Song 5 | ZomZIV | STEP | Laizom lianu ka thai lianem, khanghuan thangbang veh khin ta’ng e; ka myrrh le ka gimnamtui hambang huai khin zo ta’ng e. Ka khuailu-zu le ka khuaizu, sung nekin nei khin ta’ng e. Ka ningzu le bawngpi nunkhum phawi loh dawn khat suah ing e. Sengualte Nene unla dawndawn vevua ka sengual ngaihte aw e; sunggil dipna’n dawndawn vevua, ka sannemno teng aw e.

Song of Solomon 5

Sannem

1 Laizom lianu ka thai lianem,
khanghuan thangbang veh khin ta’ng e;
ka myrrh le ka gimnamtui
hambang huai khin zo ta’ng e.
Ka khuailu-zu le ka khuaizu,
sung nekin nei khin ta’ng e.
Ka ningzu le bawngpi nunkhum
phawi loh dawn khat suah ing e. ^a

Sengualte

Nene unla dawndawn vevua
ka sengual ngaihte aw e;
sunggil dipna’n dawndawn vevua,
ka sannemno teng aw e.

Ngaihno

2 Laikhun tung sambang zal tahal,
sinlung maimit sing maw’ng e.
Ngai dih sin aw! Ka sannem in kot hong kiu ve’n,
“Kot hong hon aw ka laizom ka zunngek aw,
ka khuvano lelbaang lo aw e.
Ka sumlu teng zingdai nom’n tuam ve’n,
ka besam dong nomsak lawm aw” hong ci e.
3 Ka silhpuan baat suahkhin ta’ng e.
baat kik lai ding ka hiam aw?
Ka pheiphung teng sil khin ta’ng e,
buan ka baang kiksak diam aw?
4 Ka sannem in banzal hong khak
awngvang panin lia ka sinlai
hong zen lua sa’ng e.
5 Zuangtho ing e ka sannem kot hon dingin,
ka namsak a ka banzal myrrh gimsi tawh,
khutme’ myrrh gimsi’n kot
kalhna dong namsak e.
6 Ka sannem kot ka hon leh ^b
nuaciang sia-in sul na hei khin zo tah e. ^c
Lenmual hemah kaitah lawm aw.
Nuaciang hong siat’ sinlai thalbang hong do e. ^d
Sangbang vai hang mela muh cih om lo e.
Malbang koh hal
tong hong dawng kik om lo e.
7 Vangkhua vila vangkhuapi kim vialte in
dawnbangin hong tuak uh e. ^e
Lia duangah banzal hong nga ven,
sansin ka duang hong bual e;
kawmpal dawna galvilte’n
ka silhpuan-tual hawk ta e!
8 Jerusalem lianute aw
hong ngen ing e , ^f
ka sannem dawnbang na tuah leh
a siang bang na lel ding ua?
‘Zawlgau vei-in sawlbang vul’
ci’n lel ve aw. ^g

Sengualte

9 Lianu zatam lai-a duang kikhaipen aw,
na senngaihno
duang kikhai tuam diak hiam aw?
Hih zahta a ko tung nong nget
na senngaihno duang kikhai
tuam diak hiam aw?

Ngaihno

10 Ka sannemno san hiuhiau in zaitha hat a,
tanggual tul sawm alai ah e
tehpih ding melin ma’ng e. ^h
11 A sumlu a besam aw kil thiuhtheuh e,
kham citak tawh khaituah ing e,
akva dum dungzil sa’ng e.
12 A maimit aw khuva maimit, ⁱ
siktui piau nunkhum-a bualsa
suangmanpha zunkhitsa dungzil e. ^j
13 A biangno aw gimsi khahkhia
gimsi zaamsak khanghuanno bang e. ^k
A muk siusiau myrrh gimsi a kidiahna
unok pallunno bang e. ^l
14 Kham cianggolh sun a banzalno
chrysolite suangngo a zunnel hi e.
A sakduang aw vuisai halep
zunnel tunga sapphire phum dungzil e.
15 A pheiphung aw suangngo khuampi
kham citak tunga gel hiam ci’ng e,
A laangmai aw pianin dang e,
Lebanon mual cedar tulsing ^m
hoihpen dungzil e.
16 A tongsuah aw khum zungzung e.
sakduanga ngaih a baangno aw e.
Kei ka senngaih hih bang hi e,
khanpih ka lawm gual hi e ⁿ
Jerusalem lianute aw e.