Leviticus 20
Mawhna Dan
1TOPA in Moses tungah, 2“Israel-te tungah, ‘Israel-te ahikeh Israel-te gam sunga teng pemtate, Molech tunga a tate a pia ▼▼20.2 Ahikeh kithoihnate; tg. 3 le 4 ah zong
peuhmah pel loin kithat ding hi. Mi honpi in amah suangin deng ding uh hi. 3Tua mipa ka maigumsan dinga, a mipihte panin ka khenkhia ding hi; ahang in, amah in a tate Molech pia-in, ka mun siangtho buahsak a, ka min siangtho a daisak hi. 4Tua mipa in Molech tungah a tate khat a piak ciangin ama mipih honpi in mitsi-in amah a thah kei uh leh 5tua mipa le a innkuanpihte ka maigumsan dinga, Molech tunga kizuak amah le amah hih bang zui-a a va kizuakte khempeuh a mipihte panin a kikhen-khia ding hi. 6 “‘Ai siamte le dawi lawm neite thu umin amau le amau a va kitahte ka maigumsan dinga ama mipihte panin ka khenkhia ding hi. b 7 “‘Note ki-apin siangtho un; bang hang hiam cih leh keimah TOPA note Pasian ka hi hi. 8Ka thukipte zui-in tang un. Keimah TOPA no hong siangthosakpa ▼▼20.8 Ahikeh nang hong siangsakpa ahikeh nang a siangin hong tuam koihpa
ka hi hi. d 9 “‘Mi khatpeuh in a nu ahikeh a pa a hamsiat leh amah kithat pelmawh ding hi. Amah in a nu ahikeh a pa hamsiat khin ahi manin ama sisan ama lutung mah tu ding hi. e 10 “‘Pasal khat in midang khat zi - a vengpa zi tawh ang a kikawm uh leh angkawmnu le angkawmpa kithat pelmawh ding hi. f 11 “‘Pasal khat in a pa zi a luppih leh a pa selpho ahi hi. Tuapa le tuanu kithat khawm pelmawh ding hi; amaute sisan amau lutung mah tu ding hi. 12 “‘Pisal khat a monu tawh a lupkhawm leh a nih un thah pelmawh ding ahi hi. Amau gamtatnasa pen lehtatna hi a; amau sisan amau tung mah tu ding hi. 13 “‘Pasal khat in numei luppih bangin pasal khat a luppih leh a nih un a kihhuai-a gamta khin uh ahi hi. Amaute kithat pelmawh ding hi; amau sisan amau lutungah tu ding hi. g 14 “Pasal khat in numei khat le tuanu’nu a tenpih leh kheltatna ahi hi. Note lakah kheltatna a om loh nadingin amah le amaute pel loin mei tawh kihal khawm ding hi. 15 “‘Pasal khat in ganhing khat a luppih leh amah kithat pelmawh dinga, a ganhing zong kithat pelmawh ding hi. h 16 “‘Numei khat in a kiluppihsak dingin ganhing khat a va naih leh tua numei le a ganhing that un. Amaute kithat pelmawh ding hi; amaute sisan amau lutung mah ah tu ding hi. 17 “Pasal khat in a sanggamnu, a pa tanu ahikeh a nu tanu khat zawsang tenpih-a, a kiluppih uh leh tua pen a zumhuai mahmah ahi hi. A mipihte uh mitmuh in amaute kithat pelmawh ding hi; amah in a sanggamnu a selpho hi a, amah siakhu ding hi. i 18 “‘Pasal khat in numei khat a khasim nin neih hunin a luppih leh a siluanna a hawksak suaka, a numei in zong a hawkkhia mah ahi hi. Amaute gel amau mipihte panin kikhenkhia ding hi. j 19 “‘Na nu sanggamnu ahikeh na pa sanggamnu luppih kei un; ahang in, tua in kitanauna daisak hi; note gel na siakhu tuak ding uh hi. 20 “‘Pasal khat in a nuno a luppih leh a pano a selpho ahi hi. Amaute gel siakhu ding uh a, ta nei loin a si ding uh hi. k 21 “‘Pasal khat in a sanggampa zi a tenpih leh a nin gamtatna khat hi-a, a sanggampa a selpho ahi hi. Amaute in ta a nei kei ding uh hi. l 22 “‘Note ten nadinga kong puak nading leitang in note hong luakkhiat theih loh nadingin ka thukipte le ka thukhamte khempeuh zui-in tang un. 23Note mai-a ka hawlkhiat ding minamte tat ngeina bangin na nungta peuhmah kei ding uh hi. Bang hang hiam cih leh amaute in hih nate khempeuh hih uh a, amaute ka kih hi. 24Ahi hangin note kiangah, “Note in amau leitang na tang ding uh hi; bawngnawi le khuaizu a luanna gam note luah dingin kong pia ding hi,” kong ci hi. Keimah TOPA note Pasian, tua minamte pana hong tuamkoihpa ka hi hi. 25 “‘Tua ahi manin note in asiang le asianglo ganhingte le asiang le a sianglo vasate na khenpelmawh ding uh hi. Note adingin a sianglo a ka sehtuam gamsa, vasa khatpeuh ahikeh a bokvak na khatpeuhin no le no kibuahsak kei un. 26Kei ▼▼20.26 Ahikeh keima siangthopa hi un.
adingin note a siangtho tuam na hi un; bang hang hiam cih leh keimah TOPA ka siangtho a, keimah in minamte panin kei aa tuam dingin note kong seh tuam hi. n 27 “‘Note lakah numei ahikeh pasal, aisiam ahikeh dawi lawm neite thah pelmawh ding ahi hi. Amaute suangin na deng ding uh hi; amau sisan amau lutungah tu ding hi,’ ci in,” a ci hi. o
Copyright information for
ZomZIV