Pro 26 | ZomZIV | STEP | Nipi lai-a vuk kia le an lak huna guahzu bangin mihaite pahtawi a kilawm kei hi.

Proverbs 26

1 Nipi lai-a vuk kia le an lak huna guahzu bangin ^a
mihaite pahtawi a kilawm kei hi. ^b
2 Kawlgit patau le phialphiah kawilen bangin
a thu om lopi-a hamsiat tangtung lo hi. ^c
3 Sakol sat kul a, laa kamkaih kulin, ^d
mihai nungzang adingin ciangduai a kul hi. ^e
4 Mihaite amau haina tawh kizui-in dawng kei in,
na dawn leh amah tawh kibang na suak ding hi. ^f
5 Mihai ama haina bangin dawng lecin
ama’ mit ah pil kisa kha ding hi. ^g
6 Kamtai dinga mihai khat sawlna in a sawlpa khe a kitansak ahikeh
ngongtatna tui dawna dawn tawh kibang hi.
7 Mihaite paunak gen in
khebaipa khebaina lam tawh kibang hi.
8 Mihai khat pahtawi in sailung khau a
sailungtang hen tawh kibang hi.
9 Mihaite paunak gen le
zukhampa khuta ling om kibang hi.
10 Mihai khat ahikeh a tuahpeuh tha a cial mi,
a banliamsak thal tawipa tawh kibang hi.
11 Ui in a luak a nek kik bangin
mihai in a haina a hih kik hi.
12 Amah pil a kisa mi na mu hiam? ^h
amah sangin mihai adingin lametna om zaw hi. ⁱ
13 Mi zongzaw in, “Lampi ah humpi om kong lakah
humpi gilo kawivak!” ci hi. ^j
14 Kawmhek tungah kongkhak a kihei bangin,
a lupna tungah zongzawpa a kiheihei hi. ^k
15 Mi zongzaw in ankuang sawkin;
a kam a tut ding a tha dah lua hi. ^l
16 Limtaka dawng thei mi sagih sangin
mi zongzawpa amah pil kisazaw hi.
17 Mi kitawng tuaka a va kikausiphumpa
ui a bila manpa tawh kibang hi.
18 Singkhuah-am le sihtheihna
thaltang a mawk lot mihaipa le
19 a vengte khem a, “Ka ciamnuihna hi lel e,”
a ci pa kibang hi.
20 Singkhuah loin mei mit a,
gensiatna om kei leh kitotna dai hi. ^m
21 Meihol in mei amsak a, singkhuah in
mei a kuansak bangin kitot hat mi in, kiselna phuang hi. ⁿ
22 Gensiatna kamte an limpen tawh kibang a,
mihing sungtawng ah tumsuk hi. ^o
23 Lungsim gilo napi kam zol daldalte
cim ^{▼▼26.23 Hebrew tawh kilamdang a, Masoretic ah dalza ci hi.}-a kizut leibeel bang ahi hi.
24 A lungsim siate a kamin kiphelh a,
a lungsim, khemna tawh a dim hi. ^q
25 A kam a khum hangin um kei in; ^r
a lungsim ah kihhuaina sagih a dim hi. ^s
26 Ama lungsim sia khemna tawh a kisel zawh hangin
ama gitlohna, mipi mai-ah a kipholak ding hi.
27 Mi khat in gum a tawh leh tua sungah amah kia dinga, ^t
suangtum a khuk leh tua suangtum in amah kha kik ding hi. ^u
28 A zuauthei leii in amah liamsakte mudah a;
maitang phat kam in mi a siasak hi. ^v