1 Corinthians 2

“Nɨseaímearí̵ná Jisaso nánɨnɨ seare'wapɨyiŋárɨnɨ.” urɨŋí̵ nánɨrɨnɨ.

Gí̵ nɨrɨxí̵meáyí̵ne', nionɨ iwamí̵ó nɨseaímearɨ xwɨyí̵á Gorɨxoyá ínɨmɨ imónɨŋí̵pɨ wáí̵ nɨsearɨrí̵ná “Poro nɨjí̵á seáyɨ e imónɨŋorí̵anɨ?” oniaiwípoyɨnɨrɨ xwɨyí̵á xwe' imónɨŋí̵ rarɨgí̵ápɨ tí̵nɨ searɨrɨ ámae'ne negí̵ dɨŋí̵yo dánɨ dɨŋí̵ e'mí̵ saímí̵ moarɨŋwápɨ tí̵nɨ searɨrɨ me' dɨŋí̵ rɨpɨnɨ moŋárɨnɨ, “Ámɨ bɨ gí̵ dɨŋí̵ tí̵nɨ gí̵wí̵ nímɨxɨrɨ murɨpa oemɨnɨ. Sa Jisasɨ Kiraisomɨ íkí̵á yoxáí̵pámɨ yekwɨroárɨgí̵ápɨ nánɨnɨ oure'wapɨyimɨnɨ.” nɨmorɨ apɨnɨ seaíwapɨyiŋárɨnɨ. Nionɨ seyí̵ne' tí̵nɨ nɨŋwearí̵ná eŋí̵ samɨŋí̵ nɨnɨwerɨ ŋweaŋárɨnɨ. Wáyí̵ erɨ óí̵ erɨ nerɨ ŋweaŋárɨnɨ. Nɨseare'wapɨyirí̵náranɨ, wáí̵ nɨsearɨrí̵náranɨ, xwɨyí̵á ámá “Apɨ seáyɨ e imónɨŋí̵pɨrí̵anɨ?” yaiwiarɨgí̵ápɨ bɨ tí̵nɨ nɨkumɨxɨrɨŋí̵pimɨ dánɨ dɨŋí̵ oseakɨnɨmɨxɨmɨnɨrɨ nerɨ mɨsearí̵ emɨmí̵ eŋí̵ eánɨŋí̵ Gorɨxoyá kwíyí̵pimɨ dánɨ nɨseaíwapɨyirí̵ná seare'wapɨyiŋárɨnɨ. E eŋápɨ, ayí̵ rɨpɨ nánɨ eŋárɨnɨ. Seyí̵ne' Gorɨxomɨ dɨŋí̵ nɨwɨkwí̵roróná ámae'ne “Dɨŋí̵ e'mí̵ saímí̵ moarɨŋwɨnɨ.” yaiwinarɨŋwápimɨ mɨwɨkwí̵ró Gorɨxoyá eŋí̵ eánɨŋí̵pimɨ dɨŋí̵ owɨkwí̵rópoyɨnɨrɨ e nerɨ seaíwapɨyiŋárɨnɨ.

“Nɨjí̵á Gorɨxoyápɨ xegí̵ kwíyí̵pimɨ dánɨnɨ imónɨpaxí̵rɨnɨ.” urɨŋí̵ nánɨrɨnɨ.

