John 6
Jesu in Tulngate Vak
1Tua nung ciangin Galilee Tuipi (tua pen Tiberias tuipi) galkhat lam pekah Jesu a galkah hi. 2Mihon tampi in cinate tunga a hihsa lim lamdangte mu uh ahi manin amah a zui uh hi. 3Tua ciangin mual pangah Jesu paito-a a nungzuite tawh a tu hi. 4Jew-te Paisan Pawi hun a nai ta hi. a 5 Jesu a daktoh leh ama lam zuana pai mihonpite a mu hi. Philip kiangah, “Hih mihonpite nek ding an koi-ah i lei ding hiam?” a ci hi. 6Amah in a hih ding a lungsim sungah theikhol khin napi a zia-et nop manin a dot ahi hi. b 7 Philip in, “Hih teng in kam khat ciat a nek ding uh kha giat thaman ▼▼6.7 Greek ah denarii zanih
in zong a lei zo kei ding hi!” ci-in a dawng hi. 8 A nungzui dangte khat, Simon Peter sanggampa Andrew in, 9“Hih lai-ah naupangno khat in mangbuh ham lum nga le ngasa neu nih a nei hi. Ahi zongin mihing hizah in bang tham a ne ding uh ahi hiam?” a ci hi. d 10 Jesu in, “Mipite na tusak un,” a ci hi. Tua munah lopa a tam hi. A tu mi peuhmah tul nga bang a pha hi. 11Tua ciangin Jesu in anlum la a, lungdam ko-in a tu mihonpite lakah a duh zahzah uh a luisak hi. Tua mah bangin ngasa zong a hih hi. e 12 Amaute in a duh zahzah uh a nek khit pikpek uh ciangin a nungzuite kiangah, “Khamval themte khawm kik un. A thelthang khat beek omsak kei un,” a ci hi. 13Tua ciangin mangbuh ham lum nga a nete in a khamval uh athem a khop uh leh bawmta sawm le nih a pha hi. f 14 Jesu nalamdang bawl mite in a muh khit uh ciangin, “Hih pa, leitunga hong pai ding Kamsangpa hi takpi hi,” a ci pan uh hi. 15Amaute in zawhthawh thu-in Jesu, kumpi-in koih nuam uh ahilam Jesu in a theih ciangin mual tungah a kihem khia hi. g Tui tungah Jesu Pai
16 Nitak ciangin a nungzuite tuilipi ah paisukin, 17gunkuang ah tuang uh a, tuilipi kantanin, Capernaum lamah a galkah uh hi. Tua hunin khua mial ta-a, Jesu lah a mau kiang a tung nai kei hi. 18Huih khauh nunga, tui nakpi-in a kilok hi. 19Amaute in tai thum ahikeh tai thum le alang ▼▼6.19 Greek stadia sawm nih le nga ahikeh sawm thum hot uh a, (kilometre 5 ahikeh 6 bang)
a hot khit uh ciangin gunkuang lam manawh in Jesu tui tunga pai mu uh a, a lau mahmah uh hi. 20Ahi hanign amaute kiangah, “Keimah ka hi hi, lau kei un,” a ci hi. 21Tua ciangin amaute in gunkuang sungah amah tuangsak nuam uh a, tua khit phetin a manawhna uh tuigei-ah gunkuang a tung pah hi. i 22 A zing ciangin tuilipi galkhat-a om mihonpite in, gunkuang khat bek tua lai-ah om a, Jesu lah a nungzuite tawh tuang khawm loin amauteng guak a pai uh a thei uh hi. 23Tua ciangin Tiberias pan gunkuang pawlkhat va pai-a, Topa in lungdam a koh khit ciangin anlum a nekna mun kiang uh, mun khatah a khawlsak uh hi. 24Mihonpite in Jesu le a nungzuite tua lai-ah a om loh lam a theih uh ciangin gunkuang tungah tuang leuleu uh a, Jesu zong dingin Capernaum ah a pai uh hi. Jesu, Nuntakna Anlum
