Joshua 22
Nisuahna-lam Behte Ciah
1Tua ciangin Joshua in Reuben-te, Gad-te le Manasseh beh alangte samin, 2amaute kiangah, “TOPA nasempa Moses hong thupiak khempeuh na sem khin uh a, kei hong thupiak peuhmah nong mang uh hi. 3Sawtpi a kipan tu dong - tuni mahmah dong na sanggamte uh na taisan kei uh a, TOPA note Pasian in sep dinga hong piak peuhpeuh na sem uh hi. 4Tu-in TOPA note Pasian in a ciamsa bangin na sanggamte uh tawlngakna a pia ta hi, no zong TOPA nasempa Moses in hong piaksa Jordan galkhat na gamua na inn uah ciah ta un. 5Ahi zongin TOPA nasempa Moses in note hong thupiak le thukham ahi: TOPA note Pasian it a, ama lampi khempeuh tawnin, ama thupiakte mangin, amah lenkip bikbek a, na lungsim khempeuh uh le na hinna khempeuh uh tawh ama na na sep ding uh limtakin ngaihsun un,” a ci hi. a 6 Tua ciangin Joshua in amaute thupha pia-in paikhiasaka, a inn uah a ciah uh hi. 7(Manasseh beh alangte tungah Moses in Bashan ah leitang pia-a, alang dang khatte, Joshua in Jordan nitumna-lam galah a sanggamte tawh leitang a pia hi.) Joshua in amaute inn ah a ciahsak ciangin thupha pia a, 8“Na hauhna uh tampitak, - ganhing hon tampitak ngun, kham, sumngo le sik tampitak le puansilh tampitak tawh ciah unla - na galte uh van na lakte uh na sanggamte uh tawh hawm un,” a ci hi. b 9 Tua ciangin Reuben-te, Gad-te le Manasseh beh alangte in Canaan a Shiloh ah Israel-te nusia uh a, TOPA in Moses tungtawna a thupiakna tawh kizui-in a neih uh, amau neihsa gam Gilead ah a ciahsan uh hi. c 10 Reuben-te, Gad-te le Manasseh beh alangte Canaan gam sung Jordan kiang Geliloth ah a tun uh ciangin amaute in Jordan gei-ah biakna-tau khat a dawh uh hi. 11Amaute in Israel-te lam gal Jordan kiang Canaan tawh gamgi Gililoth ah biakna-tau a dawh uh Israel-te in a zak uh ciangin 12amaute sim dingin Israel mipi bup Shiloh ah a kikhawm uh hi. d 13 Tua ciangin Israel-te in siampi Eleazar’ tapa Phinehas, Gilead gama - Reuben, Gad le Manasseh beh alangte kiangah a sawl uh hi. 14Amaute in Israel bawng’te laka innkuan khena innkuan lutang ciat ahi Israel behte khatah khatta, ukpi sawm amah tawh a paisak uh hi. e 15 Amaute Gilead a - Reuben, Gad le Manasseh alangte kiangah pai uh a - amaute kiangah, 16“TOPA’ mipi buppi in: ‘Bangci-in hih banga Israel Pasian tunga na muanna uh palsat na hi uh hiam? Bangci-in TOPA pialsanin amah na langpanna un tu-in biakna-tau dawh thei na hi uh hiam? 17Peor a i bawlsa mawhna phazo sa lo na hi uh hiam? Tua mawhna hangin TOPA in mipite tungah pulpi hong tungsak khin napi, tuni mahmah dong eite kisiansuah nai lo hi hang! 18Tu-in note in TOPA kiheisan ta na hi uh hiam? f “‘Tuni-in TOPA na lehdo uh leh, zingciangin Israel mipi bup tungah a heh ding hi. 19Na neihsa uh leitang ninsak na hi uh leh TOPA biakna-tau a dinna mun TOPA leitang ah hong pai unla, ko tawh leitang hong nei khawm un. Ahi hangin TOPA eite Pasian biakna-tau lo biakna-tau dang na dawhna uh tawh no na hi uh a, ko ka hi uh zongin TOPA a lehdo suaksak kei un. 20A ki-apsa ▼▼22.20 Hebrew lai ah mihing le nate TOPA
vante ah Zerah’ tapa Achan muanhuai lo-a, a gamtat ciangin Israel mipi bup tungah thangpaihna tung hi lo ahi hiam? Ama mawhna hangin amah kia si lo hi,’ ci un,” a ci uh hi. h 21 Tua ciangin Reuben, Gad le Manasseh beh alangte in Israel bawng’ lutangte tungah: 22“A Thahatpen Pa, Pasian TOPA! A Thahatpen Pa, Pasian TOPA! Amah in thei hi! Israel in zong thei ta hen! Hih pen TOPA ka lehdona uh a ka hih uh ahih tak leh tuni-in kote hong hinkhawi kei un. 23Kote in TOPA kiheisana, meihal biaknate ▼▼22.23 Tang ngeina-in kilemna biakna tg. 27 ah zong.