E nɨsearɨrɨ aí none ámá Gorɨxomɨ dɨŋí̵ wɨkwí̵roarɨgí̵á yóí̵ imónɨgí̵áyo nɨjí̵á dɨŋí̵ e'mí̵ saímí̵ mónɨŋí̵pimɨ dánɨ imónɨŋí̵ bɨ urarɨŋwárɨnɨ. Nɨjí̵á apɨ ámá ríná dáŋí̵ imónɨgí̵ápimɨ dánɨmanɨ. Nɨjí̵á apɨ enɨ ámá ríná dáŋí̵ seáyɨ e nimónɨro meŋweagí̵áyí̵ —Ayí̵ aní̵nanɨro yarɨgí̵áyí̵rɨnɨ. Ayí̵yá imónɨgí̵ápimɨ dánɨmanɨ. Nɨjí̵á dɨŋí̵ e'mí̵ saímí̵ mónɨŋí̵pimɨ dánɨ imónɨŋí̵ nionɨ seararɨŋápɨ, ayí̵ Gorɨxoyá yumí̵í imónɨŋí̵pɨrɨnɨ. Apɨ ínɨmɨ imónɨŋagɨ nánɨ ámá “Gorɨxo ení̵ápɨ nánɨ nɨjí̵á oimónaneyɨ.” nɨwimónɨro aiwɨ wiwanɨŋí̵yí̵ dɨŋí̵ mopaxí̵ mimónɨnɨ. Apɨ Gorɨxo aŋí̵na tí̵nɨ xwí̵árí tí̵nɨ sɨnɨ mimɨxɨpa eŋe dánɨ yumí̵í dɨŋí̵ eŋwɨpeárɨŋí̵pɨrɨnɨ. Nene xí̵o tí̵nɨ aŋí̵namɨ ŋweaní̵wá nánɨ eŋwɨpeaárɨŋí̵pɨrɨnɨ. Ámá ríná dáŋí̵ seáyɨ e nimónɨrɨ meŋweagí̵áyí̵ wí Gorɨxo yumí̵í dɨŋí̵ eŋwɨpeárɨŋí̵pɨ nánɨ nɨjí̵á mimónɨgí̵árɨnɨ. Ayí̵ nɨjí̵á nimónɨro sɨŋwɨrɨyí̵, Ámɨná eŋí̵ eánɨŋí̵ nene yeáyí̵ neayimɨxemeaní̵a nánɨ Gorɨxo imónɨŋí̵pɨ neaíwapɨyiŋomɨ wí íkí̵áyo yekwɨroáranɨro egí̵ámanɨ. None rarɨŋwápɨ nánɨ Bɨkwí̵yo dánɨ xɨxenɨ re nɨrɨnɨrɨ eánɨnɨ, “Amɨpí Gorɨxo ámá xí̵omɨ dɨŋí̵ sɨxí̵ uyarɨgí̵áyo wipɨmoáriŋí̵pɨ, ayí̵ ámá wí sɨŋwí̵ mɨwɨnɨpa ero arí̵á mɨwipa ero ‘Neaipɨmoáriŋí̵pɨ, ayí̵ apɨrí̵anɨ?’ nɨyaiwirɨ dɨŋí̵ mɨmopa ero yarɨgí̵ápɨrɨnɨ.” E nɨrɨnɨrɨ eánɨŋí̵pɨ none seararɨŋwápɨ tí̵nɨ xɨxenɨ imónɨnɨ. 10 Gorɨxo nene nánɨ neaipɨmoáriŋí̵pɨ ámá wigí̵ dɨŋí̵ tí̵nɨ dɨŋí̵ mɨmopaxí̵ imónɨŋagɨ aiwɨ Gorɨxo xegí̵ kwíyí̵pimɨ dánɨ rɨxa wí̵á nearókiamoŋí̵rɨnɨ. Ayí̵ rɨpɨ nánɨrɨnɨ. Xegí̵ kwíyí̵pɨ nemerɨ amɨpí ní̵nɨ nánɨ nɨjí̵á imónɨnɨ. Amɨpí Gorɨxo yumí̵í eŋwɨpeárɨŋí̵pɨ nánɨ aí nɨjí̵á imónɨnɨ. 