Psa 96 | ZomZIV | STEP | Lathak khat TOPA sak un; leitung khempeuh aw, TOPA la sak un.

Psalms 96

1 Lathak khat TOPA sak un;
leitung khempeuh aw, TOPA la sak un. ^a
2 TOPA la sak unla ama min phat un; ^b
nisimin ama hotkhiatna tangko un. ^c
3 Minamte lakah ama minthanna pulak unla, ^d
mi khempeuh lakah a nasep piandangte pulak un. ^e
4 Ahang in TOPA lian a, a phattak pen ahi hi;
pasiante khempeuh khengin kihtak ding ahi hi. ^f
5 Ahang in minamte’ pasian khempeuh milimte hi-a, ^g
TOPA in ahileh vante a bawl hi. ^h
6 Ama mai-ah nopcitna na le thupina om a; ⁱ
a munsiangtho sungah hatna le minthanna a om hi. ^j
7 Minamte innkuante aw, TOPA ahi ding bangin hisak un,
TOPA tungah a minthanna le a thahatna bangin hisak un. ^k
8 Ama min tawh kituakin TOPA minthangsak un;
biakna kengin ama huang sung hong zuan un. ^l
9 Ama sianthona ^{▼▼ 9 Ahikeh TOPA} a thupina tawh kituakin TOPA bia unla ⁿ
leitung khempeuh ama mai-ah ling un. ^o
10 Minamte lakah, “TOPA in uk hi,” ci un. ^p
Leitung kiptakin kikhosak a kikhin thei lo hi; ^q
amah in guptuam paihtuam nei loin minamte thu a khen ding hi. ^r
11 Vante nuam uh henla, leitung kipak hen; ^s
tuipi le a sunga omte khempeuh kithawn uh hen;
12 lote le a sunga omte in nuamsa uh hen.
Tua ciangin tulak a singkungte khempeuh in nuamna la sa ding uh a;
13 TOPA hong pai-a, leitung thukhen dingin hong pai ahi manin ^t
amaute in a mai-ah la a sa ding uh hi.
Amah in thumaanin leitung buppi thu khen dinga, ^u
thutakin mite thu a khen ding hi. ^v