2 Timothy 2

“Xwɨyí̵ápɨ wíyo enɨ í̵ánɨŋí̵ wiepí̵xí̵niasíɨrɨxɨnɨ.” urɨŋí̵ nánɨrɨnɨ.

Ayɨnánɨ gí̵ niaíwí̵nɨŋí̵ imónɨŋoxɨ, joxɨ re nɨyaiwinɨrɨŋí̵pimɨ dánɨ, “Kiraisɨ Jisaso tí̵nɨ nawínɨ ikárɨnɨŋáonɨ eŋagɨ nánɨ Gorɨxo wá wí mɨnɨwianɨpa yarɨŋí̵ranɨ?” nɨyaiwinɨrɨŋí̵pimɨ dánɨ eŋí̵ sɨxí̵ eáneɨ. Xwɨyí̵á nionɨ ámá obaxí̵ arí̵á egí̵e dánɨ rarí̵ná arí̵á niŋí̵pɨ joxɨ enɨ ámá dɨŋí̵ uŋwɨrárɨpaxí̵ imónɨgí̵áyo áwaŋí̵ nurɨrɨ í̵ánɨŋí̵ wiepí̵xí̵niasíɨrɨxɨnɨ. Ayí̵ e dánɨ xamɨŋí̵ wíyo ure'wapɨyipaxí̵ imónɨpí̵rí̵a nánɨ rɨrarɨŋɨnɨ.

“Jisasomɨ xí̵darɨŋagɨ nánɨ sikárí̵ápɨ xwámámí̵ wíɨrɨxɨnɨ.” urɨŋí̵ nánɨrɨnɨ.

Ewayí̵ xwɨyí̵á bɨ rɨpɨ nánɨ dɨŋí̵ moɨ. Sɨmɨŋí̵ wínarɨgí̵áyí̵ wamɨ wímeaní̵pɨ nánɨ ududí̵ mirɨnɨpa nero wigí̵ mɨxí̵ ináyomɨ eŋí̵ neánɨro nu'mɨ uxí̵darɨgí̵áwa yapɨ joxɨ enɨ axí̵pɨ e nimónɨrɨ Kiraisɨ Jisasomɨ nɨxí̵dɨrí̵ná símeaní̵ápɨ nánɨ ududí̵ mirɨnɨpa nerɨ xe onímeanɨrɨ xí̵dí̵ɨrɨxɨnɨ. Sɨmɨŋí̵ wínarɨgí̵áwa sɨmɨŋí̵ wínarɨŋwáo none yarɨŋwápɨ nánɨ yayí̵ owinɨnɨrɨ pí pí omɨŋí̵ ámá sí̵á ayí̵ ayo yarɨgí̵ápɨ xe nawínɨ rí̵gwɨrí̵gwí̵nɨŋí̵ oeánɨnɨrɨ me' ná bɨnɨ xí̵o wimónarɨŋí̵pɨnɨ yarɨgí̵árɨnɨ. Ewayí̵ xwɨyí̵á rɨpɨ nánɨ enɨ dɨŋí̵ moɨ. Yamɨyamu'rónɨgí̵ inarɨgí̵á go go yamɨyamu'rónɨgí̵ inɨpí̵rɨ nánɨ xiáwo rárí̵í̵pimɨ xɨxenɨ arí̵á mɨwí anɨŋí̵ winí̵agɨ nánɨ maŋí̵ nɨwiaíkirɨ xegí̵ dɨŋí̵ tí̵nɨ áwɨnɨ e nɨyaimɨ nɨyapɨrí̵náyí̵, yayí̵ nɨwimorɨ yamɨyamu'rónɨgí̵ ninɨrí̵ná mu'róomɨ mɨnɨ winí̵pɨ wipaxí̵ menɨnɨ. Ewayí̵ xwɨyí̵á rɨpɨ nánɨ enɨ dɨŋí̵ moɨ. Ámá nɨrí̵kwínɨrɨ omɨseáyí̵ e'o, o xámɨ wí̵wamɨ nɨmu'rorɨ aiwá nɨmirɨ nɨpaxorɨnɨ. Ewayí̵ xwɨyí̵á nionɨ nɨra weaparɨŋáyí̵ nánɨ dɨŋí̵ moɨ. Joxɨ e nerí̵ná Ámɨnáo simɨxɨŋí̵pimɨ dánɨ re yaiwipaxí̵rɨnɨ, “Ayí̵ apɨ nánɨ rí̵a rɨnɨnɨ? Apɨ nánɨ rí̵a rɨnɨnɨ?” yaiwipaxí̵ eŋagɨ nánɨ “Apɨ nánɨ dɨŋí̵ moɨ.” rɨrarɨŋɨnɨ.

