2 YONI

2 John

Awayauwedo

Yau yami bada, na owa waihiu Yaubada ivesinuwaigo ta manatumwao alimiyai leta teina yaleleyawa. Yaꞌawa yauwedo mwalaꞌina alimiyai na hinage hiya amwaha moiha ana taumulitao hiꞌawa yauwedo alimiyai. Wuwuna walomoiha atedai imiyamiya na alidai imiya vateyai. Ainaena Tamada Yaubada na Natuna Yeisu Besinana yadi veꞌiꞌilaena yo yadi atemuyamuyaena yo yadi nuwadaumwaliyena ammiyamiya mayami awamoiha yo hinage mayami velau.

Yeisu Wasana amꞌabi avivini ilimani

Mugai tupwadi natumwao yaꞌitadi amwaha dumwaluna himulimulitaedi, dova ada loina Tamada ainaena, eeta yayaliyaya mwalaꞌina.

Waihiu ee, yaꞌawanoiyego ebeha teina nigele loina vauvauna yayaleleyawa na hesi loina miyamiyanawa mugai ambenalenaꞌo ebeha maudoida tavelauyowegita. Velau ainona teina ebeha Yaubada yana loina tamulimulitaedi, na loinanane mugai ambenalenaꞌo ebeha velau yana amwahaena talau.

Na tauꞌoyamaꞌo bahudi bada himahalavaꞌo baleꞌuwai ta Yeisu Besinana hiuvauvalaei, hiwalo, ‘Nigele iyayemala tomowa’. Eeta yaiya iꞌoyaꞌoyama, iya Besinana ana aleha. Ainaena tauꞌoyamaone aidiyena amꞌita avivinigomiu ta yami paihowa ana moiha havena amvetavetaudawani, na hesi ami maiha maudoina Yaubada mata imohegomiu. Hiya yaiyadiwo Besinana hilaugabaei na yana veꞌita nigele hiyamulitaei Yaubada hinage himiya vehuluyaꞌo, na ebe Besinana yana veꞌitao amꞌabi avivinidi, Tamada yo hinage Natuna alimiyai himiyamiya.

10 Ainaena ebe yaiya alimiyai ilaoma na yana veꞌita vagana, havena amyogayogaei yami vadai bo amwalowalo velauwei. 11 Havena amyogayogaei mata dova ta yana paihowa yababanawa ainai amhagui.

Walo yana abaꞌovi

12 Ginauli bagibagilidi himiyamiya ta ebeha vehabadi yalaulelewa, na hesi nigele nuwanuwagu pepa ainai yalaulele, wuwuna yanuwatuwu avivini mata mulitai yalaowa ta omiu baidaguwao taꞌauꞌaubabada, na tayaliyaya ovi.

13 Tahim iya Yaubada ivesinuwaenaꞌo natunao yadi awayauwedo alimwai.

Copyright information for `KUD