a1Sa 19:11; Ph 118:10-12
bPc 24:67; Jos 13:3
cThk 14:16
dMs 6:2, 5; Mic 7:5
e1Sa 5:2
f1Sa 31:9; 1Kh 10:9
gThk 9:27; Ru 3:7
hThk 15:18
iThk 13:2; Ru 1:1

Judges 16

Samson le Delilah

1Ni khat Gaza ah Samson pai-a numei kizuak khat a mu hi. Tuanu kianga giak dingin a lut hi. 2Gaza mite kiangah, “Samson hiah om hi,” ci-in kigen hi. Tua ciangin tua mun umcih uh a, khuapi kongpi-ah amah a pang uh hi. Amaute in, “Khuavak ciangin amah i that ding hi,” ci-in zan thapai-in a tangkhia kei uh hi. a

3 Ahi hangin tua lai-ah Samson zankim dong bek a lum hi. Tua ciangin amah tho a, khuapi kongpite a khuamte gel a kalhna zawl le a dang khempeuh tawh a longkhia hi. A liangkoin pua a Hebron gal-a mualdawn ah a pua to hi.

4 Tua khit a sawt loin Sorek Kuama om a min Delilah kici numei khat tawh a kingai hi. 5Philistia-te’ gam ukte tuanu kiangah pai uh a, “Amah hencipin thazawh a ka nuainet theih nadingun a thahat-napipen a thusim na theih khiat nadingin amah hong zol in. Kote in ka vekun ngun shekel e tul le zakhat ciat kong pia ding uh hi,” a ci uh hi. b

6 Tua ciangin Delilah in Samson kiangah, “Na hatnapi a thusim le nang bang hong kici hencipin hong kithazawh thei ding hiam, kei hong hilh in,” a ci hi.

7 Samson in, “Khatpeuh in savun khau f thak a keu nai lo vial sagihin hong hen leh midang khat mah bangin ka tha a nem ding hi,” a ci hi.

8 Tua ciangin Philistia gam ukte in tuanu a keu nai lo savun khau thak sagih puak uh a, tuanu in amah tuate in a hen hi. 9A inndei sungah tuanu in mi busak-a ama kiangah, “Samson, Philistia-te in nang hong suam ei!” ci-in a awng hi. Ahi hangin khauzang le mei a kisukkhak-a, a kitah bangin tua savun khaute baihtakin a sutat hi. Tuaci-in a thahatna thusim a theihkhia zo kei uh hi.

10 Tua ciangin Delilah in Samson kiangah, “Kei mihai nong suaksak hi; nong khem ahi hi. Hong pai inla nang hong kihenzia ding hong gen in,” a ci hi.

11 Amah in, “Mi khatpeuh in a kizang nai lo khauzen thakin hong hen leh midang khat mah bangin ka tha nem ding hi,” a ci hi.

12 Tua ciangin Delilah in khauzen thak la-in amah a hen hi. Tua ciangin, a busimte inndei sungah om uh a, tuanu in amah koin, “Samson, Philistia-te nang hong suam dingin hong kuan ei!” a ci hi. Ahi hangin khauzangno bangin khauzente a peksat ziau hi.

13 Tua ciangin Delilah in Samson kiangah, “Tu ciang dong nong khema nong haibawl hi. Bang hong kici hen ding hiam hong gen in,” a ci hi.

Amah in, “Ka lu-a ka samphek sagih siamphei tawh gan khawmin ciampekin khen bikbek lecin midang khatpeuh bangin ka tha a nem ding hi,” ci-in a dawng kik hi. Tua ciangin a ihmut laitakin Delilah in a samphek sagih le a siamphei khumkhawmin g 14ciampekin a khen bikbek hi.

Tuanu in amah ko a, “Samson, Philistia-te nang suam dingin hong kuan ei!” a ci hi. A ihmu kimlai khanglo-a, a ciampek tawh a siambu tawh a siam tawh a kaigawp hi.

