Numbers 26
Misim Nihveina
1Pulpi khit ciangin TOPA in Moses le siampi Aaron tapa Eleazar tungah, 2“A innkuan zui-in Israel mipi buppi - paltan tum thei ding kum sawmnih pan a tungsiah khempeuh sim in,” a ci hi. 3Tua ciangin Jericho a pana Jordan kantanna Moab zanglei tungah Moses le Eleazar in amaute hopih in 4“TOPA in Moses a thupiak bangin pasal kum sawmnih pan a tungsiah peuhmah sim un,” a ci uh hi. a Hihte, Egypt pana paikhia Israel-te ahi hi. 5 Reuben suante, Israel’ tapa upapente: Hanoch panin Hanoch-te bawng’,Pallu panin Pallu-te bawng’,
6 Hezron panin Hezron-te bawng’,
Carmi panin Carmi-te bawng’ ahi uh hi. b
7 Hihte, Reuben bawng’te hi uh a 43,730 pha uh hi. 8 Pallu’ tapa Eliab hi a, 9Eliab tapate Nemuel, Dathan le Abiram ahi uh hi. Hih Dathan mahmah le Abiram pen mipite’ uliante in Moses le Aaron langdo in Korah le mipite in TOPA a lehdo lai-un amaute lakah a kihel uh hi. 10Mei in mi 250 a hultum lai-in, lei kamka-a, amaute Korah tawh a valhtum khawm lai-in, a nungzuite a si uh hi. Amaute vauhilhna lim a suak uh hi. 11Ahi zongin Korah guite a si khin kei uh hi. c 12 Amau bawng’ zui-in Simeon suante: Nemuel panin Nemuel-te bawng’;
Jamin panin Jamin-te bawng’; d
Jakin panin Jakin-te bawng’;
13 Zerah panin Zerah-te bawng’; e
Shaul panin Shaul-te bawng’ ahi uh hi.
14 Hihte Simeon bawng’te hi uh a; pasal 22,200 a pha uh hi. 15 Amau bawng’ zui-in Gad suante: Zephon panin Zephon-te bawng’; f
Haggi panin Haggi-te bawng’;
Shuni panin Shuni-te bawng’;
16 Ozni panin Ozni-te bawng’;
Eri panin Eri-te bawng’;
17 Arodi b panin Arodi-te bawng’;
Areli panin Areli-te bawng’ ahi uh hi.
18 Hihte, Gad bawngte ahi hi; mi 40,500 pha uh hi. 19 Er le Onan pen Judah tapate hi uh a, ahi hangin amaute Canaan ah si uh hi. g 20 Amau bawng’ zui-in Judah suante: Shelah panin Shelah-te bawng’; h
Perez panin Perez-te bawng’;
Zerah panin Zerah-te bawng’;
21 Perez suante:
Hezron panin Hezron-te bawng’;
Hamul panin Hamul-te bawng’;
22 Hihte, Judah bawng’te hi a; amaute 76,500 pha uh hi. 23 Amau bawng’ zui-in Issachar suante: Tola panin Tola-te bawng’; i
Puah panin Pui-te c bawng’:
24 Jashub panin Jeshub-te bawng’;
Shimron panin Shimron-te bawng’ ahi uh hi.
25 Hihte, Issachar bawng’te hi uh a, amaute 64,300 pha uh hi. 26 Amau bawng’ zui-in Zebulun suante: Sered panin Sered-te bawng’;
Elon panin Elon-te bawng’;
Jahleel panin Jahleel-te bawng’ ahi uh hi.
27 Hihte, Zebulun bawng’te hi uh a; amaute 60,500 pha uh hi. 28 Manasseh le Ephraim pan-a amau bawng’ zui-in Joseph suante: 29 Manasseh suante: Makir panin Makir-te bawng’ (Makir pen Gilead pa ahi hi) j
Gilead panin Gilead-te bawng’ ahi hi.
30 Hihte, Gilead suante ahi hi:
Iezer panin Iezer-te bawng’; k
Helek panin Helek-te bawng’;
31 Asriel panin Asriel-te bawng’;
Shechem panin Shechem-te bawng’;
32 Shemida panin Shemida-te bawng’;
Hepher panin Hepher-te bawng’ ahi uh hi.
33 (Hepher tapa Zelophehad in tapa a nei kei hi; amah in tanu bek nei-a, tuate min Mahlah, Noah, Hoglah, Milcah le Tirzah ahi hi)
34 Hihte, Manasseh bawng’ hi a; amaute 52,700 pha uh hi. 35 Hihte, amau bawng’ zui-in Ephraim suante ahi hi: Shuthelah panin Shuthelah-te bawng’;
Beker panin Beker-te bawng’;
Tahan panin Tahan-te bawng’ ahi uh hi.