25 Tuilipi galkhatah amah a muh uh ciangin amaute in, “Rabbi aw, cik-a hihtak tung na hi hiam?” ci-in a dong uh hi. 26 Jesu in thutak kong geninah, lim lamdang na muh manun kei hong zong na hi kei uh a, anlum ne in na gilvah manun kei hong zong na hi uh hi. 27A sia thei an ngah nadingin na na sep uh sangin Mihing Tapa hong piak ding, nuntak tawntungna donga kimang ding an ngah nadingin sem zaw un. Pa Pasian in amah a sanna ciamtehna ama tungah a koih zo hi,” ci-in a dawng hi. j 28 Tua ciangin amaute in, “Pasian deih na ka sep nadingun bang hih kul ahi hiam?” ci-in a dong uh hi. 29 Jesu in, “Ama hong sawlpa up ding, Pasian’ na sepna ahi hi,” ci-in a dawng hi. k 30 Tua ciangin amaute in, “Tua ahileh ka muh uh cianga nang kong up theih nadingun lim lamdang bang nong lak ding hiam? Bang hih ding na hi hiam? 31‘Amah in vantung panin amaute nek ding anlum a pia hi,’ ▼▼6.31 Pk. 16:4; Neh. 9:15; Ph. 78:24,25
ci-a kigelh bangin ka pute un gamlakah manna a ne uh hi,” a ci uh hi. m 32 Jesu in amaute kiangah, “Thutak kong geninah, vantung pana anlum hong pia Moses hi lo hi. Vantung pana anlum taktak hong pia, ka Pa ahi hi. 33Ahang in, Pasian anlum ahileh vantung pan hong paisuk in, leitung khempeuh nuntakna a piapa ahi hi,” a ci hi. 34 Amaute in, “Sia aw, tu-a kipan tua anlum ko hong pia in,” a ci uh hi. n 35 Tua ciangin Jesu in telgen a, “Kei mah, nuntakna anlum ka hi hi. Kei kianga hong paite a gilkial ngei kei dinga, kei hong umte a dangtak ngei kei ding hi. 36Ahi hangin kong gensa bangin note in hong mu khin napi nong um kei lai uh hi. 37Ka Pa hong piakte khempeuh ka kiangah hong pai dinga, ka kianga hong pai khempeuh ka hawlkhia ngei kei ding hi. 38Ahang in, kei deih bang sem ding hi loin kei hong sawlpa deih banga sem dingin vantung pan kong paisuk hi. 39Kei hong sawlpa deih na ahileh, kei hong piak khempeuh khat zong mansuah lo a, nitawp ni ciangin amaute ka thawhsak ding ahi hi. 40Ahang in, ka Pa deihna ahileh Tapa mu a, amah a um peuhpeuh in nuntak tawntungna nei-a, ni nunung ni ciangin amah ka thawhsak ding ahi hi,” a ci hi. o 41 Amah in, “Vantung pana hong pai suk anlum ka hi hi,” a cihna hangin Jew-te in amah a phunsan uh hi. 42Amaute in, “A nu le a pa i theih mahmah Joseph tapa Jesu hi lo hiam. Bangci a, ‘Vantung pana hong paisuk ka hi’ ci thei ahi hiam?” a ci uh hi. p 43 Jesu in, “Note phun zelzul nawn kei un. 44Kei hong sawlpa, Pa in a huai lohte khat beek kei kiangah hong pai thei lo dinga, hong paite lah ni nunung ni ciangin ka thosak ding hi. 45Kamsangte laibu sungah, ‘Pasian in amaute khempeuh a hilh ding hi,’ ▼▼6.45 Isa. 54:13
