Psa 109 | ZomZIV | STEP | Tumtheih makaipa ading. David phuah. Phatna-la khat. Kong phat Pasian aw, dai dide-in om kei in,

Psalms 109

Tumtheih makaipa ading. David phuah. Phatna-la khat.

1 Kong phat Pasian aw,
dai dide-in om kei in, ^a
2 ahang in, migilote le zuauphuakte
kei langkhat ah kamka uh a;
zuaugenna leii-in ka langah thu gen uh hi.
3 Muhdahna kamte tawh kei hong umcih uh hi; ^b
amaute in a thu om loin kei hong busim uh hi. ^c
4 Ka lawmbawlna thukna-in kei hong mawhsak uh a,
ahi hangin kei thungen mi ka hi hi.
5 Amaute in hoihna, gitlohna-in hong thuk uh a,
ka lawmbawlna, muhdahna-in hong thuk uh hi. ^d
6 Amah do dingin migilo ^{▼▼ 6 Ahikeh amaute in gen:” seh (kamkoih in tg. 19 ah khak).} khat seh ^{▼▼ 6 Ahikeh Gilo Pa} inla,
a taklam ah a mawhsakpa ^{▼▼ 6 Ahikeh Satan ding hen} ding hen. ^h
7 Amah thu a kisit ciangin mawhkhu henla, ⁱ
a thungetna in mawhpaih hen. ^j
8 A nuntak hun tom henla; ^k
ama makaihna mun midangin luah ta hen. ^l
9 A tate pa nei lo suak henla,
a zi meigong hen. ^m
10 A tate khutdawh-a ngenin vak kawikawi uh henla,
amau inn siasa panin kihawlkhia ^{▼▼ 10 Septuagint le Hebrew ah zongkhin} hen.
11 A leibatnapa in a neihsa teng matsak henla; ^o
khualmite in a sepsa gahte lawk uh hen. ^p
12 Ama tungah a migi khat zong om loin,
pa nei lo a tate kihehpih kei hen.
13 Ama suante kibeisak henla, ^q
khang banzopna panin kiphiatkhia hen. ^r
14 A pate tatkhialhnate TOPA mai-ah kiciamteh henla; ^s
a nu mawhna kiphiatkhia ngei kei ta hen.
15 Amaute ciamtehna leitung pan a beisak theih nadingin ^t
TOPA mai-ah amau mawhnate om den hen. ^u
16 Ahang in, amah in migit ding ngaihsun ngei lo a,
mizawngte, a tasamte le lungsim tamkhamte ^v
sisak dingin a beng hi.
17 Hamsia zat nuam a sa hi -
ama hamsiate ^{▼▼ 17 Ahikeh hamsia, / mah bangin} ama tung tu hen; ^x
thupha piak nuam a sa kei hi -
amah tawh ^{▼▼ 17 Ahikeh thupha, / mah bangin} kigamla hen.
18 Amah in hamsia puan bangin silh a; ^z
a pumpi sungah tui bangin lut a, ^aa
a guh sungah sathau bangin a lut hi.
19 Tuate in puantualpi bangin amah tuam henla,
kawnggak-a gak bangin amah gak den hen. ^ab
20 Kei hong mawhsakte le kei tunga gitloh kampaute tungah ^ac
TOPA in hih bangin thuk ta hen.
21 Ahi hangin Thuneipipa TOPA aw,
na min na khualna-in kei tungah hong thunuam inla; ^ad
na itna a hoihna hangin kei hong hu in. ^ae
22 Ahang in, kei zawngin ka tasam a,
ka sungah ka lungsim a liam hi.
23 Nitak niliap bangin kei ka mang hiaihiai a, ^af
kaukhup bangin kei hong kisingkhia hi.
24 Antanna hangin ka khuk zaw a; ^ag
ka pumpi kiamin ka gawngtaam hi.
25 Kei hong mawhsakte simmawhin ka om a; ^ah
kei hong muh uh ciangin a lu uh hong peisan uh hi. ^ai
26 Keima Pasian TOPA aw, hong huh in;
na itna tawh kituakin kei hong hon in. ^aj
27 TOPA aw, tua in nangma sepsa,
na khuta na sepsa ahilam amaute theisak in. ^ak
28 Amaute in hamsiat ta leh nang thupha na pia ding hi; ^al
amaute in a sim uh ciangin kimaizumsak dinga,
na nasempa a lungnuam ding hi. ^am
29 Kei hong mawhsakte maimawlna kisilhsakin
puantualpi silh bangin maizumna in a tuam ding hi. ^an
30 Ka kam tawh lianpi-in TOPA ka tawisang dinga;
mi tampi lakah amah ka phat ding hi. ^ao
31 Ahang in a mawhpaihte pan a nuntakna hutsak ding
a tasamte taklam ah ding hi.