Psalms 140
Tumtheih makaipa ading. David phuah. Phatna-la khat.
1 TOPA aw, mi tatsiate pan hong hukhia inla ami ngongtatte panin hong dal in; b
2 amaute in a lungsimun siatna sawmsim uh a, c
nisimin gal kidona a sosak uh hi.
3 Amaute in gulpi aa bangin a leii uh hiamsak uh a;
amaute muk ah mualtan gu a om hi. d
4 TOPA aw, migilote khut panin hong kem inla;
kalhelh hong sawm
mi ngongtatte panin hong dal in.
5 Mi kiphasakte in thang hong siah uh a; e
amau lenthang khaukualte zakin f
ka lampi dungah thang a siah uh hi. g
6 TOPA aw, nang tungah, “Ka Pasian na hi hi,” kong ci hi. h
TOPA aw, nong lainat ding kong ngetna hong za in. i
7 Thuneipen TOPA, kei hong hu a thahatpa, j
gal kido ni-a ka lutang liahpa aw -
8 migilote deihna pia kei in TOPA aw;
amau ngimnate gualzosak kei in;
tua hi kei leh kiphasak ding uh hi. k
9 Kei hong umcihte’ lutangte,
a muk uh gensa lungkhamnate in tuam ta hen.
10 Amaute tungah mei-am lai zu henla;
meikhuk sungah kikhulin l
a tho nawn lo dingin buannawi lakah kilawn hen.
11 Gam sungah gensiat hatte kikipsak kei henla;
siatna in mi ngongtatte sabetin beng hen. m
12 Mizawngte adingin TOPA thutang a kip lam le
a tasamte thu a letkip lam ka thei hi. n
13 Thumaante in na min phat ding uh a,
a thutang mite na mai-ah nungta taktak ding uh hi. o
Copyright information for
ZomZIV