1 Thessalonians 4

“Gorɨxo wimónarɨŋí̵pɨnɨ e'í̵rɨxɨnɨ.” urɨŋí̵ nánɨrɨnɨ.

Gí̵ nɨrɨxí̵meáyí̵ne', nionɨ payí̵ rɨna yoparí̵pɨ nearí̵ná Ámɨná Jisaso wáí̵ nurɨmeíí̵rɨxɨnɨrɨ nearowárɨŋí̵ eŋagɨ nánɨ ayá tí̵nɨ nerɨ eŋí̵ rɨre'mɨxí̵ bɨ rɨpɨ oseaianeyɨ. Seyí̵ne' nemeróná Gorɨxo yayí̵ winɨpaxí̵pɨ epí̵rí̵a nánɨ seare'wapɨyiŋwápɨ tí̵nɨ rɨxa xɨxenɨ yarɨŋoɨ. E nero aí apimɨ nɨmu'roro ámɨ bɨ tí̵nɨ oyaneyɨnɨro e'í̵rɨxɨnɨ. Sekaxí̵ rɨnɨŋí̵ Ámɨná Jisaso nearí̵peaŋone seare'wapɨyiŋwápɨ nánɨ seyí̵ne' nɨjí̵á imónɨŋagí̵a nánɨ rarɨŋɨnɨ. Gorɨxo seyí̵ne' e e'í̵rɨxɨnɨrɨ wimónarɨŋí̵pɨ ayí̵ rɨpɨrɨnɨ. Sɨyikwí̵ mínɨgí̵áyí̵ne' imóní̵í̵rɨxɨnɨ. Ámá wí tí̵nɨ í̵wí̵ bɨ minɨpa e'í̵rɨxɨnɨ. Meánɨgí̵áyí̵ne' ámɨ wí tí̵nɨ í̵wí̵ bɨ miní̵ Gorɨxoyá sɨŋwí̵yo dánɨ sɨyikwí̵ mínɨŋí̵ imónɨŋí̵pɨ ero ámáyá sɨŋwí̵yo dánɨ weyí̵ seamearɨpaxí̵ imónɨŋí̵pɨ ero nero xɨxenɨ meání̵í̵rɨxɨnɨ. E'máyí̵ —Ayí̵ ámá Gorɨxo nánɨ dɨŋí̵ mɨmoarɨgí̵áyí̵rɨnɨ. Ayí̵ í̵wí̵ inanɨro nánɨ mɨŋí̵ ninɨro sí̵mí̵ xeadí̵pe'narɨgí̵ápa mepa e'í̵rɨxɨnɨ. Segí̵ se'rɨxí̵meánɨŋí̵ imónɨgí̵áyí̵yá apɨxí̵ tí̵nɨ í̵wí̵ oinaneyɨnɨro yapí̵ nɨwímearɨ nɨwero sɨpí mɨwikárɨpa e'í̵rɨxɨnɨ. Xámɨ seyí̵ne' tí̵nɨ nɨŋwearane'ná áwaŋí̵ searɨrane erɨrí̵ seairane eŋwápa xɨxenɨ ámá í̵wí̵ apɨ e'í̵áyo Ámɨnáo pɨrí̵ umamoní̵á eŋagɨ nánɨ seararɨŋɨnɨ. Gorɨxo nene ámá wí tí̵nɨ í̵wí̵ inaní̵wá nánɨ nionɨyáyí̵ imóní̵í̵rɨxɨnɨrɨ we'yo í̵á neaumɨrɨŋí̵manɨ. Gí̵ sɨyikwí̵ minɨgí̵áyí̵ imóní̵í̵rɨxɨnɨrɨ we'yo í̵á neaumɨrɨŋí̵rɨnɨ. Ayɨnánɨ rɨpɨ nánɨ dɨŋí̵ móí̵rɨxɨnɨ. Gɨyí̵ gɨyí̵ nionɨ seararɨŋápɨ rí̵wí̵mɨnɨ nɨmamorí̵náyí̵, ayí̵ ámáyonɨ rí̵wí̵ mumoarɨŋoɨ. Ayí̵ Gorɨxomɨ —O nene sɨyikwí̵ mínɨŋí̵ imónanɨ nánɨ xegí̵ kwíyí̵pɨ owaínɨnɨrɨ sɨxí̵ neamímoarɨŋorɨnɨ. Omɨ rí̵wí̵ umoarɨŋoɨ.