36 Hihte, Shuthelah suante ahi hi:
Eran panin Eran-te bawng’ ahi uh hi.
37 Hihte, Ephraim bawng’te hi uh a; amaute 32,500 pha uh hi. Hihte amau bawng’te zui-in Joseph suante ahi uh hi. 38 Amau bawng’ zui-in Benjamin suante: l Bela panin Bela-te bawng’;
Ashbel panin Ashbel-te bawng’;
Ahiram panin Ahiram-te bawng’;
39 Shupham panin Shupham-te a bawng’;
Hupham panin Hupham-te bawng’ ahi uh hi.
40 Ard le Naaman pan-a Bela suante:
Ard b panin Ard-te bawng’;
Naaman panin Naaman-te bawng’ ahi uh hi.
41 Hihte, Benjamin bawngte hi uh a; amaute 45,600 pha uh hi. 42 Hihte amau bawng zui-a Dan suante ahi hi: Shuham panin Shuham-te bawng’ ahi hi. m
Hihte, Dan bawng’te ahi hi. 43Amaute a vekpi un Shuham bawng’te hi uh a; 64,400 pha uh hi. 44 Amau bawng’ zui-in Asher suante: Imnah panin Imnah-te bawng’;
Ishvi panin Ishvi-te bawng’;
Beriah panin Beriah-te bawng’;
45 le Beriah suante panin;
Heber panin Heber-te bawng’;
Malkiel panin Malkiel-te bawng’ ahi uh hi.
46 (Asher in tanu khat nei-a, a min Serah ahi hi.)
47 Hihte, Asher bawng’te hi a, amaute 53,400 pha uh hi. 48 Amau bawng’ zui-in Naphtali suante: Jahzeel panin Jahzeel-te bawng’;
Guni panin Guni-te bawng’;
49 Jezer panin Jezer-te bawng’;
Shillem panin Shillem-te bawng’ ahi uh hi.
50 Hihte, Naphtali bawng’te hi a; amaute 45,400 pha uh hi. 51 Israel pasal vekpi gawm 601,730 a pha hi. n 52 TOPA in Moses tungah, 53“Amau min phazah bulphuhin a gouluah ding uh amau tungah leitang kihawm ding hi. 54A pawl tamzawte tungah gouluah tamzaw na pia dinga, a pawl tawmzawte tungah gouluah tawmzaw na pia ding hi; tua min gualhna-a a phazah tawh kizui-in a gouluah ding uh a ngah ciat ding uh hi. 55Ahi zongin leitang pen ai-teelna tawh kihawm ding hi. Amau pupa bawng’ min tawh kizui-in a pawlpawlin a luah ciat ding uh hi. 56A pawl tamzawte le a pawl tawmzawte lakah a gouluah ding uh aiteelna tawh a kihawmsak ciat ding hi,” a ci hi. o 57 Hihte, amau bawng’ zui-a kisim Levi mite ahi hi: p Gershon panin Gershon-te bawng’;
Kohath panin Kohath-te bawng’;
Merari panin Merari-te bawng’ ahi uh hi.
58 Hihte zong Levi-te bawng’ ahi hi:
Libni-te bawng’;
Hebron-te bawng’;
Mahli-te bawng’;
Mushi-te bawng’;
Korah-te bawng’ ahi uh hi.
(Kohath pen Amram pu ahi hi; 59Amram zi min Jochebed hi-a, amah Egypt ah Levi-te pana suak Levi-te c suan ahi hi. Amah in Amram tawh Aaron, Moses le amau sanggamnu Miriam a nei hi. 60Aaron pen Nadab le Abihu, Eleazar le Ithamar-te pa ahi hi. 61Ahi hangin Nadab le Abihu-te pen mei siangtho lo tawh TOPA tungah biakna a piak lai-un a si uh hi.) 62 Levi-te kha khat pan a tungsiah pasal khempeuh 23,000 a pha uh hi. Amaute in adang Israel-te bangin gouluah ngah lo uh ahi manin amaute tawh kisim khawm lo hi. q 63 Jericho pana Jordan kantanna Moab leizangte a Moses le siampi Eleazer in Israel-te a sim lai un a kisim hihte mah ahi hi. 64Moses le siampi Aaron in Sinai Sehnel-gam a Israel-te a sim lai-un amaute lakah hihte khat zong a kisim kha kei hi. 65Ahang in, TOPA in tua Israel-te sehnel-gam ah si taktak ding uh a, Jephunneh tapa Caleb le Nun tapa Joshua longal amaute khat beek om nawn lo ding uh hi, ci-a a gensa ahi hi. r
Copyright information for
ZomZIV