Psalms 142
David phuah maskil ▼▼ 0 Thulu: Lailam ahikeh tumtheih lam hi kha ding khat. Suanghawm sunga a om hunlai; Thungetna.
1 TOPA tungah ngaihtakin ka kiko a;TOPA tungah lainatna ngenin ka aw ka sangsak hi. b
2 Ama mai-ah ka lungkimlohna ka sungkhia a; c
ama mai-ah ka lungkhamna ka ko hi.
3 Ka sungah ka kha a zawm ciangin d
ka lampi a thei nangmah na hi hi.
Ka tot lampi ah mite in
kei thang hong siah sim uh hi.
4 Ka taklam en inla mu in kuamah in
kei hong awlmawh lo uh hi.
Belh nading ka nei kei a; e
kuamah in ka nuntakna a thusim kei hi.
5 TOPA aw, nangmah kong sam hi;
“Nangmah ka belh, a nungta gamah
keima tanh na hi hi,” ka ci hi. f
6 Ka kikona hong ngai in, g
kong kisam mahmah hi;
kei adingin hong delhte hat lua uh ahi manin h
amaute pan hong hu in. i
7 Na min ka phat theih nadingin j
thong sung panin hong khahkhia in.
Tua ciangin kei tungah nong hoihna hangin k
a thumaante ka kimah hong kikawm ding uh hi.
Copyright information for
ZomZIV