Psa 43 | ZomZIV | STEP | Pasian aw, ka dikna langsak inla a pasian-milo minam khat langah hong gum in; zuautheite le migilote panin hong hu in.

hPh42:2

Psalms 43

1 Pasian aw, ka dikna langsak inla
a pasian-milo minam khat langah hong gum in; ^a
zuautheite le migilote panin hong hu in. ^b
2 Nangmah Pasian keima kulhpi na hi hi.
Bang hangin kei hong nolh na hi hiam?
Bang hang ka galte nuainetsa in
thumin kawi vakvak tazen ka hi hiam? ^c
3 Na khuavak le na thutak sawlkhia-in ^d
kei hong makaihsak in; ^e
nangma tenna mun ^f
na mual siangtho tungah ^g
tuate in kei hong makaih uh hen.
4 Tua ciangin Pasian biakna-tau ah kei ka pai dinga, ^h
ka nuamna le ka nopsakna ahi Pasian kiangah ka pai ding hi. ⁱ
Keima Pasian, Pasian aw,
harp-in nang kong phat ding hi. ^j
5 Ka hinna aw, bang hangin lungkia na hi hiam?
Bang hangin ka sungah buai na hi hiam?
Keimah in ka Honpa le ka Pasian ^k
phat lai ding ka hi manin
Pasian lamen in.