Joxɨ Jisasɨ Kiraiso nánɨ arí̵á wí mikeamopanɨ. Nionɨ xwɨyí̵á yayí̵ neainarɨŋí̵pɨ wáí̵ nɨrɨrí̵ná re rarɨŋápa “O nɨpe'máná ámɨ xwárí̵páyo dánɨ wiápí̵nɨmeaŋorɨnɨ. Negí̵ arí̵o mɨxí̵ ináyí̵ Depitoyá ɨwiárí̵awe'yí̵ worɨnɨ.” E rarɨŋápa o xɨxenɨ apɨ e imónɨŋorɨnɨ. Nionɨ xwɨyí̵á apɨ wáí̵ urarɨŋagɨ nánɨ “O nɨpɨkwɨnɨ mɨyarɨnɨnɨ.” nɨniaiwiro xeanɨŋí̵ nɨnikárayiro ámá rɨkɨkɨrí̵ó yarɨgí̵áyo gwí̵ ŋwɨrárarɨgí̵ápa apɨ enɨ apɨ enɨ nigí̵árɨnɨ. Nionɨ gwí̵ nɨŋwɨrárɨgí̵á aiwɨ xwɨyí̵á Gorɨxoyápɨ enɨ gwí̵nɨŋí̵ mɨŋwɨrárɨnɨnɨ. 10 Xwɨyí̵á Gorɨxoyápɨ enɨ gwí̵nɨŋí̵ mɨŋwɨrárɨnɨŋagɨ nánɨ nionɨ ámá Gorɨxo xegí̵ í̵á yɨyamɨxɨmí̵ eŋí̵yí̵ nánɨ dɨŋí̵ nɨmorɨ nionɨ nikárarɨgí̵ápɨ nɨpimɨnɨ xwámámí̵ wiarɨŋárɨnɨ. Ámá ayí̵ Kiraisɨ Jisasomɨ dɨŋí̵ wɨkwí̵róáná o tí̵nɨ nawínɨ nikárɨnɨrɨŋí̵pimɨ dánɨ yeáyí̵ uyimɨxemearɨ aŋí̵namɨ xí̵o tí̵nɨ anɨŋí̵ seáyɨ e nimónɨro ŋweapí̵rí̵a nánɨ wimɨxɨrɨ e'wɨnɨgɨnɨrɨ e yarɨŋárɨnɨ. 11 Xwɨyí̵á re rɨnɨŋí̵pɨ nene dɨŋí̵ ŋwɨrárɨpaxí̵pɨrɨnɨ, “O tí̵nɨ nikárɨnɨrɨŋí̵pimɨ dánɨ peŋwae'ne'nɨŋí̵ eŋánáyí̵, dɨŋí̵ nɨyɨmɨŋí̵ enɨ tí̵ŋwae'ne nimónɨrɨ o tí̵nɨ ŋweaní̵wárɨnɨ. 12 Nene pí pí neaímeáí̵yo xwámámí̵ nɨwirane'náyí̵, wíyo enɨ seáyɨ e nɨwimónɨrane xí̵o tí̵nɨ nawínɨ umeŋweaní̵wárɨnɨ. Nene ‘O negí̵ Ámɨnáomanɨ.’ nɨrɨrane'náyí̵, xí̵o nene nánɨ enɨ ‘Ayí̵ nánɨ nionɨ mají̵árɨnɨ. Gí̵ ámá wímanɨ.’ rɨní̵árɨnɨ. 13 Nene íníná dɨŋí̵ neaŋwɨrárɨpaxí̵pɨ mepa yarɨŋagwɨ aiwɨ o sa anɨŋí̵ dɨŋí̵ uŋwɨrárɨpaxí̵pɨ yarɨŋorɨnɨ. Ámɨ sɨŋí̵ bɨ nimɨxɨrɨ rɨpaxí̵ mimónɨŋo eŋagɨ nánɨrɨnɨ.” Xwɨyí̵á e rɨnɨŋí̵pɨ nene dɨŋí̵ ŋwɨrárɨpaxí̵pɨrɨnɨ.

