bPn 4:30
Proverbs 5
Angkawmna Thu Vauhilhna
1Ka tapa aw, ka pilna thusim inla, aka thu laigilte limtakin ngai in; b
2 tua hileh kidop na siam dinga,
na muk in theihna a kem thei ding hi.
3 Ahang in angkawmnu’ muk khuaizu-a diahsa banga,
a kampau sathau sangin zolzaw hi; c
4 ahi zongin a tawpna ah tuanu, sinkha bangin kha-a, d
langnih a hiam namsau bangin hiam hi.
5 Amah sihna lam manawhin paisuk a,
tangtakin hankhuk ▼
▼5.5 Hebrew ah Sheol
a zuan hi. f6 Nuntakna lampi ngaihsun lo-a;
a lampi a kawi hangin a thei kei hi. g
7 Tua ahi ciangin ka tapate aw, tu-in ka thu ngai un; h
ka genna pan pial kei un.
8 Tuanu gamlapi ah peel unla,
a inn kongkhak kiang tawn kei un,
9 tua hi kei leh na thahatpenna uh midangte na pia ding uh a,
na hun om lai teng uh a kheltatpa na pia kha ding uh hi;
10 tua hi kei leh gamdang mite in nang neihsa-in pawi bawl ding uh a,
gimpi-a na sepsate in midang khat a hausak ding hi. i
11 Na nuntakna nunung lam,
na guhtui a kan ciangin na mau ding hi.
12 “Bangci in sektatna mudahin,
kibawl phat ding pampaih ka hiam! j
13 Ka siate thu ka mang kei-a,
lam hong lakte thu ka ngai kei hi.
14 Tu inlah mi kikhawm honpi bup lakah k
kisiatna dawn ka tungta hi,” na ci ding hi. l
15 Nangma tuibeel pan le nangma tuiluang
khuk panin dawn in.
16 Kongzingte ah na tuinakte letkhia-in,
na luituite tual-awng ah letkhia ding ahi hiam?
17 Nang kia aa bek hi henla,
mikhualte tawh neikhawm kei in.
18 Na tuikhuk in thupha ngah henla, m
na moi lai-a na zi tawh nuamsa in.
19 A ithuai sazukpi, a hehpih siam sazuk tal-
a nawite in tai den inla
a itna in na lung kuai den hen.
20 Ka tapa aw, bang hangin angkawmnu khat matcipsa-in om na hi hiam?
Bang hangin midang khat zi’ angkawi ding na hi hiam?
21 Ahang in, TOPA in mi khat nuntakna mu khin kiuhkeuh a,
a lampite khempeuh a sittel hi. n
22 Migilopa, ama gamtatna hoih lo ah awk a, o
a mawhna khaute in gakcip hi. p
23 Amah in a kisek zawhlohnate sihlawh dinga,
ama hailuatna in pimang ding hi. q
Copyright information for
ZomZIV