11 Ámá go ámá wo yumí̵í dɨŋí̵ moarɨŋí̵pɨ nánɨ nɨjí̵á imónɨnɨ? Oweoɨ, ámá o yumí̵í dɨŋí̵ moarɨŋí̵pɨ xewanɨŋoyá dɨŋí̵pɨnɨ apɨ nánɨ nɨjí̵á imónɨnɨ. Kwíyí̵ Gorɨxoyápɨ enɨ axí̵pɨ imónɨnɨ. Ámá wo aí dɨŋí̵ Gorɨxo moarɨŋí̵pɨ nánɨ nɨjí̵á mimónɨpaxí̵ nerɨ aí xegí̵ kwíyí̵pɨnɨ nɨjí̵á imónɨŋí̵ eŋagɨ nánɨ Gorɨxo yumí̵í neaipɨmoáriŋí̵pɨ nánɨ ananɨ wí̵á nearókiamopaxí̵rɨnɨ. 12 Gorɨxo wá nɨneawianɨrɨ e e epaxí̵ imóní̵í̵rɨxɨnɨrɨ sɨwiá sɨxí̵ neamímoŋí̵ nɨpɨnɨ nánɨ nɨjí̵á imónaní̵wá nánɨ o kwíyí̵ ámá xwí̵á tí̵yo xí̵omɨ mɨxí̵darɨgí̵áyí̵yá imónɨŋí̵pɨ sɨxí̵ mɨneamímó xí̵o tí̵ŋí̵ e dáŋí̵pɨ sɨxí̵ neamímoŋí̵rɨnɨ. 13 Ayɨnánɨ none Gorɨxo wá nɨneawianɨrɨ sɨwiá sɨxí̵ neamímoŋí̵pɨ nánɨ nɨseare'wapɨyirí̵ná xwɨyí̵á áxwí̵najeneyá dɨŋí̵ e'mí̵ saímí̵ nɨmorane re'wapí̵narɨŋwápimɨ dánɨ mɨseare'wapɨyí xwɨyí̵á Gorɨxoyá kwíyí̵pɨ neare'wapɨyíí̵yo dánɨ seare'wapɨyarɨŋwárɨnɨ. Ámá Gorɨxoyá kwíyí̵pɨ tí̵gí̵áyo kwíyí̵pɨ neare'wapɨyíí̵pɨ píránɨŋí̵ ureŋwɨpearɨŋwárɨnɨ. 14 E nerɨ aí ámá kwíyí̵ Gorɨxoyápɨ mayí̵ imónɨgí̵áyo o wá nɨneawianɨrɨ e e epaxí̵ imóní̵í̵rɨxɨnɨrɨ xegí̵ kwíyí̵pimɨ dánɨ sɨxí̵ neamímoŋí̵pɨ nánɨ nurɨrí̵náyí̵ wí mímɨnɨpaxí̵manɨ. Ayí̵ rɨpɨ nánɨrɨnɨ. Ámá ayí̵ ámá wí Gorɨxoyá kwíyí̵pimɨ dánɨ yarɨŋagí̵a nɨwɨnɨróná kwíyí̵pimɨ dánɨnɨ mí ómɨxɨpaxí̵ imónɨŋagɨ nánɨ dɨŋí̵ píránɨŋí̵ neyíroro “Gorɨxoyá kwíyí̵pimɨ dánɨ rí̵a yarɨŋoɨ?” yaiwipaxí̵ mimónɨŋoɨ. Ayɨnánɨ apɨ e mɨyaiwí mají̵á neróná “Ámá ayí̵ mají̵á nikárɨnɨro rí̵a yarɨŋoɨ?” yaiwiarɨgí̵árɨnɨ. 15 E nerɨ aí ámá Gorɨxoyá kwíyí̵ tí̵gí̵áyí̵ amɨpí bɨ nánɨ dɨŋí̵ neyíroro “Ayí̵ mí̵kí̵ apimɨ dánɨ rí̵a imónɨnɨ? Apimɨ dánɨ rí̵a imónɨnɨ?” yaiwipaxí̵rɨnɨ. Kwíyí̵pɨ tí̵gí̵áyí̵ e yaiwipaxí̵ aiwɨ mayí̵yí̵ enɨ kwíyí̵pɨ tí̵gí̵áyí̵ imónɨgí̵ápɨ nánɨ wí dɨŋí̵ eyíropaxí̵ menɨnɨ. 16 Nionɨ seararɨŋápɨ tí̵nɨ xɨxenɨ Bɨkwí̵yo re nɨrɨnɨrɨ eánɨnɨ, “Ámá gɨyí̵ Ámɨnáo dɨŋí̵ moarɨŋí̵pɨ nánɨ nɨjí̵á imónɨŋoɨ? Oweoɨ. Gɨyí̵ omɨ ure'wapɨyipaxí̵ imónɨŋoɨ?” E nɨrɨnɨrɨ eánɨŋagɨ aiwɨ nene oyá kwíyí̵pɨ tí̵ŋwae'ne dɨŋí̵ Kiraiso moarɨŋí̵pɨ axí̵pɨ moarɨŋwae'nerɨnɨ.

Copyright information for AAK