“Ure'wapɨyarɨgí̵áyí̵ xwɨyí̵á xɨmɨxɨmí̵ ninɨro mɨrɨnɨpa e'í̵rɨxɨnɨ.” urɨŋí̵ nánɨrɨnɨ.

14 Xwɨyí̵á nionɨ rɨrarɨŋápɨ ámá joxɨ tí̵ŋí̵ e ŋweagí̵áyo dirɨrí̵ wíɨrɨxɨnɨ. E nerí̵ná Gorɨxo sɨŋwí̵ anɨŋe dánɨ joxɨ rɨperɨrí̵ xwɨyí̵ánɨŋí̵ bɨ mɨrí̵ aga nepa sekaxí̵ re urí̵ɨrɨxɨnɨ, “Xwɨyí̵á nánɨ xɨmɨxɨmí̵ ninɨro mɨrɨnɨpa e'poyɨ.” urí̵ɨrɨxɨnɨ. Xɨmɨxɨmí̵ ninɨro rɨnarɨgí̵ápɨ ámá wíyo naŋí̵ bɨ wiiarɨŋí̵manɨ. Arí̵á wiarɨgí̵áyo xwɨrí̵á wikɨxearɨŋí̵ eŋagɨ nánɨ rarɨŋɨnɨ. 15 Gorɨxo “Timotio mɨmɨwiároarɨŋí̵ wo rí̵a imónɨnɨ?” osiaiwinɨrɨ anɨŋí̵ miní̵ e'ɨrɨxɨnɨ. Xwɨyí̵á nepaxɨŋí̵ imónɨŋí̵pɨ xegí̵ rɨnɨŋí̵pa nɨreŋwɨpe'a nurɨ urí̵ɨrɨxɨnɨ. E nerɨ re e'ɨrɨxɨnɨ. Ámá wigí̵ omɨŋí̵ nerí̵ná naŋí̵ e'í̵á eŋagɨ nánɨ “Ámá omɨŋí̵ nionɨ e'ápɨ sɨŋwí̵ nɨwɨnɨrí̵náyí̵, ayá ninɨpaxí̵manɨ.” yaiwiarɨgí̵áyí̵ yarɨgí̵ápa axí̵pɨ e'ɨrɨxɨnɨ.

Sɨpí xwɨyí̵á Gorɨxomɨ mɨxí̵darɨgí̵áyí̵ rarɨgí̵ápɨ nánɨrɨnɨ.

