Jos 12 | ZomZIV | STEP | Hihte in Israel-te zawhsa Jordan nisuahna lama amau laksa kumpite gam hi-a, Arnon Kuam panin Hermon Vum dong le Arabah nisuahna lampang khempeuh tawh ahi hi.

Joshua 12

Zawhsa Khuapi Phazah

1 Hihte in Israel-te zawhsa Jordan nisuahna lama amau laksa kumpite gam hi-a, Arnon Kuam panin Hermon Vum dong le Arabah nisuahna lampang khempeuh tawh ahi hi. ^a

2 Heshbon a kumpi sem Amor-te kumpipa Sihon.

Amah in Arnon Guam siik tunga om Aroer pan - guam laizang pan - Amon-te gamgi ahi Jabbok Gunpi ciang dong a uk hi. Hih sungah Gilead kimkhat kihel hi. 3 Amah in Arabah nisuahna-lam Kinnereth ^{▼▼12.3 Tua pen Galilee} Tuipi panin Arabah Tuipi (Ci Tuipi) ^{▼▼12.3 Tua pen Si Tuipi} dong, Beth Jeshimoth ciang le tua ciang leitaw-lam pangah Pisgah mualdung kikhungsuk nuaisan dong zong a uk hi. ^d

4 Tua pen Ashtaroth le Edrei a kumpi sem Rephai-te kumpi nunungte laka khat

Bashan kumpipa Og gam ahi hi. 5 Amah in Hermon Vum, Salacah, Bashan gam khempeuh Geshur le Maacah mite gamgi ciang dong le Gilead kimkhat Heshbon kumpipa Sihon gamgi ciang dong a uk hi. ^e

6 TOPA nasempa Moses le Israel-te in amaute a zo uh hi. Tuateh TOPA nasempa Moses in amaute leitang Reuben-te tung, Gad-te tung, le Manasseh beh alangte tungah a neih dingun a pia hi.

7 Hih a nuai-ate in Jordan nitumna lama Joshua le Israel-te zawhsa kumpi gamte hi a, Lebanon Kuam sunga Baal Gad panin Seir lama a kikhungto Halak Vum ciang hi-in (Israel behte amau beh kikhenna tawh kizui-in Joshua in a luah dingun a piak - 8 mualtung gam teng, nitumna lam mualbul, Arabah mual kikhungsuk, sehnel-gam le Negev ciang - Hit-te, Amor-te, Canaan-te Periz-te, Hiv-te le Jebus-te gamte ahi hi):

9 Jericho kumpi — khat
Ai kumpi (Bethel kianga) — khat
10 Jerusalem kumpi — khat
Hebron kumpi — khat
11 Jarmuth kumpi — khat
Lachish kumpi — khat
12 Eglon kumpi — khat
Gezer kumpi — khat
13 Debir kumpi — khat
Geder kumpi — khat
14 Hormah kumpi — khat
Arad kumpi — khat
15 Libnah kumpi — khat
Adullam kumpi — khat
16 Makkedah kumpi — khat
Bethel kumpi — khat
17 Tappuah kumpi — khat
Hepher kumpi — khat
18 Aphek kumpi — khat
Lasharon kumpi — khat
19 Madon kumpi — khat
Hazor kumpi — khat
20 Shimron Meron kumpi — khat
Acshaph kumpi — khat
21 Taanach kumpi — khat
Megiddo kumpi — khat
22 Kedesh kumpi — khat
Carmel a Jokneam kumpi — khat
23 Dor kumpi (Naphoth Dor) ^{▼▼12.23 Ahikeh Dor sannate} — khat
Gilgal a Goyim kumpi — khat
24 Tirzah kumpi — khat

a vekpi in kumpi sawmthum le khat ahi hi. ^g