ci-in kigelh hi. Ka Pa thu ngai-a ama kianga a sin khempeuh ka kiangah hong pai hi. 46Pasian kiang pana hong pai mi khat longal Pa a mu ngei a om kei hi. Amah bek in Pa a mu zo hi. 47Thutak kong geninah, a um mi in nuntak tawntungna a nei hi. 48Keimah, nuntakna anlum ka hi hi. 49Na pute na pate un gamlak ah manna a nek uh hangin a si thei lai veve uh hi. 50Ahi hangin mite in ne-a, a sih theih nawn lohna uh vantung pana hong paisuk anlum hih lai-ah a om hi. 51Keimah in vantung pana hong pai a nungta anlum ka hi hi. Mi khat in hih anlum a nek leh a nungta tawntung ding hi.Hih anlum in leitung buppi nuntak nadinga ka piak ding ka sa ahi hi,” a ci hi. r 52 Tua ciangin Jew-te in, “Hih pa in i nek dingin a sa bang hong ci piak theih ding hiam?” ci-in nakpi-in a kinial uh hi. s 53 Jesu in amaute kiangah, “Thutak kong geninah, Mihing Tapa a sa ne-a, a si na dawn kei uh leh note sungah nuntakna na nei kei ding uh hi. 54Ka sa ne a, ka si a dawn peuhmah in nuntak tawntungna a nei hi. Ni nunung ni ciangin tua mi ka thokiksak ding hi. 55Ahang in, ka sa, an taktak hi-a ka si dawn ding taktak ahi hi. 56Ka sa ne a ka si a dawn peuhmah kei sungah tenga, ama sungah kei ka teng hi. 57A nungta Pa in kei hong sawl-a, Pa hangin kei ka nuntak bangin kei-a kivak peuhmah kei hangin a nungta ding hi. 58Hih in Vantung pana hong kumsuk anlum ahi hi. Na pute na pate un manna ne uh a, a si veve uh hi; ahi hangin hih anlum-a kivakte a nungta tawntung ding hi,” a ci hi. 59Hih thu, Capernaum a synagogue ah thu a hilh laitaka a gen ahi hi. t Nungzui Tampi in Jesu Taisan
60 A nungzuite tampi in hih thu a zak uh ciangin, “Hih in a khauh thuhilhna ahi hi. Kua in sang thei ding hiam?” a ci uh hi. 61 Hih thu ah a nungzuite phun uh cih a theih ciangin Jesu in amaute kiangah, “Hih thu in no hong dong ahi hiam? 62Note in Mihing Tapa ama-a a omna munah a kahtoh mu le uh cin, bang na ci tazen uh tam! 63Kha in nuntakna a pia hi, ci-le-sa bangmahin kimang lo hi. Note tunga kong gen thute kha ▼▼6.63 Ahikeh Kha
hi-a amaute nuntakna ahi hi. 64Ahi zongin note lakah a um lo na om lai uh hi,” a ci hi. Ahang in, Jesu in a kipatcilin amaute kua teng in um lo dinga, kua in lehhek ding cih a thei khol khin hi. 65Amah in a gen ban zom lai-a, “Pa in a hihtheihsakte longal kuamah ka kiangah hong pai thei lo hi, ka cihna ahang hih ahi hi,” a ci hi. v 66 Hih huna kipan a nungzui mi tampi nunghei-in amah a zui nawn kei uh hi. 67 Jesu in Sawm-le-nihte kiangah, “No zong kei nong taisan nuam uh hiam?” ci-in a dong hi. w 68 Simon Peter in, “Topa ko kua kiang ah pai ding ka hi uh hiam? Nangmah in nuntak tawntungna thu na nei hi. 69Pasian’ Mi Siangtho na hi cih kong um uh a, kong thei uh hi,” a ci hi. 70 Tua ciangin Jesu in, “No, Sawm-le-nihte hong teel khin hi lo ka hi hiam? Hi napi note lak nangawn ah khat, dawi mangpa ahi hi!” ci-in a dawng hi. 71(Sawm-le-nihte lakah khat ahi hanga a nung cianga a lehhek ding pa Simon Isacariot tapa Judas a genna ahi hi.) x
Copyright information for
ZomZIV