Psa 67 | ZomZIV | STEP | Tumtheih makaipa ading. Khausai thumtheih a sak. Phatna-la khat. La khat. Pasian in ei hong hehpihin eite thupha hong pia henla, ei tungah ama mai hong tangsak hen;

aSelah

b Isa 40:5

c Ph 9:4

d Ph 100:1-2

eSelah

f Pc 8:22

g Pc 12:2

h Ph 33:8

Psalms 67

Tumtheih makaipa ading. Khausai thumtheih a sak. Phatna-la khat. La khat.

1 Pasian in ei hong hehpihin eite thupha hong pia henla,
ei tungah ama mai hong tangsak hen; ^a
2 tua hileh leitung ah na lampite kithei-in
minam khempeuh lakah na hotkhiatna kithei ding hi. ^b
3 Mite in nang hong phat uh hen, Pasian aw;
mite khempeuh in nang hong phat uh hen.
4 Thutangin mite na uk a, ^c
leitunga mite makaih na hi manin
minamte nuamin la sa uh hen. ^d ^e
5 Mite in nang hong phat uh hen, Pasian aw;
mite khempeuh in nang hong phat uh hen.
6 Tua ciangin leitang in an lak ding gah dinga, ^f
Pasian, eite Pasian in thupha hong pia ding hi. ^g
7 Pasian in eite thupha hong pia dinga,
leimong khempeuh dong in amah kihta ding uh hi. ^h