1 John 4

Kwíyí̵ Gorɨxoyápimɨ tí̵nɨ sɨpípimɨ tí̵nɨ mí ómɨxarɨŋwápɨ nánɨrɨnɨ.

Gí̵ dɨŋí̵ sɨxí̵ seayiŋáyí̵ne', ámá “Kwíyí̵ tí̵ŋáonɨ eŋagɨ nánɨ rarɨŋɨnɨ.” rarɨgí̵á nɨyonɨ arí̵á mɨwipa nero mimóní̵ wí̵á rókiamoarɨgí̵á obaxí̵ xwí̵á tí̵yo emearɨŋagí̵a nánɨ “Kwíyí̵ apɨ nepa Gorɨxo tí̵ŋí̵ e dánɨ bɨŋí̵pɨrí̵anɨ? Gorɨxo tí̵ŋí̵ e dánɨ mɨbɨŋí̵pɨrí̵anɨ?” yaiwianɨ nánɨ iwamí̵ó imɨmí̵ wíí̵rɨxɨnɨ. Iwamí̵ó imɨmí̵ nɨwirí̵ná rɨpɨ rarɨŋagí̵a nɨwɨnɨrí̵ná “Kwíyí̵ Gorɨxoyápɨ tí̵ŋo rí̵a rarɨnɨ?” yaiwíí̵rɨxɨnɨ. Kwíyí̵yo dánɨ nɨrɨrí̵ná “Jisasɨ Kiraiso ámá nimónɨrɨ nene tí̵ámɨnɨ bɨŋɨnigɨnɨ.” rarɨŋagí̵a nɨwɨnɨrí̵ná “Kwíyí̵ Gorɨxo tí̵ŋí̵ e dánɨ bɨŋí̵pimɨ dánɨ rí̵a rarɨnɨ?” yaiwíí̵rɨxɨnɨ. E nerɨ aí kwíyí̵ xegí̵ bimɨ dánɨ nɨrɨrí̵ná “Jisaso ámá nimónɨrɨ nene tí̵ámɨnɨ bɨŋɨnigɨnɨ.” mɨrɨpa yarɨŋagí̵a nɨwɨnɨrí̵ná “Kwíyí̵ apɨ Gorɨxo tí̵ŋí̵ e dánɨ bɨŋí̵pɨmanɨ.” yaiwíí̵rɨxɨnɨ. Ámá kwíyí̵ ayo dánɨ rarɨgí̵áyí̵ Kiraisomɨ xopɨrárí̵ wimɨnɨrɨ yarɨŋo tí̵nɨ anɨ nawínɨ imónɨgí̵áyí̵rɨnɨ. Eŋíná “O nɨbɨní̵árɨnɨ.” arí̵á e wigí̵o agwɨ ríná rɨxa nɨbɨrɨ xwí̵á tí̵yo yarɨnɨ. E nerɨ aí gí̵ niaíwí̵piayí̵ne', seyí̵ne' Gorɨxoyáyí̵ne' eŋagí̵a nánɨ mimóní̵ wí̵á rókiamoarɨgí̵áyí̵ yapí̵ seaíwapɨyanɨro seaíagí̵a aiwɨ rɨxa xopɨrárí̵ wigí̵árɨnɨ. Kwíyí̵ seyí̵ne' seaaínɨŋí̵pɨ obomɨ —O ámá Gorɨxomɨ dɨŋí̵ mɨwɨkwí̵roarɨgí̵áyí̵ xí̵o tí̵nɨ nawínɨ imónɨgí̵orɨnɨ. Omɨ kwíyí̵ seyí̵ne' seaaínɨŋí̵pɨ seáyɨ e wimónɨŋagɨ nánɨ ayo xopɨrárí̵ wigí̵árɨnɨ. “Jisaso nepa ámá nimónɨrɨ nene tí̵ámɨnɨ mɨbɨŋɨnigɨnɨ.” rarɨgí̵áyí̵ Gorɨxomɨ paimɨmí̵ wiarɨgí̵áyí̵ tí̵ŋí̵mɨ dánɨ imónɨgí̵áyí̵rɨnɨ. Ayɨnánɨ xwɨyí̵á wigí̵ nɨrɨrí̵ná xwɨyí̵á Gorɨxomɨ paimɨmí̵ wiarɨgí̵ápimɨ dánɨ rarɨgí̵á nánɨ wigí̵ imónɨgí̵áyí̵ ayo arí̵á wiarɨgí̵árɨnɨ. E nerɨ aí none Gorɨxoyá imónɨŋagwɨ nánɨ ámá o tí̵nɨ nawínɨ ikárɨnɨgí̵áyí̵ none arí̵á neaiarɨgí̵árɨnɨ. Ámá o tí̵nɨ nawínɨ mikárɨnɨgí̵áyí̵ none arí̵á neaiarɨgí̵ámanɨ. Ayo dánɨ re yaiwiarɨŋwárɨnɨ, “Kwíyí̵ nepaxɨŋí̵ imónɨŋí̵yo dánɨ rarɨgí̵áyí̵ mí nómɨxɨrɨ ayí̵ tɨyí̵rí̵anɨ? Kwíyí̵ yapí̵ imónɨŋí̵pimɨ dánɨ rarɨgí̵áyí̵ mí nómɨxɨrɨ ayí̵ tɨyí̵rí̵anɨ?” yaiwiarɨŋwárɨnɨ.