16 Xwɨyí̵á ámá Gorɨxomɨ mɨxí̵dɨpa nerí̵ná rɨro íkí̵á ɨwí̵yo dánɨ rɨro yarɨgí̵ápɨ gí̵ tí̵ŋí̵ e dánɨ orí̵poyɨnɨrɨ sɨŋwí̵ mɨwɨnɨpa e'ɨrɨxɨnɨ. Ayí̵ rɨpɨ nánɨ rarɨŋɨnɨ. Xwɨyí̵á íkí̵á ɨwí̵yo dánɨ rarɨgí̵ápɨ, ayí̵ Gorɨxomɨ mɨxí̵dɨpa epí̵rí̵a nánɨ ná jí̵e xɨxoyí̵pií̵ mí̵oarɨŋí̵rɨnɨ. 17 Ámá ayí̵ wigí̵ pí̵ne' e rarɨgí̵ápɨ oremánɨŋí̵ xwe' nimóga uní̵á eŋagɨ nánɨ rarɨŋɨnɨ. Ámá e rarɨgí̵áyí̵ wigí̵ wau' Xaimeniaso tí̵nɨ Pairitaso tí̵nɨ awau'rɨnɨ. 18 Awau' xwɨyí̵á nepaxɨŋí̵ imónɨŋí̵pɨ pí̵nɨ nɨwiárɨri majɨmají̵á ne'ra xeŋwí̵mɨ nuríná re rarɨgí̵íwau'rɨnɨ, “Kiraisomɨ dɨŋí̵ wɨkwí̵rówae'ne negí̵ dɨŋí̵ sɨŋí̵ neaimɨxí̵í̵pimɨ dánɨ rɨxa wiápí̵nɨmeáwá eŋagɨ nánɨ nɨpe'máná negí̵ warápɨ ámɨ rí̵we'ná bɨ wiápí̵nɨmeaní̵ámanɨ.” rarɨŋagí̵i nánɨ ámá dɨŋí̵ wɨkwí̵rogí̵á wí mɨdɨmɨdánɨ ayagwí̵ imɨxárɨní̵árɨnɨ. 19 Wí mɨdɨmɨdánɨ ayagwí̵ imɨxárɨní̵á eŋagɨ aiwɨ xwɨyí̵á Gorɨxoyápɨ sí̵ŋánɨŋí̵ eaárɨnɨnɨ. Xwɨyí̵á oyápɨ sí̵ŋá aŋí̵ nɨmɨrɨróná sí̵ŋá iwamí̵ó nɨtɨwayɨrorɨ tí̵gí̵ápɨ wí mɨkwierómioá xaíwí̵ sí̵ŋánɨŋí̵ eánɨŋí̵pɨ yapɨ imónɨnɨ. Sí̵ŋánɨŋí̵ eánɨŋí̵pimɨ rí̵wamɨŋí̵ rɨpiau' nɨrɨnɨrɨ eánɨnɨ, “Ámá xí̵oyá imónɨgí̵áyí̵ ayí̵ Ámɨnáo o nɨjí̵árɨnɨ.” rɨnɨrɨ “ ‘O gí̵ Ámɨnáorɨnɨ.’ rarɨgí̵á gɨyí̵ gɨyí̵ wigí̵ sɨpí yarɨgí̵ápɨ rí̵wí̵mɨnɨ umamóí̵rɨxɨnɨ.” rɨnɨrɨ eŋí̵piau' apimɨ nɨrɨnɨrɨ eánɨnɨ.

“Gorɨxomɨ seáyí̵ naŋí̵ wiipaxoxɨ imóní̵ɨrɨxɨnɨ.” urɨŋí̵ nánɨrɨnɨ.

20 Aŋí̵ xwe' wiwámɨ sɨxí̵ xɨxegí̵nɨ wenɨ. Sɨxí̵ awiaxí̵ sí̵ŋá gorí̵ tí̵nɨranɨ, sí̵ŋá sirɨpá tí̵nɨranɨ, imɨxɨnɨŋí̵pɨnɨ mɨwenɨnɨ. U'rapí sɨxí̵ íkí̵á tí̵nɨranɨ, xwí̵á tí̵nɨranɨ, imɨxɨnɨŋí̵pɨ enɨ wí wenɨ. Wínɨyí̵ ayá tí̵nɨ mearɨgí̵ápɨrɨnɨ. Wínɨyí̵ ayá tí̵nɨ mɨmearɨgí̵ápɨrɨnɨ. 21 Ayɨnánɨ ámá gɨyí̵ gɨyí̵ sɨpí apɨ nɨpɨnɨ nánɨ igí̵ánɨŋí̵ eánɨgí̵áyí̵, ayí̵ ámá Gorɨxomɨ seáyí̵ naŋí̵ wiipaxí̵yí̵rɨnɨ. Sɨxí̵ ayá tí̵nɨ mearɨgí̵áwánɨŋí̵ imónɨŋoɨ. Xí̵o “Awá tí̵nɨ e e'ɨmɨgɨnɨ.” wimónarɨŋí̵pɨ nánɨ rárɨŋí̵ imónɨŋí̵wánɨŋí̵ imónɨŋoɨ. Sɨxí̵ rɨxa dɨŋí̵ peyeaŋí̵wá yapɨ mimóní̵ aŋí̵ xiáwo sɨnɨ awá tí̵nɨ aiwá rí̵á yeaanɨpaxí̵ imónɨŋwá yapɨ imónɨŋoɨ. Sɨxí̵ pí pí naŋí̵ imónɨŋí̵pɨ nerí̵ná meámí̵ánɨrɨ wí e píránɨŋí̵ nimɨxɨnɨro weŋí̵wá yapɨ imónɨŋoɨ. 22 Ayɨnánɨ íwí̵ sɨkɨŋoyí̵ne' í̵eapá seainí̵í̵pɨ pí̵rí̵ nɨwiaíkiárɨmɨ e'í̵ u'ɨrɨxɨnɨ. “We' rónɨŋí̵ imónɨŋí̵pimɨnɨ oiponɨmɨnɨ.” yaiwirɨ “Xwɨyí̵á nepaxɨŋí̵ imónɨŋí̵pimɨ dɨŋí̵ nɨkwí̵róa oumɨnɨ.” yaiwirɨ “Ámáyo dɨŋí̵ sɨpí owimɨnɨ.” yaiwirɨ “Ámá tí̵nɨ pɨyí̵á owí̵rɨnaneyɨ.” yaiwirɨ nerɨ ámá íkwɨráí̵nánɨŋí̵ imónɨgí̵ápimɨ dánɨ Ámɨnáo arɨrá oneainɨrɨ urarɨgí̵áyí̵ tí̵nɨ nawínɨ xɨxenɨ e e'í̵rɨxɨnɨ.

