Joshua 6
1Israel-te hangin Jericho khauh takin a kikhakcip hi. Kua mah tum loin kuamah a pusuakkhia kei hi. a 2 Tua ciangin TOPA in Joshua kiangah, “En in, Jericho, a kumpipa le a galkap mite tawh nang khut sungah kong pia khin hi. 3Galhiam tawite khempeuh tawh khuapi khatvei kimkot un. Niguk sung hih bangin hih un. 4Siampi sagihte tuutal ki pengkul puasa-in singkuangpi mai-ah paisak in. A ni sagihna ni-in siampite in pengkul mutsa in khuapi, sagih vei kimkot ding uh hi. 5Pengkul aw sawtveipi a kimut a zak uh ciangin mipi khempeuh ngaihtakin awng ding uh a, tua ciangin khuapi kulh kicimin mite a omna ciat panun kahto in tangtakin a lut ding uh hi,” a ci hi. b 6 Tua ciangin Nun’ tapa Joshua in siampite sama amaute kiangah, “TOPA’ thukhun singkuang pua unla a mai-ah siampi sagih pengkul puasa-in pai un,” a ci hi. 7Tuateh mipite tungah, “Mai nawt un! TOPA singkuangpi mai-ah galhiam tawite cingsakin khuapi kimkot ah pai un,” a ci hi. c 8 Joshua in mipite tungah a gen khit ciangin TOPA mai-a pengkul sagih a pua siampi sagihte amai-ah madawkin a pengkulte uh mut uh a, TOPA’ thukhun singkuang in amaute a zom hi. 9Galhiam tawi galvilte, pengkul mut siampite mai-ah masa uh a, a nunga cingte in singkuangpi a zui uh hi. Hih hun sung khempeuh pengkul a kimut den hi. 10Ahi hangin Joshua in mipite thu pia-a, “Awng dinga kong gen ni mateng galdo kikona gingsak loin na aw uh zong sangsak kei unla kam khat beek pau kei un. Awng uau! ka cih ciang bekin awng un,” a ci hi. 11Tua ciangin amah in TOPA’ singkuangpi khatvei khuapi a kimkotsak hi. Tua khit ciangin mipite giahphual ah ciah uh a zanin tua lai-ah a giak uh hi. d 12 A zingciang zingsangin Joshua thobaih a, siampite in TOPA’ singkuangpi a zawng uh hi. 13Pengkul sagih pua siampi sagihte madawk uh a pengkul mut kawmin TOPA’ singkuangpi mai-ah a pai uh hi. Amaute mai-ah galhiam tawite pai uh a pengkul a kimut kawmkawmin a nunga cingte in TOPA’ singkuangpi a zui uh hi. 14A ni nih ni-in tua bangin khatvei khuapi kimkot uh a giahphualah a ciah kik uh hi. Amaute in hih bangin niguk sung a hih uh hi. 15 A ni sagihna ni-in khuavak tungin tho uh a, tua ni-a sagih vei a kimkot lohngal uh a nidanga tawh a kibangin khuapi sagih vei a kimkot uh hi. 16A vial sagihna ah siampite in pengkul aw sawtveipi a mut uh ciangin Joshua in mipite tungah, “TOPA in khuapi no tungah hong pia ta ei! Awng uau!” ci-in thu a pia hi. 17Khuapi le a sunga om khempeuh TOPA tungah ki-ap ▼▼6.17 Hebrew ah TOPA
ding hi. Numei kizuak ▼▼6.17 Ahikeh inn cingpa hi thei; tg.22 le 25 ah zong
Rahab in ei sawl thukansimte na selsak ahi manin ama inn sunga amah tawh a omkhawm teng bek kihawi ding hi. 18Ahi hangin tua a ki-apsa na khatpeuh la a na kisiat loh nadingun tuate na lak khak ding uh kidawm un. Tua hikeileh Israel giahphual siattutin a tungah gimna na tungsak kha ding uh hi. 19Ngun le kham, sumngo le sik vanzatte khempeuh TOPA adingin a siangtho-in ama goukholna sungah kitun pelmawh ding hi,” a ci hi. g 20 Pengkulte a kimut ciangin mite awng uh a, pengkul aw le mite aw ngaihtaka a gin ciangin kulh a kiciim hi; tua ciangin mite in amau omna ciat panin delh uh a khuapi a luh uh hi. 21Amaute in TOPA tungah khuapi ap uh a, a sunga om nuntakna nei khempeuh - numei pasal, a moi a ham, bawnghon tuuhon le laate namsau-in a susia khin uh hi. h 22 Joshua in gamsung thu a kansim mi nihte kiangah, “Numei kizuaknu inn ah pai unla ama tungah na ciamsa bangun amah le amah tawh kisai khempeuh paikhiatpih un,” a ci hi. 23Tua ciangin thu a kansim khangnote gel va tumin Rahab, a nu le a pa le a sanggam pasalte le amah tawh a kisai kha khempeuh a paikhiatpih uh hi. Amaute in tuanu tanau teng khempeuh paikhiatpih in Israel-te giahphual pua mun khatah a koih uh hi. 24 Tua ciangin khuapi bup le a sunga om teng hal uh a, ahi hangin ngun le kham le sumngo le sik vanzatte TOPA inn a gou kholna ah a koih uh hi. 25Ahi hangin Joshua in numei kizuak Rahab le a innkuanpihte le ama kinaipih mi khempeuh a hawi hi; bang hang hiam cih leh Joshua in Jericho thu a kansim dingin a sawl mite amah in na sel hi - tuni dongin tuanu Israel-te lakah a teng hi. i 26 Tua hunin Joshua in kiciamna thupi khat genkhia a: “Hih Jericho khuapi, a lam kik dinga kipan mipa in TOPA mai-ah: “A tapa upa pen luang khamina bulpi phut dinga;
a tatum pen luang khamin
a kongpite a bulh ding hi” ci-in a hamsiat hi.
27 Tua bangin TOPA in Joshua ompih a, ama minliatna gam khempeuhah a kizel hi. j
Copyright information for
ZomZIV