“Xɨxe dɨŋí̵ sɨxí̵ yiní̵í̵rɨxɨnɨ.” urɨŋí̵ nánɨrɨnɨ.

Gí̵ dɨŋí̵ sɨxí̵ seayiŋáyí̵ne', xɨxe dɨŋí̵ sɨxí̵ yiní̵wanɨgɨnɨ. Ayí̵ rɨpɨ nánɨ rarɨŋɨnɨ. Ámá wíyo dɨŋí̵ sɨxí̵ nuyirane'ná Gorɨxo yarɨŋí̵pa axí̵pɨ yarɨŋwá eŋagɨ nánɨ rarɨŋɨnɨ. Ayí̵ rɨpɨ nánɨ enɨ “Xɨxe dɨŋí̵ sɨxí̵ yiní̵í̵rɨxɨnɨ.” rarɨŋɨnɨ. Dɨŋí̵ sɨxí̵ uyarɨgí̵á ayí̵ ayí̵ ní̵nɨ Gorɨxo xegí̵ tɨmeaŋí̵yí̵nɨŋí̵ imónɨro o tí̵nɨ nawínɨ nikárɨnɨro nɨjí̵á imónɨro egí̵áyí̵ eŋagí̵a nánɨ rarɨŋɨnɨ. E nerɨ aí amɨpí o yarɨŋí̵pɨ xí̵o ámáyo dɨŋí̵ sɨxí̵ nuyirɨŋí̵pimɨ dánɨ yarɨŋí̵ eŋagɨ nánɨ ámá wigí̵ wínɨyo dɨŋí̵ sɨxí̵ muyipa yarɨgí̵á gɨyí̵ gɨyí̵, ayí̵ Gorɨxo tí̵nɨ nawínɨ nikárɨnɨro nɨjí̵á imónɨgí̵áyí̵manɨ. Gorɨxo xí̵o rɨpɨ nerɨŋí̵pimɨ dánɨ dɨŋí̵ sɨxí̵ neayarɨŋí̵pɨ neaíwapɨyiŋɨnigɨnɨ. O xegí̵ niaíwí̵ siŋí̵nɨŋí̵ e'miaoŋo neaiiní̵ápimɨ dánɨ nene dɨŋí̵ nɨyɨmɨŋí̵ imónɨŋí̵pɨ meaní̵wá nánɨ xwí̵á tí̵yo wí̵re'napɨŋɨnigɨnɨ. 10 Rɨpɨ nánɨ dɨŋí̵ nɨmorane'ná “Ámáyo dɨŋí̵ sɨxí̵ nuyirí̵ná epaxí̵pɨ, ayí̵ apɨrí̵anɨ?” yaiwipaxí̵rɨnɨ. Nene Gorɨxomɨ dɨŋí̵ sɨxí̵ nuyirane eŋwápɨ marí̵áɨ, sa xewanɨŋo nene dɨŋí̵ sɨxí̵ nɨneayirɨ xewaxo negí̵ í̵wí̵ yarɨŋwápɨ yokwarɨmí̵ neaiiní̵a nánɨ wí̵re'napɨŋí̵pɨ nánɨ rarɨŋɨnɨ. 11 Gí̵ dɨŋí̵ sɨxí̵ seayiŋáyí̵ne', Gorɨxo nene dɨŋí̵ sɨxí̵ xwapí̵ ayá wí nɨneayirɨ e neaiiŋí̵ eŋagɨ nánɨ xexí̵xexɨrí̵meae'ne enɨ xɨxe dɨŋí̵ sɨxí̵ yiní̵wanɨgɨnɨ. 12 Ámá Gorɨxomɨ sɨŋwí̵ bɨ mɨwɨnɨgí̵á aiwɨ xexí̵xexɨrí̵meae'ne xɨxe dɨŋí̵ sɨxí̵ nɨyinɨrane'náyí̵, Gorɨxo tí̵nɨ nawínɨ imónɨŋagwɨ nánɨ xí̵o ámáyo u'rapí mɨwikárí̵ píránɨŋí̵ dɨŋí̵ sɨxí̵ uyarɨŋí̵pa axí̵pɨ dɨŋí̵ sɨxí̵ yinaní̵wɨnɨ. 13 Rɨpɨ nánɨ dɨŋí̵ nɨmorane'ná “Xí̵o nene tí̵nɨ imónɨrɨ nene xí̵o tí̵nɨ imónɨrane eŋwɨnɨ.” yaiwipaxí̵rɨnɨ. Xegí̵ kwíyí̵pɨ neaiapɨŋí̵ eŋagɨ nánɨ dɨŋí̵ e yaiwipaxí̵rɨnɨ. 14 Ápo Gorɨxo xegí̵ xewaxo ámá xwí̵á tí̵yo ŋweagí̵á nɨyonɨ yeáyí̵ uyimɨxemeáwɨnɨgɨnɨrɨ wí̵re'napáná neaímeaŋí̵ mí̵kone, sɨŋwí̵ wɨnɨŋwáone xwɨyí̵á rɨpɨ seararɨŋwɨnɨ. 15 Ámá “Jisaso niaíwí̵ Gorɨxoyáorɨnɨ.” rarɨgí̵á gɨyí̵ gɨyí̵ Gorɨxo ámá e rí̵áyí̵ tí̵nɨ nawínɨ imónɨrɨ ayí̵ xí̵o tí̵nɨ nawínɨ imónɨro eŋoɨ. 16 Ayɨnánɨ nene dɨŋí̵ “Gorɨxo aga dɨŋí̵ sɨxí̵ neayarɨnɨ.” yaiwianɨ nánɨ nɨneaipɨmónɨrɨ nɨjí̵á imónɨŋwɨnɨ.

