Psa 24 | ZomZIV | STEP | David phuah Phatna-la khat. Leitang le a sunga teng khempeuh, leitung le a tunga tengte TOPA aa ahi hi,

lSelah

qSelah

Psalms 24

David phuah Phatna-la khat.

1 Leitang le a sunga teng khempeuh, ^a
leitung le a tunga tengte TOPA aa ahi hi, ^b
2 ahang in amah in tuipite tungah leitung phuta
tui tungah a kipsak hi. ^c
3 TOPA’ mual ah kua kahto thei ahi hiam? ^d
A mun siangtho ah kua ding thei ahi hiam? ^e
4 Khut siangtho le lungsim siang a nei mi, ^f
ama hinna milim lam a ngat lo ^g
ahikeh zuauthu-a ^{▼▼ 4 Ahikeh zuau phuaka kiciam} kiciam lo mi a ding thei hi.
5 Amah in TOPA tung panin thupha ngah dinga, ⁱ
ama Honpa Pasian panin diksakna a ngah ding hi. ^j
6 Nang hong zong na mai hong zong
khang mite tua bang ahi uh hi, Jacob’ ^{▼▼ 6 Hebrew khutgelh nih le Syriac (Septuagint zong en in); Hebrew khutgelh a tamzaw ah maitang, Jacob} Pasian aw. ^l
7 No kongpite aw, na lute uh laamto un; ^m
no tanglai kongpite aw, minthang Kumpipa a tumtheih nadingin
kilaamto un. ⁿ
8 Hih minthang Kumpipa kua a hiam?
A thakhauh a thahat TOPA, ^o
galsimna ah a thahat TOPA ahi hi.
9 No kongpite aw, na lute uh laamto un,
no tanglai kongpite aw,
minthang Kumpipa a tumtheih nadingin tuate laamto un.
10 Hih minthang Kumpipa amah kua ahi hiam?
A Thahatpen TOPA - ^p
amah minthang Kumpipa ahi hi. ^q