Psa 19 | ZomZIV | STEP | Tumtheih makaipa ading. David phatna-la khat. Vante in Pasian minthanna pulak uh a; huihkhuate in a khutte sepna a tangko uh hi.

Psalms 19

Tumtheih makaipa ading. David phatna-la khat.

1 Vante in Pasian minthanna pulak uh a; ^a
huihkhuate in a khutte sepna a tangko uh hi. ^b
2 Amaute in ani ni-in kampaute sungkhia uh a;
zan simin theihna a laakkhia uh hi. ^c
3 Amaute aw a kizaklohna pau le
kampau a om kei hi. ^{▼▼ 3 Ahikeh Amaute in kampau nei lo, kammalte a om kei hi; / amaute awging a kiza kei hi}
4 Amaute aw ^{▼▼ 4 Septuagint, Jerome le Syriac; Hebrew ah lamgit}, leitung khempeuh ah gingkhia a,
a kammalte uh leimongte dongin a kizel hi. ^f
Vante lakah ni adingin puanbuk lam a, ^g
5 ni lah ama kizepna mun pana pusuakkhia zipipa le ^h
kidemna ding a lawp a hatpenpa tawh kibang hi. ⁱ
6 Vante mong khat pan suakin, ^j
a mongkhat dong kimvel a; ^k
a satna panin bangmah a kiliah kei hi.
7 TOPA thukham hoihkima ^l
hinna a puahpha hi. ^m
TOPA’ ngeinakipte muantaka, ⁿ
mimawlte a pilsak hi.
8 TOPA’ pattahnate maana ^o
lungsim nuamsak hi.
TOPA’ thusehte vaam a
mitte a vaksak hi. ^p
9 TOPA kihtakna siang a,
a kip tawntung hi. ^q
TOPA ngeina khunsa kician a,
thumaan vive ahi hi.
10 Tuate kham sangin manphazaw a, ^r
kham citak sangin a manphazaw tham hi;
tuate khuaizu sangin khumzaw a,
khuailu zu sangin a khumzaw hi.
11 Tuate-in na nasempa kivauhilh a;
tuate zuihna hangin pahtakman lianpi kingah hi.
12 Kua in ama khialhnate khentel thei ahi hiam?
A kisel ka khialhnate hong maisak in.
13 Mawhnop teiteina panin na nasempa kem inla; ^s
tuate kei tungah hong uksak kei in.
Tua ciangin ka genbaang kei dinga,
mawhna lian panin ka mawhpeng ding hi. ^t
14 Keima TOPA ka Suangpi le ka Tanpa aw, ^u
ka kampau malte le ka ngaihsutsutte,
nang muhna ah a lungkimhuai hi ta hen.