Song of Solomon 8
1Nang ka tang laizom, tunnu anglainunkhum luaihpih hi lecin maw!
Kongzing lai-ah hong mu-in
kong tawptawp zong’
singta’n nuihsiam in
hong lel lo ding hi e.
2 Siambang sinsak tunnu saunuam ah
hong pi nuam ing e. a
Ningzu khum le ka mangkawlsing niing
na nian’ dongin hong tulh nuam ve’ng e.
3 Veilam banzal tangkhamin sambang zal ing,
ziatlam banzal tawh
mawngbang hong kawi hi e.
4 Jerusalem lianute aw hong ngen ing e:
Anbang itna a nian’ masiah
phawngin thelbang thosak kha na cia. b
Sengualte 5 A gam vangla keugaw gam pan
a sannem tunga kingam
maciang hong suan kua ta lia
vontawino hiam ci’ng e. c
Ngaihno Na tunnu’n naubang hong paiina, d
apple tulsing lim nuai a
mimbang na pianna mun zawlah
tanglo bang hong phong hi’ng e
6 Na sinlung sung’h nunbang in hong belh inla,
na banzal ah mangmawh ding
hong zun ve aw;
anbang itna hiambang hatte
kha pham zahin, a aamna zong
zalna kulsin zil hi e.
Kam meikuang bangin kang ven,
kammeipi kuang bang alh e. e
7 Anbang itna siktui tampi’n
buak mit zolo a,
khawkhang guntui’n tai siang thei lo e.
Itna lei na’ng gou le gamh
i pholh zongin,
gualin nuihsiamin hong leel lel ding hi e.
Sengualte 8 I tuai lianu moi lua lai e
ang nunkhum gel mom lo lai hi e.
Singta’n it tongdam hong kha leh
i tuai lianu koi bang i lelsak diam aw?.
9 I tuai lianu kawmpal hi leh,
ngun tausangpi a tung giabang zun ni e.
I tuai lianu dawngkot hi leh,
cedar tamtak gil tawh zun ni e.
Ngaihno 10 Kei pawh kawmpal kiciang hi’ng e
ka nunkhum gel tausang bang hi e.
Tanggual maimit ka duang baang ve’n
ka ngaih kibaanna zong ka hi e,
11 Solomon in Baal Hamon ah f
gam lenggui huan zun hi e.
Lenggah hambang a huai ni ciang
ngun shekel tulkhat ciat a kai e. g
12 Ka lenghuan bel kei thu hi e, h
a ngun shekel tulkhat bel
nang huai ding hi e,
Solomon aw, nguntang zanih
singgah khawmte thaman ding hi e.
Sannem 13 Khanghuan a tengte aw e
huan cing sengual ngaihteng tawh,
tongdam mal zinbang
hong khak dih lai ve aw!
Ngaihno 14 Sensan ka sannem laitual hong leeng inla, i
tumtai namcin a pona’ tang ii tungah, j
khisano le zuksialno bang k
ka siang hong tualbual ve aw.
Copyright information for
ZomZIV