Psalms 10
1TOPA aw, bang dinga gamlapi ah ding na hi hiam? aBang hangin lungkham huna bu na hi hiam? b
2 Migilopa ki-uangsakin a thanemte sabetin benga c
ama gelsa ngimnate ah amaute a awksak hi.
3 Amah in ama lungtang lunggulhna kisaktheihpih a; d
a huaihamte thupha pia-in TOPA a kosia hi. e
4 Migilo in a kisaktheihna hangin amah zong lo a;
a ngaihsutna khempeuh ah Pasian ading mun a om kei hi. f
5 A hihnate daupai den a;
amah kihisak mahmah in, na thukhamte amah tawh kigamla a,
a galte khempeuh a ngiik hi.
6 Amah le amah, “Bangmah in hong lok zo kenteh;
lungdam tawntung in lungkhamna ka nei kei ding hi,” a kici hi.
7 Ama kam, hamsiatnate, zuauphuahnate le tawnnate tawh kidim a,
a lei nuai-ah lungkhamna le gitlohna a om hi. g
8 Amah in khuaneute gei-ah munbu lak pan boksa-in pang a, h
a thahnop mite vil gige-in
mawhpengte muansuamin a that hi. i
9 Humpinelkai bangin bukin pang a,
a huh ding nei lote ngakin a tu hi;
a huh ding nei lote manin ama lenthang sungah a kaigawp hi. j
10 A thahnop mite tuanzana amaute tukin; k
ama hatna nuai ah a puk uh hi.
11 Amah le amah, “Pasian in mangngilh ta hi; l
a mai huma, hong mu ngei lo hi,” a kici hi. m
12 TOPA, tho dih ve! Pasian aw, na khut liikto dih in; n
a huh ding nei lote mangngilh kei in.
13 Migilopa in bang hangin Pasian kosia ahi hiam?
Bang hangin amah le amah,
“Amah in thu hong sit kei na’nteh,” kici ahi hiam? o
14 Ahi hangin nang, Pasian aw, lungkhamna le khasiatna mu dih in; p
na khut sungah lak na sawm hi.
Nang tungah a thuakpa amah le a mah hong ki-ap a; q
nang pen pa nei lote huhpa na hi hi. r
15 Gilo a a tatsiapa ban kuaitan inla s
ama gitlohna thu sit dingin samin
siit nei loin suahkhia in.
16 TOPA a tawntungin Kumpi hi den a; t
ama gam panin minamte a kisia ding uh hi. u
17 TOPA aw, gimthuakte deihna na za a; v
amaute hanthawnin amaute kikona na ngai a,
18 leitunga om mite in amaute a a lausak nawn loh nadingin,
pa nei lote le a kinengniamte na dal hi. w
Copyright information for
ZomZIV