“Xwɨyí̵á ikweakwí̵mí̵ rarɨgí̵ápɨ arí̵á mɨwí píránɨŋí̵ we' uróɨrɨxɨnɨ.” urɨŋí̵ nánɨrɨnɨ.

23 E nerɨ aí xwɨyí̵á majɨmají̵á nikárɨnɨro dɨŋí̵ rí̵á nɨxeyánɨmáná ikweakwí̵mí̵ rɨnarɨgí̵ápɨ bɨ xe onɨxí̵meanɨnɨrɨ sɨŋwí̵ mɨwɨnɨpa e'ɨrɨxɨnɨ. Joxɨ nɨjí̵árɨnɨ. Xwɨyí̵á apɨ nɨrɨnɨróná sa xɨmɨxɨmí̵nɨ ninɨro rɨnarɨgí̵á eŋagɨ nánɨ rarɨŋɨnɨ. 24 Ámɨnáoyá xɨnáínɨŋí̵ nimónɨrɨ omɨŋí̵ wiiarɨgí̵á gɨyí̵ gɨyí̵ xwɨyí̵á xɨmɨxɨmí̵ ninɨro mɨrɨpa e'í̵rɨxɨnɨ. E mepa nero ámá ní̵nɨ nánɨ wá wumɨxɨro píránɨŋí̵ ure'wapɨyipaxí̵ imónɨro “Sɨpí ámá ayí̵ nikárí̵ápɨ ananɨrɨnɨ.” yaiwiro e'í̵rɨxɨnɨ. 25 Ure'wapɨyarí̵ná maŋí̵ pí̵rí̵ wiaíkímí̵ yarɨgí̵áyo awayinɨ xwɨyí̵á nurɨro píránɨŋí̵ we' uroanɨro e'í̵rɨxɨnɨ. Ayí̵ “Xwɨyí̵á nepaxɨŋí̵ imónɨŋí̵pɨ, ayí̵ apɨrí̵anɨ?” nɨyaiwiro xɨxenɨ e waropárí̵ epí̵rí̵a nánɨ xámɨ imónɨgí̵ápɨ Gorɨxoyá dɨŋí̵ tí̵nɨ rí̵wí̵mɨnɨ mamóí̵rɨxɨnɨrɨ awayinɨ xwɨyí̵á nurɨro píránɨŋí̵ we' uróí̵rɨxɨnɨ. 26 Ámá ayí̵ ámɨ dɨŋí̵ í̵á nɨxɨrɨro awí obo —O xí̵o wimónarɨŋí̵pɨ oe'poyɨnɨrɨ yapí̵ wíwapɨyiŋorɨnɨ. O awí ŋweaŋí̵ maŋí̵ umóní̵ápimɨ dánɨ ayí̵ nurakínárɨmɨ u'í̵rɨxɨnɨrɨ awayinɨ xwɨyí̵á nurɨro píránɨŋí̵ we' uróí̵rɨxɨnɨ.

Copyright information for AAK