1 John 1

Dɨŋí̵ nɨyɨmɨŋí̵ imónɨŋí̵pɨ ámáyo umímoarɨŋo nánɨrɨnɨ.

Iwamí̵ó xwí̵árí tí̵nɨ aŋí̵na tí̵nɨ imɨxɨnɨŋíná eŋo nánɨ —Omɨ arí̵á wirane negí̵ sɨŋwí̵ tí̵ tí̵nɨ wɨnɨrane sɨŋwí̵ wɨnaxí̵dɨrane we' tí̵nɨ í̵á xɨrɨrane eŋwáorɨnɨ. Xwɨyí̵á dɨŋí̵ nɨyɨmɨŋí̵ imónɨŋí̵pɨ nánɨ neaíwapɨyiŋorɨnɨ. Dɨŋí̵ nɨyɨmɨŋí̵ imónɨŋwápɨ nánɨ sɨxí̵ neamímoarɨŋorɨnɨ. Xegí̵ sí̵mɨmaŋí̵ sɨwá neainí̵agɨ sɨŋwí̵ wɨnɨŋwá eŋagɨ nánɨ neaímeaŋí̵ mí̵kone dɨŋí̵ nɨyɨmɨŋí̵pɨ nánɨ mí̵kí̵ ikiŋo nánɨ —O eŋíná dánɨ íníná ápo Gorɨxo tí̵nɨ nawínɨ ŋweagí̵ío xegí̵ sí̵mɨmaŋí̵ sɨwá neainɨŋorɨnɨ. O nánɨ xwɨyí̵ápɨ sopɨŋí̵nɨŋí̵ nɨworane wáí̵ seararɨŋwɨnɨ. Seyí̵ne' tí̵nɨ aga nawínɨ xɨrɨnɨŋwae'ne imónɨrane dɨŋí̵ axí̵pɨnɨ nawínɨ xɨrɨrane yaní̵wá nánɨ sɨŋwí̵ wɨnɨrane arí̵á wirane eŋwáo nánɨ wáí̵ seararɨŋwɨnɨ. None aga dɨŋí̵ ná bɨnɨ nimónɨrane xɨrɨnɨŋwáwau', ayí̵ ápo Gorɨxo tí̵nɨ xewaxo Jisasɨ Kiraiso tí̵nɨ awau' eŋagí̵i nánɨ seararɨŋwɨnɨ. Dɨŋí̵ nií̵á nɨneainɨrí̵ná bɨ onɨmiápɨ mɨneainí̵ aga seáyɨ e neainɨní̵a nánɨ rí̵wamɨŋí̵ rɨpɨ nearɨ seaiapowárarɨŋɨnɨ.

“Wí̵á ókínɨŋe eme'í̵rɨxɨnɨ.” urɨŋí̵ nánɨrɨnɨ.

Xwɨyí̵á Jisaso yaŋí̵ neaiapowárí̵agɨ arí̵á wiŋwá wáí̵ seararɨŋwápɨ, ayí̵ rɨpɨrɨnɨ. Gorɨxo wí̵ánɨŋí̵ imónɨŋorɨnɨ. Onɨmiápɨ bɨ aí sí̵á mɨyɨkínɨŋorɨnɨ. Ayɨnánɨ nene “O tí̵nɨ nawínɨ xɨrɨnɨŋwae'nerɨnɨ.” nɨrɨnɨrane aí maŋí̵ nɨwiaíkirane sí̵á yɨkínɨŋe nemerane'náyí̵, yapí̵ rarɨŋwɨnɨ. Nepaxɨŋí̵ imónɨŋí̵pɨ wí mɨyarɨŋwɨnɨ. E nerɨ aí nene uyí̵nií̵ bɨ me' wí̵á ókínɨŋe xí̵o ŋweaŋí̵pa nene enɨ wí̵á ókínɨŋe nemerane'náyí̵, xí̵o tí̵nɨ nawínɨ anɨ xɨrɨnɨŋwae'ne imónɨrane xí̵o nene naŋí̵ imónaní̵wá nánɨ ragí̵ xewaxo Jisaso nɨperí̵ná puŋí̵pimɨ dánɨ í̵wí̵ nɨpɨnɨ yarɨŋwápɨ nánɨ igí̵ánɨŋí̵ neaeámorɨ yarɨŋí̵rɨnɨ. Nene “Í̵wí̵ bɨ mɨyarɨŋwae'nerɨnɨ.” nɨrɨnɨrane'náyí̵, newanɨŋene yapí̵ e'wapí̵narɨŋwɨnɨ. Nepa imónɨŋí̵pɨ bɨ í̵á mɨxɨrarɨŋwɨnɨ. E nerɨ aí nene xí̵oyá arí̵á eŋe dánɨ í̵wí̵ yarɨŋwápɨ nánɨ waropárí̵ ninɨrane'náyí̵, o dɨŋí̵ uŋwɨrárɨpaxí̵ imónɨŋí̵pɨ tí̵nɨ xɨxenɨ erɨ we' rónɨŋí̵ imónɨŋí̵pɨ tí̵nɨ xɨxenɨ erɨ yarɨŋo eŋagɨ nánɨ ananɨ í̵wí̵ yarɨŋwápɨ yokwarɨmí̵ neaiirɨ uyí̵nií̵ yarɨŋwápɨ nɨpɨnɨ igí̵ánɨŋí̵ neaeámoirɨ yarɨŋí̵rɨnɨ. 10 Nene “Í̵wí̵ bɨ meŋwárɨnɨ.” nɨrɨnɨrane'náyí̵, “Ámá ní̵nɨ í̵wí̵ yarɨgí̵árɨnɨ.” rɨŋomɨ yapí̵ rarɨŋónɨŋí̵ wimɨxanɨrɨ yarɨŋwɨnɨ. Xwɨyí̵á o nearɨŋí̵pɨ bɨ í̵á mɨxɨrarɨŋwɨnɨ.

Copyright information for AAK