Psa 49 | ZomZIV | STEP | Tumtheih makaipa ading. Korah’ Tapate phuah. Phatna-la khat. No mite khempeuh aw, hih za un; hih leitung-a tengte khempeuh

tSelah

v Jer 43:11

y Ph 56:13

zSelah

Psalms 49

Tumtheih makaipa ading. Korah’ Tapate phuah. Phatna-la khat.

1 No mite khempeuh aw, hih za un;
hih leitung-a tengte khempeuh ^a
2 aniam asang, azawng ahaute in ^b
a kibangin ngai un:
3 Ka kam in pilna thute a gen ding hi; ^c
ka lungsim pana ka ngaihsut khiat in hong theitelsak ding hi.
4 Paunak khat lamah ka bil ka ngat ding hi; ^d
harp in ka thu haksa ka gencian ding hi: ^e
5 Ni siate hong tun ciang bang hang kihta in, ^f
migilo mi khemte in hong kimkot ciang -
6 a neihsa uh muangin ^g
a hauhna uh kisaktheihpihte in hong kimkot uh ciangin ^h
bang hang kihta ding ka hi hiam?
7 Kuamah in midang khat nuntakna tan thei lo a,
Pasian tungah ama tatna man a piaksak thei kei hi -
8 nuntakna tatna man tam lua a,
9 nungta tawntunga
a muat loh nadingin - ⁱ
manpiak kicing cih a om ngei kei hi. ^j
10 Ahang in, mipilte sih mi khempeuh in mu thei-in; ^k
mihaite le ngaihsut beite a kibangin kisia a,
a hauhna uh midang a nusiat uh hi. ^l
11 Leitangte amau min a puaksak khit ^{▼▼ 11 Septuagint le Syriac; Hebrew ah amaute ngaihsutna ah a inn a kip dinga} uh hangin
amau inn ^{▼▼ 11 Ahikeh / amaute neihsa hang} a han uh hiden dinga, ^o
khang tawntungin amau tenna a suak ding hi. ^p
12 Ahi zongin mihing hau taleh a kip kei hi; ^q
amah a kisia ganhingte tawh kibang ^{▼▼ 12 Hebrew, Septuagint le Syriac ah tg.12 na tg.20 tawh kibang in sim.} hi. ^s
13 Amau le amau kimuangte le amau gente
hoih a sakpih amau nungzuite mong a hici ahi hi. ^t
14 Tuu bangin amaute tun nading hankhuk ^{▼▼ 14 Hebrew ah Sheol tg.15 ah zong} hi a, ^v
sihna kivakna amaute ahi ding hi.
Zingsang in mi thutangte in amaute uk ding uh a,
a pumpite uh hankhuk ^{▼▼ 14 Hebrew ah Sheol tg.15 ah zong} ah muatin
kumpi inndeite pan gamlapi ah a om ding uh hi.
15 Ahi hangin Pasian in ka nuntakna ^{▼▼ 15 Ahikeh kha} hankhuk pan tankhia dinga; ^y
amahmah in kei hong la taktak ding hi. ^z
16 Mi khat a hauh ciang,
a inn thupina a khan ciangin linglawng lua kei in;
17 ahang in, a sih ciangin bangmah pua thei loin ^aa
ama thupina a kahtohpih kei ding hi. ^ab
18 A nuntak lai-in thupha ngahin a kisim zongin - ^ac
a daupai ciangin miten a phat uh zongin -
19 a pate khang mah zom dinga, ^ad
nuntakna khuavak a mu ngei nawn kei ding hi. ^ae
20 Theihtelna nei lopi-a hau mi,
a mangthang gamsate bang ahi hi. ^af