15 Tua ciangin tuanu in ama kiangah, “Bang hangin kei hong muang lopi, ‘Kong it hi,’ ci na hi hiam? Nong haibawl a na hatna thusim nong hilh loh a thumveina hi ta hi,” a ci hi. 16Amah sidektak a, a gim dongin nisimin tua bangin totoin a kal teitei hi. c

17 Tua ciangin ama tungah a vekin a gen hi. Amah in, “Ka suah tunga kipan Nazir-te ka hi a, Pasian adinga hong kituam koih ahi manin ka lutungah mulkiatna a kizang ngei kei hi. Ka lu kimetmai leh ka hatna in hong nusia dinga midang khat bangin ka thanem ding hi,” a ci hi. d

18 Delilah in a vekpi-in a gen khit lam a muh ciangin Philistia gam ukte kiangah kam vaikhak a, “Khatvei hong pai kik dih un; a vekpi in hong gen khin ta hi,” a ci hi. Tua ciangin Philistia gam ukte a ngun uh a khut sunguah kengin a kuan kik uh hi. 19Tuanu in amah a phei tungah a ihmutsak khit ciangin a samphek sagihte met dingin mi khat sam a, tua ciangin amah a a thakiat ding a kipan hi. Tuateh a hatna in a nusia ta hi.

20 Tua ciangin tuanu in, “Samson, Philistia-te in nang hong suam ei!” ci-in a ko hi.

A ihmu kimlai tho a, “Nidang bangin thoin kei le kei kipekkhia ning,” ci-in a ngaihsun hi. Ahi hangin TOPA in amah a nusiatkhit lam a thei kei hi.

21 Tua ciangin Phislistia-te in amah man uh a, a mitte khelkhiatsakin Gaza ah a paipihsuk uh hi. Amah sumngo kol bulh uh a, thong sungah an a gawisak uh hi. 22Ahi hangin a metsa a sam a khang kik ta hi.

Samson Sihna

23 Tu-in Philistia gam ukte a pasian uh Dagon tungah biakna lianpi bawl dingin, ‘I pasian in i galpa Samson eite khutah hong pia khin hi,’ ci-in a ai dingin a kikhawm uh hi. e

24 Mite in amah a muh uh ciangin amau pasian phat uh a,

“I pasian in i galpa
i gam siasakpa, f
tampitak hong thatpa eite
khut sungah hong pia ta hi,” a ci uh hi.

25 Amaute a gualnop mahmah laitakun, “Eite hong gualnuamsak dingin Samson hong pusuahkhia un,” ci-in a awng uh hi. Tua ciangin amaute in thong sung panin Samson samkhia uh a amau muhin a mawlpih uh hi. g

Khuampite lakah a dinsak laitakun 26Samson in a khuta len nasempa kiangah, “Biakinnpi sutpi ah ka kingap theih nadingin hong sawkkhasak in,” a ci hi. 27Tua hunin biakinnpi ah numei pasal tam mahmah a tua lai-ah Philistia-te gam-ukte khempeuh omin, innkhum tungah Samson kimawlpih a en numei pasal tul thum bang a om hi. 28Tua ciangin Samson in TOPA tungah thu ngen a, “Thuneipen TOPA aw, hong mangngilh kei in. Pasian aw, khatvei bekbek hong hatsak kik inla, ka mitte gel hangin Philistia-te tungah nawk khat bekin phu hong lasak in,” a ci hi. 29Tua ciangin Samson in biakinnpi kingakna sutpite gel a zam hi. Tuate gel khat a veilam, khat a ziatlam khutin kawi tentan a, 30Samson in, “Phislistia-te tawh hong sikhawmsak in!” a ci hi. Tua ciangin a thaneihzahin phu-a, biakinnpi sunga om gam-ukte le mipi khempeuh tungah a kiasuk hi. Tua bangin a nuntak lai sangin a sihin tam a thatzaw hi. h

31 Tua ciangin a sanggamte le a pa innkuan buppi a luang la dingin a paisuk uh hi. Amaute in pua kik uh a Zorah le Eshtaol kikala om a pa Manoah’ hanah a vui uh hi. Amah in kum sawmnih sung Israel a makaih b hi. i

Copyright information for ZomZIV