Psa 50 | ZomZIV | STEP | Asaph phuah phatna-la khat. Thahat Pa, Pasian, TOPA pau-a, ni suahkhiatna panin ni tumna mun dong leitung kaikhawm hi.

Psalms 50

Asaph phuah phatna-la khat.

1 Thahat Pa, Pasian, TOPA pau-a, ^a
ni suahkhiatna panin ni tumna mun dong
leitung kaikhawm hi.
2 Mel hoihna kim tawh Zion panin
Pasian tangkhia hi. ^b
3 Eite Pasian hong pai-in a dai kei ding hi; ^c
a mai ah mei khat in valhtum a,
a kimkot ah pingpei a kinuai hi. ^d
4 A mite tungah thu a khen theih nadingin ^e
tunga vante le leitung sam a:
5 “Biakna pia a kei tawh thukhun a bawl ^f
ka sianthosaksate aw, ka kiangah hong kikhawm un,” a ci hi. ^g
6 Tua hi-a Pasian mahmah thukhenpa ahi manin
vante in ama thumaanna a tangko uh hi. ^h ⁱ
7 “Ka mite aw, za un, Israel aw,
thu ka gen dinga note langah teci ka pang ding hi: ^j
Keimah Pasian, note Pasian ka hi hi. ^k
8 Ka mai-a na hih den uh biakpiaknate, ^l
meihal biaknate hangin hong taihilh ka hi kei hi. ^m
9 Na bawngbuk a bawngtal ahikeh
na gan huang a keelte ka kisam kei hi; ⁿ
10 ahang in, tulak a ganhing peuhmah, ^o
mual tulkhat tunga ganhon omte kei aa ahi hi. ^p
11 Mualliante kawma om vasa khempeuh ka thei a, ^q
gam sunga om ganhingte khempeuh kei aa ahi hi. ^r
12 Leitung buppi le a sunga om khempeuh kei aa ahi manin ^s
ka gil a kial zongin nang kong ko kei ding hi.
13 Keimah in bawngtal sa ne-in
keelte sisan dawn ka hi hiam?
14 Pasian tungah lungdam koh biakpiakna pia un, ^t
Sangpen Pa tungah na thuciamte uh tangtun unla, ^u
15 na lungkham ni-un kei hong sam un; ^v
keimah in note kong hukhia dinga, note in kei nong pahtawi ding uh hi,” a ci hi. ^w

16 Ahi hangin migilote tungah Pasian in:

“Ka thukhamte gen nading le ka thukhunte
na muka na gen nading bang thuneihna nei na hi uh hiam? ^x
17 Ka lamlahna na mudah a,
ka kammalte na nunglam ah na pai hi. ^y
18 Guta khat na muh ciangin amah na pawlpih a; ^z
angkawmte lakah na kihel hi. ^aa
19 Na kam, siatgenna-in na zanga ^ab
na leii, zuaugenna-in na zang hi.
20 Na sanggampa na langgen den a,
na nu’ tapa na gensia hi. ^ac
21 Na sepsa hihte hi napi in ka dai dide hi; ^ad
nang tawh a kibang ^{▼▼ 21 Ahikeh nang tawh ‘KEIMAH’} ding nong sa hi.
Ahi hangin nang hong taihilhin
na maitang mahmah ah kong mawhsak ding hi. ^af
22 “Pasian a mangngilh note aw, hih thu na ngaihsut kei uh leh ^ag
kuama hut lohin kong balnen ding hi:
23 Lungdamkohna biakna a piapa kei hong pahtawi hi-a,
Pasian’ hotkhiatna amah ^{▼▼ 23 Ahikeh ama lampi a ngaihsun mi tunga / ka lak ding} ka lah theih nadingin
lamsial ahi hi,” a ci hi.