Mediterranean} sungah ka khia ding hi.
Tuate uihin
a gimnam lansia mahmah ding hi,” a ci hi.
Amah in na lianpite ^{▼▼2.20 Ahikeh tho. / Tua in na lianpi sem khintakpi hi.} bawl khin takpi hi.
21 Leitang aw, lau kei in; ^ah
nuamin kipak in. ^ai
TOPA in na lianpite sem khin takpi hi. ^aj
22 Gamsate aw, lau kei un;
gamsung tengah lo no ta hi; ^ak
singkungte in gah gah ta a,
theikungte le lengguite gah pha mahmah ta hi.
23 Zion mite aw, kipak un;
amah in a thumaanna ^{▼▼2.23 Ahikeh / a thumaan hilhpa khat} sikhiau guah
hong pia ahi manin
TOPA note Pasian tungah lungdam un.
Amah in kum dangte bangin
khuapi guah zusakin tuk guah le sikhiau guahte hong zusak hi. ^am
24 Ancilna phualah antang dim dinga,
na beelpite uh lenggah zuthak le sathau tawh kidimlet ding hi. ^an
25 “Note lakah kong sawl ka galkap tampi -
kauphe honpi le kauphenote,
kauphe tuante le kauphe dangte ^{▼▼2.25 Hih muna kauphe nam lite Hebrew kamin a khiatna kician lo hi.} -
kauphete hong neksak kum sunga piang teng kong din kik ding hi. ^ap
26 Nek ding tampi nei-in na hau ding uh a,
no adingin nalamdang a sem ^aq
TOPA note Pasian min na phat ding uh hi;
ka mite a kimaizumsak nawn kei ding hi. ^ar
27 Tua ciangin Israel mite lakah kei ka om dinga
keimah TOPA note Pasian ka hina le
Pasian dang a om loh lam na thei ding uh hi;
ka mite a maizum kik ngei nawn kei ding uh hi. ^as

TOPA Ni

28 Tua khit ciangin
mi khempeuh tungah ka kha ka bua ding hi. ^at
Na tanu na tapate un thu hilh ding uh a, ^au
na khanghamte un mang manin, ^av
na khangnote un mang a mu ding uh hi.
29 Tua ni ciangin ka nasem numei le ka nasem pasalte tung nangawn ah
ka Kha ka bua ding hi. ^aw
30 Leitung le vante ah
a lamdangte sisan,
meii le meikhu lompi ka lak ding hi. ^ax
31 A lauhuai mahmah tua TOPA ni a tun ma-in
ni khuamial kisuaksakin, ^ay
khapi sisan kisuaksak ding hi. ^az
32 Ahi hangin TOPA min a lo khempeuh
kihonkhia ding hi; ^ba
ahang in, TOPA gensa bangin
Zion Vum le Jerusalem a, ^bb
a nungta lai sunte lakah ^bc
TOPA sap mite ^bd
kihonkhia ding hi.