John 14
Jesu in A Nungzuite Hehnem
1“Note kilungmangsak kei un. Pasian muang unla, ▼▼14.1 Ahikeh Note in Pasian na muang uh a
kei zong hong muang un. 2Ka Pa inn sungah inndei tampi a om hi; om lo hileh kong gen zo ding hi. Note om nading mun bawlkhol dingin tua lai-ah ka pai ding hi. 3Pai-in note om nading mun ka bawl khit ciangin ka omna munah note na om theih nadingun hong pai kikin note kong la ding hi. 4Ka paina mun tunna lampi na thei uh hi,” a ci hi. Jesu, Pa Kiang Tunna Lampi
5 Thomas in, “Topa aw, na pai nading ka thei kei uh hi. Lampi bangci theih ding ka hi uh hiam?” a ci hi. b 6 Jesu in, “Keimah in, lampi, thutak le nuntakna ka hi hi. Kei tawn loin kuamah Pa kiang a tung thei kei hi. 7Kei nong theih takpi uh leh ka pa zong na thei ▼▼14.7 Khutgelh masa pawlkhatahKei nong theih khit takpi uh leh na thei ding uh hi
ding uh hi. Tu-a kipan amah na thei zo uh a, na mu zo uh hi,” ci-in a dawng hi. d 8 Philip in, “Topa aw, Pa hong lak lecin tua pen ko adingin phazo ding hi,” a ci hi. 9 Jesu in, “Philip aw, note tawh hih tanveitak ka omkhawm nangawnin kei hong thei nai lo na hi hiam? Kei hong mute peuhmah, Pa mu ahi hi. Bangci a, ‘Kote, Pa hong lak in,’ ci thei na hi hiam? 10Pa sungah kei ka om a, kei sungah Pa a om cih um lo na hi hiam? Note kianga kong gen thute, kei thu beka, gen ka hi kei hi. Ka sunga a nungta Pa in ama na a sem hizaw hi. 11Pa sungah kei ka om a, kei sungah Pa a om hi, ka cih ciangin kei hong um un. Tua ahikeh zong nalamdangte kitelsakna beek um un. 12Thutak kong geninah, kei hong um mi peuhmah in ka sepsa pen mah a sem ding hi. Pa kiangah pai ding ka hi manin hihte sangin na lianzaw nangawn a sem ding hi. 13Tapa in Pa tungah minthanna a puak theih nadingin kei min suanga na nget peuhpeuh uh ka na sepsak ding hi. 14Note in kei min suanga na khatpeuh nong nget uh leh kong sepsak ding hi. e Jesu in Khasiangtho Kamciam
15 “Kei nong it uh leh kong thupiak na mang ding uh hi. 16Pa kiangah ka ngen dinga, amah in note tawh a omkhawm tawntung dingin Thukuppihpa dang khat - 17Thutak Kha note hong pia ding hi. Leitung in amah thei ngei lo, mu zong mu ngei lo ahi manin a sang thei kei hi. Ahi zongin amah note tawh omkhawm a, note sungah om ding ▼▼14.17 Khutgelh masa pawlkhatah om hi
ahi manin amah na thei uh hi. 18Tagahte bangin note kong nusia kei ding hi. No kiangah kong pai ding hi. 19A sawt loin leitung in kei hong mu nawn kei ding hi. Ahi hangin no nong mu ding uh hi. Kei nungta ka hi manin note zong na nungta ding uh hi. 20Tua ni ciangin kei ka Pa sungah om-in, kei sungah note na om uh a, note sungah kei ka om cih na theitel ding uh hi. 21Ka thupiakte nei-a a mang peuhmah kei hong it ahi hi. Kei hong itte ka Pa in it dinga, kei zong amah it-in, ama tungah ka kilak ding hi,” a ci hi. g 22 Tua ciangin Judas (Judas Iscariot lo pen) in, “Ahi hangin Topa aw, bang dinga kote kianga kilah sawm a, leitung mite kianga kilah sawm lo na hi hiam?” a ci hi. h 23 Jesu in, “Mi khatpeuh in kei hong it leh ka hilhna a mang ding hi. Ka Pa in amah it dinga, ama kiangah ka pai ding uh a, amah tawh ka teng khawm ding uh hi. 24Kei hong it lote in ka hilhna a mang kei ding uh hi. Hih na zak uh thute kei aa hi lo hi; kei hong sawlpa ka Pa aa ahi hi. i 25 “Note tawh ka omkhawm lai-in hihte khempeuh kong gen khin zo hi. 26Ahi hangin tua Thukuppihpa keima mina Pa in hong sawl ding tua Khasiangtho in na khempeuh hong hilh dinga, kong gensa khempeuh hong phawkkiksak ding hi. 27Lemna note kong nusiat hi; ka lemna note kong pia hi. Leitung piak bangin note tungah kong pia kei hi. Na lungmang kei unla, na lau kei un. j 28 “Note in, ‘Ka paimang dinga no kiangah kong pai kik ding hi,’ ka cih na za uh hi. Pa kiangah pai ding ka hi manin kei nong it uh leh na kipak ding uh hi. Ahang in, kei sangin Pa lianzaw hi. 29Hih thu a pian cianga na up theih nadingun a pian ma-in no tungah tu-in kong gen hi. 30Hih leitung ukpa hong pai ta ahi manin note tawh sawtveipi ka kiho nawn kei ding hi. Amah in kei bangmah hong cih zo kei hi. 31Kei in Pa ka it a, ka Pa in kei hong thupiak bang tektekin ka sep lam leitung in a theih pelmawh kul hi. k “Hong pai un; tu-in paikhia ni.
Copyright information for
ZomZIV