Se'rɨxí̵meá nánɨ dɨŋí̵ sɨpí nɨseairɨ arɨrá nɨwirí̵ná epaxí̵pɨ nánɨ Gorɨxo xewanɨŋo rɨxa seaíwapɨyiŋí̵ eŋagɨ nánɨ none aí wí rí̵wamɨŋí̵ nearɨ searɨpaxí̵ mimónɨŋwɨnɨ. 10 Se'rɨxí̵meá segí̵ Masedonia pɨropenɨsí̵yo amɨ gɨmɨ ŋweagí̵áyo nánɨ rɨxa dɨŋí̵ sɨpí nɨwiro arɨrá wiarɨŋoɨ. Gí̵ nɨrɨxí̵meáyí̵ne', seyí̵ne' e yarɨŋagí̵a aí ámɨ bɨ rɨpɨ oe'poyɨnɨrɨ yarɨŋí̵ oseaimɨnɨ. Seyí̵ne' dɨŋí̵ sɨpí e wiarɨgí̵ápɨ ámɨ xwe' bɨ tí̵nɨ nimóga u'í̵rɨxɨnɨ. 11 Porowa xámɨ sekaxí̵ nearɨgí̵ápa xɨxenɨ píránɨŋí̵ oimónaneyɨnɨro e'í̵rɨxɨnɨ. Awayinɨ yapenɨŋwae'ne oimónaneyɨnɨrɨ ero wí yarɨgí̵ápɨ marí̵áɨ, negí̵ yarɨŋwápɨnɨ oainenaxí̵daneyɨnɨrɨ ero negí̵ omɨŋí̵ enɨ nɨrí̵kwínɨmáná oyaneyɨnɨrɨ ero e'í̵rɨxɨnɨ. 12 E nerónáyí̵, nɨpí̵rɨ nánɨranɨ, yínɨpí̵rɨ nánɨranɨ, dí̵wí̵ mikeamónɨpa ero ámá Gorɨxoyá mimónɨgí̵áyí̵ re seaiaiwipaxí̵pɨ ero, “Ayí̵ we' rónɨŋí̵ imónɨŋí̵pɨ yarɨŋoɨ.” seaiaiwipaxí̵pɨ ero epí̵rí̵á eŋagɨ nánɨ seararɨŋɨnɨ.

“Ámɨnáo ámɨ weapáná pegí̵áyí̵ wiápí̵nɨmeapí̵rí̵árɨnɨ.” urɨŋí̵ nánɨrɨnɨ.

13 Gí̵ nɨrɨxí̵meáyí̵ne', ámá re nɨyaiwirɨ, “Gí̵ ámá pɨyí̵ ro Gorɨxo sɨŋí̵ wimɨxáná nɨwiápí̵nɨmeaní̵árɨnɨ.” nɨyaiwirɨ mikwí̵moarɨgí̵áyí̵ iwieánarɨgí̵ápa seyí̵ne' enɨ axí̵pɨ miwieánɨpa e'í̵rɨxɨnɨrɨ pe'í̵áyí̵ imónɨpí̵rí̵ápɨ nánɨ xe mají̵á oimóní̵poyɨnɨrɨ mɨneaimónarɨnɨ. 14 Jisaso nɨpe'máná ámɨ wiápí̵nɨmeaŋí̵rɨnɨ. E eŋí̵pɨ nánɨ nene rɨxa “Neparɨnɨ.” nɨyaiwirane dɨŋí̵ ɨkwí̵roŋwɨnɨ. Ayɨnánɨ Jisaso eŋí̵ apɨ re yaiwiarɨŋwápimɨ sopɨŋí̵ wonɨ, “Ámá Jisasomɨ dɨŋí̵ nɨwɨkwí̵rorí̵ná pe'í̵áyo Gorɨxo xegí̵ tí̵ŋí̵ e nánɨ o tí̵nɨ nawínɨ nɨmeámɨ uní̵árɨnɨ.” yaiwiarɨŋwápimɨ sopɨŋí̵ wonɨ. 15 Rɨpɨ raní̵pɨ, ayí̵ Ámɨnáo rɨŋí̵pɨrɨnɨ. O ámɨ báná nene sɨnɨ sɨŋí̵ ŋweaŋwae'ne omɨ wímeaanɨ nánɨ pegí̵áyo xámɨ umeaní̵wámanɨ. 16 Íná aŋí̵namɨ dánɨ apí̵ bɨ eŋí̵ tí̵nɨ rɨnɨrɨ aŋí̵nají̵yo xɨráónɨŋí̵ imónɨŋóyá maŋí̵ rɨnɨrɨ pe'kákí̵ Gorɨxoyá rɨnɨrɨ yarí̵ná Ámɨnáo xewanɨŋo aŋí̵namɨ dánɨ weapɨní̵árɨnɨ. Aŋí̵namɨ dánɨ weapáná ámá xí̵omɨ dɨŋí̵ wɨkwí̵rogí̵á rɨxa pegí̵áyí̵ xámɨ sɨŋí̵ nero wiápí̵nɨmeapí̵rí̵árɨnɨ. 17 Rɨxa nɨwiápí̵nɨmeámáná eŋáná sɨnɨ sɨŋí̵ ŋweaŋwae'ne enɨ Ámɨnáomɨ aŋí̵ pɨrí̵yo wímeanɨ nánɨ ayí̵ tí̵nɨ nawínɨ agwí̵pɨ tí̵ŋí̵ e nánɨ neayoaánapɨní̵árɨnɨ. 18 Ayɨnánɨ segí̵yí̵ wí wigí̵ ámá pe'áná xwɨyí̵á apɨ nurɨro mɨŋí̵ ikɨŋwí̵ umɨrí̵í̵rɨxɨnɨ.

Copyright information for AAK