Pí pí Gorɨxo yarɨŋí̵pɨ sa dɨŋí̵ sɨxí̵ nuyirɨŋí̵pimɨ dánɨ yarɨŋí̵ eŋagɨ nánɨ ámá wigí̵ xexɨrí̵meáyo anɨŋí̵ miní̵ dɨŋí̵ sɨxí̵ uyarɨgí̵áyí̵, ayí̵ Gorɨxo tí̵nɨ nawínɨ imónɨro xí̵o enɨ ayí̵ tí̵nɨ nawínɨ imónɨro egí̵áyí̵rɨnɨ.
17 Nene sí̵á Gorɨxo ámá nɨyonɨ mí ómómɨxɨmí̵ ení̵áyimɨ wará sarí̵wá mɨmárɨní̵ ananɨ ewiárɨmónaní̵wá nánɨ negí̵ nɨrɨxí̵meáyo u'rapí mɨwikárí̵ píránɨŋí̵ dɨŋí̵ sɨxí̵ uyíwanɨgɨnɨ. Kiraiso xwí̵á tí̵yo nɨŋwearí̵ná nimónɨrɨ eŋí̵pa nene enɨ xwí̵á tí̵yo nɨŋwearane'ná axí̵pɨ nimónɨrane yarɨŋwá eŋagɨ nánɨ ananɨ e yaní̵wárɨnɨ. 18 Ámá wigí̵ xexɨrí̵meáyo dɨŋí̵ sɨxí̵ nuyiróná Gorɨxo nánɨ wáyí̵ wí winarɨŋí̵manɨ. Dɨŋí̵ sɨxí̵ nuyiróná u'rapí wí mɨwikárí̵ aga xɨxenɨ naŋí̵nɨ nuyirónáyí̵, wáyí̵ bɨ mɨwiní̵ sáyí̵ ikárɨnarɨgí̵árɨnɨ. Mí̵kí̵ ámá Gorɨxo nánɨ wáyí̵ winarɨŋí̵, ayí̵ rɨpɨ nánɨrɨnɨ. “Gorɨxo nionɨ gí̵ sɨpí yarɨŋápɨ tí̵nɨ xɨxenɨ sɨpí nikárɨní̵árí̵anɨ?” nɨyaiwiro nánɨ wáyí̵ winarɨŋí̵rɨnɨ. Wáyí̵ winarɨŋí̵yí̵ xexɨrí̵meáyo sɨnɨ dɨŋí̵ sɨxí̵ xɨxenɨ muyarɨgí̵á eŋagɨ nánɨ rarɨŋɨnɨ. 19 Gorɨxo nene xámɨ dɨŋí̵ sɨxí̵ neayiŋí̵ eŋagɨ nánɨ nene enɨ nɨrɨxí̵meáyo dɨŋí̵ sɨxí̵ uyarɨŋwárɨnɨ. 20 Ámá wo “Gorɨxomɨ dɨŋí̵ sɨxí̵ uyiŋáonɨrɨnɨ.” nɨrɨnɨrɨ aí xexɨrí̵meáyo sí̵mí̵ tí̵nɨ nɨwirí̵náyí̵, yapí̵ rarɨŋorɨnɨ. Ayí̵ rɨpɨ nánɨ rarɨŋɨnɨ. Xexɨrí̵meáyo sɨŋwí̵ nɨwɨnɨrɨ aí dɨŋí̵ sɨxí̵ muyipa nerí̵náyí̵, o arɨge nerɨ Gorɨxo, ámá sɨŋwí̵ mɨwɨnɨgí̵omɨ dɨŋí̵ sɨxí̵ uyipaxí̵ imónɨnɨ? Oweoɨ. 21 Sekaxí̵ o nearɨŋí̵pɨ, ayí̵ rɨpɨrɨnɨ. Ámá Gorɨxomɨ dɨŋí̵ sɨxí̵ uyarɨgí̵á gɨyí̵ gɨyí̵, xexɨrí̵meáyo enɨ dɨŋí̵ sɨxí̵ uyíí̵rɨxɨnɨ.

Copyright information for AAK