le an-a biaknate ahikeh kilawmtakna biakna bawl nadingin ko thu-a biakna-tau a dawh ka hih tak uh leh TOPA mahmah in hong thuaksak hen. j 24 “Hi peuhmah lo hi! Ni khat ni ciangin no suante in ko aate kiangah, ‘Note in TOPA Israel Pasian tawh bang kisaikhakna om ahi hiam? 25TOPA in no le ko kikal, no - Reuben-te le Gad-te le ko kikalah gamgi dingin Jordan a bawl khin hi! Note in TOPA ah tanh na nei kei uh hi,’ ci thei ding uh hi. Tua bangin no suante in ko aate’ TOPA a kihtakna uh beisak thei ding uh hi. 26 “Tua thu hangin kote in, ‘Khai, kithawi-in haltum-biakna ding ahi kei leh biakpiak nading ahi lo - biakna-tau khat dawh dih ni,’ ka cih uh ahi hi. 27Tua hi lo zaw in, hih in no le ko le ei nunga khangte kikalah kote in ka haltum-biakna uh, biakpiaknate le kilawmtakna biaknate tawh TOPA a biakbuk sungah ka biak theih nading uh teci a suak ding hi. Tua ciangin mailam hunah no suante in ko aate kiangah, ‘TOPA ah no tanh a om kei hi,’ a ci thei kei ding uh hi. k 28 “Tuateh kote in, ‘Amaute in eite le i suante tungah hih a cih khak uh leh: En un, TOPA biakna-tau lim ahi hi, ka pate uh dawh hi-a, meihal biakna le biakpiak nading hi loin no le ko kikala teci ding ahi hi,’ ka ci ding uh hi. 29 “Ama biakbuk mai-ah a ding TOPA eite Pasian biakna-tau lo TOPA lehdo nading le amah pialsan nadingin meihal biakna ding, an-a biakna piak nading le biakpiak nadingin biakna-tau dawh ka hi peuhmah kei uh hi,” a ci uh hi. 30 Siampi Phinehas le mipite’ makaite - Israel bawng’te lutangte in - Reuben, Gad le Manasseh-te thugen a zak uh ciangin a lungkim uh hi. 31Tuateh Eleazar tapa siampi Phinehas in Reuben, Gad le Manasseh-te tungah, “Hih thu ah note in TOPA lamah a muanhuai loin na sem lo na hi manun tuni-in TOPA in eite hong ompih lam i thei hi. Tu-in TOPA khut panin Israel-te na hukhia uh hi,” a ci hi. 32 Tua ciangin Eleazar’ tapa siampi Phinehas le makaite, Gilead a Reuben-te le Gad-te tawh a thu kikupna panun Canaan ah ciah kik uh a, Israel-te kiangah thu a zasak uh hi. 33Amaute in thuzaksakna a zak uh kipakin Pasian a phat uh hi. Amaute in Reuben-te, le Gad-te tenna gam sima thahgam khit ding thu a gen nawn kei uh hi. l 34 Tuaciangin Reuben-te le Gad-te in hih biakna-tau min: TOPA in Pasian ahina eite kikalah teci ahi hi, ci-in a phuak uh hi. m
Copyright information for
ZomZIV