Jos 19 | ZomZIV | STEP | A nihna ah Simeon beh a bawng’bawng’te adingin ai a pha hi. Amaute gouluah in Judah gamsunga omsa a huam hi.

Joshua 19

Simeon Sehtanh

1 A nihna ah Simeon beh a bawng’bawng’te adingin ai a pha hi. Amaute gouluah in Judah gamsunga omsa a huam hi. 2 A huam khakte:

Beersheba (ahikeh Sheba) ^{▼▼19.2 Ahikeh Beersheba, Sheba; 1Kh 4:28 in Sheba nei lo hi.}, Moladah, 3 Hazar Shual, Balah, Ezem, 4 Eltolad, Bethul, Hormah, 5 Ziklag, Beth Marcaboth, Hazar Susah, 6 Beth Lebaoth le Sharuhen - khuapi sawm le thum le a khua neute ahi hi.
7 Ain, Rimmon, Ether le Ashan - khuapi li le a khuaneute 8 le hih khuapite kimkota, Baalath Beer (Negev sunga Ramah) donga khuaneute khempeuh ahi hi. ^b

Hih in Simeon-te beh in a bawng’bawng’-a, a gouluah uh ahi hi. 9 Judah-te tanh amau kisap zah sangin tamzaw ahi manin Judah tanh sung pan Simeon-te gouluah kilaksak hi. Tua ahi ciangin Simeon-te in amau gouluah Judah gam sung panin a ngah uh hi.

Zebulun Sehtanh

10 A thumna ah Zebulun a bawng’bawng’te adingin ai a pha hi:

Amaute luah ding gamgi Sarid dongah pai hi. 11 Nitumna-lam manawh in Maralah lamah pai-a Dabbesheth nawkin Jokneam kianga ciangpi dongah a kikhung hi. 12 Sarid panin nisuahna lamah kihei-a, Kisloth Tabor gama nisuahna mun lam manawhin Daberath ciang dong pai-a Japhia ciang dong a ban hi. 13 Tua ciangin nisuahna lamah Gath Hepher le Eth Kazin dong kizom hi; Rimmon ah suakkhia a, Neah lamah a kihei hi. 14 Tua lai panin Hannathon dong leilu-lam ah kivial a, tuateh Iphtah El Kuam ah tawp hi. 15 A huamkhakte Kattath, Nahalal, Shimron, Idalah le Bethlehem ahi hi. Tua lai-ah khuapi sawm le nih le a khuaneute a om hi. ^c

16 Hih khuapite le khuaneute Zebulun in a bawng’bawng’a, a gouluah uh ahi hi. ^d

Assachar Sehtanh

17 A lina ah Issachar, a bawng’-bawng’te adingin ai a pha hi. 18 Amau gam in a huamkhakte:

Jezreel, Kesulloth, Shunem, 19 Hapharaim, Shion, Anaharath, 20 Rabbith, Kishion, Ebez, 21 Remeth, En Gannim, En Haddah le Beth Pazzez ahi hi. 22 Gamgi in Tabor, Shahazumah le Beth Shemesh nawka Jordan ah a tawp hi. Tua lai-ah khuapi sawm le guk le a khuaneute a om hi.

23 Hih khuapite le a khuaneute, Issachar behte in a bawng’bawng’a a gouluah uh ahi hi.

Asher Sehtanh

24 A ngana ah Asher beh a bawng’bawng’te adingin ai a pha hi. 25 Amau gam in a huamkhakte:

Helkath, Hali, Beten, Acshap, 26 Allammelech, Amad le Mishal ahi hi. Nitumna-lam gamgi in Carmel le Shihor Libnah a nawk hi. 27 Tua ciangin nisuahna-lam Beth Dagon lamah kihei a, Zebulun le Iphtah El Kuam nawkin, leilu-lam manawh in Beth Emek le Neiel ah pai-a, Cabul veilam pangah kantan to hi. 28 Abdon ^{▼▼19.28 Hebrew khutgelh pawlkhat (Jos 21:30 zong en in) Hebrew khutgelh khempeuh ah Ebron}, Rehob, Hammon le Kanah ah pai-in Sidon Lianzaw dong a sun hi. 29 Tua ciangin gamgi Ramah lamah kilehhei a, kulh-a ki-um Tyre khuapi ah pai-in Hosah lamah kihei-a, Aczib 30 Ummah, Aphek le Rehob kual-a tuipi ah suakkhia hi. Tua lai-ah khuapi sawmnih le nih le a khuaneute a om hi.

31 Hih khuapite le a khuaneute Asher behte in a bawng’bawng’a a gouluah uh ahi hi. ^f

Naphtali Sehtanh

32 A gukna ah Naphtali a bawng’bawng’te adingin ai pha a:

33 Amau gamgi Heleph le Zaanannim a singkung lianpi pan kipanin, Adami Nekeb le Jabneel kantanin Lakkum ah paisuak-a, Jordan ah a tawp hi. 34 Gamgi nitumna lamah pai leuleu a, Aznoth Tabor kantanin Hukkok ah a suakkhia hi. Leitaw lamah Zebulun nawkin nitumna lamah Asher hi-a, a nisuahna lamah Jordan ^{▼▼19.34 Septuagint; Hebrew ah nitumna, le Judah le tua Jordan} ahi hi. 35 Kulh a ki-um khuapite in: Ziddim, Zer, Hammath, Rakkath, Kinnereth, 36 Adamah, Ramah, Hazor, 37 Kedesh, Edrei, En Hazor, 38 Iron, Migdal El, Horem, Beth Anath le Beth Shemesh ahi hi. Tua lai ah khuapi sawm le kua le a khuaneute a om hi.

39 Hih khuapite le a khuaneute Naphtali behte in a bawng’bawng’a a gouluah uh ahi hi. ^h

Dan Sehtanh

40 A sagihna ah Dan beh a bawng’bawng’te adingin ai a pha hi. 41 Amau luahna gam in a huamkhak teng:

Zorah, Eshtaol, Ir Shemesh, 42 Shaalabbin, Aijalon, Ithlah, 43 Elon, Timnah, Ekron, 44 Eltekeh, Gibbethon, Baalath, 45 Jehud, Bene Berak, Gath Rimmon, 46 Me Jarkon, le Rakkon, Joppa gal kuam teng tawh ahi hi. ⁱ

47 (Ahi hangin Dan-te in amau gam a neih theih nadingun haksapi in la uh a, tua ciangin amaute kuanto in Leshem sim uh a la-in, namsau-in that uh a, a tang uh hi. Amaute Leshem ah teng uh a, a pupi uh min tam in Dan a ci uh hi.) ^j

48 Hih khuapite le a khuaneute Dan behte in a bawng’bawng’a, a gouluah uh ahi hi.

Joshua Sehtanh

49 Amaute in amau sehtanh ciat ding bangin a gam uh a hawm khit uh ciangin TOPA in amaute a thupiaksa bangin Israel-te in amaute lakah Nun’ tapa Joshua gouluah khat a pia uh hi. 50 Amaute in ama nget khuapi - Ephraim mualtung gama Timnath Serah ^{▼▼19.50 Timnath Heres a zong a kithei (Thk 2:9 en in )} a pia uh hi. Tuateh amah in khuapi lama tua lai-ah a teng hi.

51 Hihte in siampi Eleazar, Nun’ tapa Joshua le Israel beh pana a bawng’ lutangte in Shiloh a TOPA omna Kikhopna Puanbuk lutna ah ai lawna, a hawm uh gamte ahi hi. Hih bangin amaute gam hawm a man ta uh hi. ^l