Judges 5
Deborah’ La
1Tua ni-in Deborah le Abinoam tapa Barak in la sa uh a: a 2 “Israel a makaite in a makaih uh cianginmite amau utthu-in a kipiatawm uh hi -
TOPA phat un!
3 “No kumpite aw, za un!
No gam-ukte aw, ngai un! TOPA la ka sak c dinga, ka sak ding hi;
Israel Pasian TOPA tungah, tumtheih d ka tum ding hi.
4 “TOPA aw, Seir pana na paikhiat ciang,
Edom gam pan na kuankhiat ciang, b
lei kiling a, vante’n sungkhia in
meiite in tui sungsuk uh hi. c
5 TOPA, Sinai-a Pa mai,
TOPA Israel Pasian mai ah, mualte ling uh hi. d
6 Anath’ tapa Shamgar hunlai, e
Jael hun laitakin lampite kitawn nawn lo a, f
khualzinte in lamkotte a zui uh hi.
7 Keimah e Deborah khanga,
Israel ah nu khat a khan mateng
Israel a khuano nuntakna f a bei hi.
8 Adang pasiante a teel uh ciangin,
khuapi ah gal tunga,
Israel tul sawmlite lakah
lum le tei a kimu kei hi.
9 Israel ukte le mipite laka utthu-in
nasem nuamte tawh ka lungsim a kituak hi,
TOPA phat un!
10 “Laa kangte tunga tuangte g
sakol tutphah puanza tunga
tute le lampi dunga paite aw,
11 tui buakna phuala lasate g aw, ngaihsun dih un.
Amaute in TOPA thumaan gamtatna sasa uh a, h
Israel sunga ama galhangte h gamtatnate a lolo uh hi.
Tua ciangin TOPA mite khuapi
kongpite ah a paisuk uh hi.
12 “Tho in, Deborah aw tho in!
Tho in, tho in, la sa dih in!
Barak aw, ding in!
Abinoam’ tapa aw, na gal matte sal dingin kai in.
13 “Tua ciang a kinusia mite
miliante kiangah paisuk uh hi;
TOPA’ mite mithahatte tawh
kei kiangah hong paisuk uh hi.
14 Ephraim pan pawlkhat hong pai-a, a bul uh Amalek ahi hi;
Nangmah hong zui mite tawh Benjamin tawh kithuah hi.
Makir pan galkap ukte kuansukin
Zebulun pan galkapmangpa ciangkhut tawite paisuk uh hi.
15 Issachar uliante Deborah tawh omkhawm uh a; i
Issachar le Barak omkhawm uh a;
kuam sungah amah nungdelh uh hi.
Reuben gamsungah lunggeelna
lian mahmah hi.
16 Tuuhonte ngaih ding tamngai za lel dingin bang hangin
giahphuala meipi a awiawi na hi hiam? j
Reuben gam sungah lunggeelna
lian mahmah hi.
17 Jordan galah Gilead om hi.
Dan e leh, bang hang tembawte gei-ah omom lai ahi hiam?
Tuipi gei-ah Asher om lai a,
a tuipem ah teng hi.
18 Zebulun mite in amau nuntakna kham uh a;
lopaang asannate ah Naphtali in zong a tua cih hi.
19 “Kumpite kuanin do uh hi;
Canaan kumpite in
Megiddo tuite kiang Taanach ah do uh hi, k
amaute’n ngun, vanlak bangmah pua zo tuan lo.
20 Vantung pan aksite’n do uh hi,
amau muntek pan Sisera do ciat uh hi.
21 Kishon gun in amaute taimang a,
tanga-tuana gun, Kishon gunpi in.
Ka kha aw, mainawt in; hattakin!
22 Tua ciangin sakol khe ging -
thahatin kopdian a, a kopdianna ging ngaih hi.
23 TOPA vansawltak in, ‘Meroz hamsiat in’ ci.
‘A mite hamsiatgawp in,
amaute in TOPA huh nuam lo uh a,
a thahatte langah TOPA a huh nuam kei uh hi,’ ci hi.
24 “Numei laka thupha ngah pen,
Ken-te Heber’ Jael hi ta hen, l
puanbuk-a teng lakah thupha ngah pen hita hen.
25 Amah in tui ngen napi nawitui a pia hi;
ulian tawh kituakin kuangkum zanga bawngnawi thau-khal a puak hi.
26 A khutin puanbuk khetphim zam-a,
a taklam khutin nasempa sekpi a man hi.
Amah in Sisera sat a, a lutang a sattam hi,
satzanin a panggui-ah sunlet hi.
27 Tuanu khephungah
amah tonsukin a puka; tua lai-ah a lum hi.
Tuanu khephungah amah tonsukin a puk hi;
a tonsukna mun tua lai-ah pukin - a si hi.
28 “Sisera’ nu, tawhlet panin khuadak a,
vathangheng kawmah a nu kapkhia in, m
‘Bang hanga sakolleng tu tanvei hong tung lo hiam?
Bang hangin a sakolleng ging hici ziakai hiam?’ ci hi.
29 Numeite laka pilpennu in amah dawng hi;
amahmah kidawngdawng a, hi takpi ei,
30 ‘Amaute in van kitaisan mu-in hawm lo uh hi ve maw!
Pasal khat in nungak khat ta hiam, nih ta hiam,
Sisera ading a kinusia puan gial bilbial,
a mel tuamtuama kizem,
a hoih pha diaka kizem ka ngawng-awh ding -
hihte khempeuh a kitaisan hileh maw?’ ci hi.
31 “Tua ciangin TOPA aw, na galte khempeuh mangthang hen ou!
Ahi hangin nang hong itte
limtaka tang sesa ni bang uh hen,” a ci uh hi. n
Tua ciangin tua gam kum sawmli sung lungmuang hi. o
Copyright information for
ZomZIV