Joshua 20
Bukna Khuapite
1Tua ciangin TOPA in Joshua tungah: 2“Moses tungtawna nang kong lamlah bangin Israel-te in bukna khuapi a koih dingun gen in, 3tua in mi khatpeuh in, sawmkhol lo pi-in mi khat a thah khak leh tua lai-ah tai-in a sisan phula nuampa kiang pan a kihut theih nading ahi hi. a 4 “Amah tua khuapite khatah a tai ciangin khuapi kongpi lutna ah dingin, tua khuapi upate tungah a thu a telgen ding hi. Tua ciangin amaute in amau khuapi ah amah omsakin amau tawh a omkhawm nading mun a pia ding uh hi. 5A sisan phula nuampa in amah a delh leh tuapa tungah thu neipa a pia peuhmah kei ding uh hi; bang hang hiam cih leh amah in a innvengpa sawmkhol lopi-a a thah khak hi-a, kigalneihin a tum khol hi lo hi. 6A thu kikhen dingin mipa mai-ah a din mateng le tua huna nasem tulpipa a sih matengin amah tua khuapi ah a teng ding hi. Tua khit ciangin amah a taikhiatna khuapi-a a inn ah a ciah kik thei ding hi,” a ci hi. b 7 Tua ciangin amaute in Naphtali-te mualtung gama Galilee ah Kedesh, Ephraim-te mualtung gamah Shechem, le Judah-te mualtung gam ah Kiriath Arba (tua pen Hebron) a sehtuam uh hi. 8Jordan nisuahna Jericho ▼▼20.8 Jericho a Jordan pen tanglai-a Jordan Gun min hi kha ding hi.
lampangah Reuben beh sung mualtung zang sehnel-gam ah Bezer, Gad beh sung Gilead gamah Ramoth le Manasseh beh sung Bashan ah Golan a sehtuam uh hi. 9Israel-te khatpeuh ahi-a, amau laka teng pemta khatpeuh ahi zongin mi khatpeuh a thatkhate, hih a kisehtuam khuapite ah tai ding uh a sisan phulapa in, tua mipa mipi mai-ah thu kisit-a, a din mateng a that kei ding hi. d
Copyright information for
ZomZIV