Philippians 3
Ci-le-sa Muantak Lo
1A nunung penin ka sanggamte aw, Topa sungah lungdam un! Note tungah a kibangmah gelh kik ding buaihuai lo a, note adingin bitna ahi hi. a 2 Tua uite, tua gilo-a gamta mite tua misa a atgawpte lakah na pilvang un. 3Ahang in, ei vunatte ei Kha-a Pasian biate, Christ Jesu sunga a minthangte in, ci-le-sa ah muanna i nei kei hi. 4Tua bangin suang nuam hi leng, kei mahmah in zong suan theih ding tampi ka nei hi. b Midang khatpeuh in ci-le-sa suan ding nei a, a kingaihsut leh ken ka hauzaw sem hi; 5a nigiat ni-a vunat Israel mi, Benjamin beh, Hebrew-te laka a Hebrew, thukham zuihna ah Pharisee, 6hahkatna lamah pawlpi bawlsia; thukham tawh kisai thumaanna ah a genbaang lo ka hi hi. c 7 Ahi hangin kei adinga metna ahi peuhmah tu-in Christ hangin supna-in ka sim hi. 8Tua tham loin ka Topa Christ Jesu theihna a thupi luatna tawh tehin na khempeuh supna-in ka sima, ama hangin na khempeuh ka taan zo hi. Tuate khempeuh ninneng bangin ka ngaihsun hi, Christ ka ngah nading le 9ama sungah ka om theih nading hi-a, thukham pana hong pai keima thumaanna hi loin Pasian pana upna tawh hong pai Christ upna tungtawna kingah thumaanna pen hizaw hi. 10Christ le ama thawhkikna’ vangliatna le a thuaknate thuakpihna, a sihna ah amah tawh kibatna ka thei nuam hi. 11Tua pen misi pana thawhkikna ka ngah theih nading ahi hi. dKung Manawhin Phu Tentan
12 Hih khempeuh a ngah khin ta, hong kicingsak khin zo, ka cihna hi loin Christ Jesu in kei hong matna mah ken zong ka mat zawh nadingin mai ka nawt tentan hi. 13Sanggamte aw, a mankha khin ta in ka kisim kei hi. Ahi hangin ka hih na khat in: nunglama omte ka mangngilh-a mailama om nate ka delh tentan hi. 14Christ Jesu sunga vanlam-a letsong ngah dinga Pasian in hong sapna kung lam manawh in ka nawt teitei hi. 15 A picing khinsa eite khempeuh in tua bang lungsim i neih ding ahi hi. Note in a kilamdang thu tuam khat na ngaihsut uh leh tua zong Pasian in hong theitelsak ding hi. 16I ngahsa ciangciang bek tawh kikhom in eite nungta ni. e 17 Sanggamte aw, kei omdan zui-in midangte tawh kipawl unla, note gamtat zia dinga kong piak bang uh zui-a a nungtate ciamteh un. 18Ahang in, a beisa hunah mi tampite Christ singlamteh galin a nungta uh hi, ci-a kong gensa bangin tu-in zong khitui nangawn tawh kong gen kik lai hi. 19Amaute tupna, siatna hi-a, a pasian uh amau gilpi hi-in, a minthanna uh amau maizumna ahi hi. Amaute in leitung nate bek a ngaihsun uh hi. 20Ahi hangin eite gammi i hina vantung ahi hi. Eite in tua mun panin Honpa Khat - Topa Jesu Christ lawptakin i ngak hi. 21Na khempeuh a ukna nuai-ah a koihsak thei tua vangliatna in a simmawh huai i pumpite, a minthang ama pumpi tawh kibang dingin a khel ding pa amah ahi hi. f
Copyright information for
ZomZIV