Acts 1

Tiopirasoxɨnɨ, rí̵wamɨŋí̵ nionɨ xámɨ nɨrɨrɨ eaŋápɨ, ayí̵ Jisaso iwamí̵ó erɨ wíwapɨyirɨ eŋí̵pɨ tí̵ŋí̵ e dánɨ sí̵á xegí̵ wáí̵ wurɨmeiarɨgí̵áwamɨ —Awa xí̵o rí̵peaŋowarɨnɨ. Awamɨ Gorɨxoyá kwíyí̵yo dánɨ sekaxí̵ nurɨmáná xí̵o aŋí̵namɨ nánɨ peyiŋí̵yi tí̵ŋí̵ e nánɨ nɨrɨrɨ eaŋárɨnɨ. O rí̵nɨŋí̵ nɨmearɨ nɨperɨ nɨwiápí̵nɨmeámáná sí̵á 40 nóra warí̵ná awa “O ámɨ sɨŋí̵ rí̵a ŋweanɨ?” oyaiwípoyɨnɨrɨ ámɨ ámɨ sɨwá winayirɨ Gorɨxo ámá xí̵oyáyí̵ xwioxí̵yo mɨmeámí̵ nerɨ umeŋweaní̵ápɨ nánɨ ure'wapɨyirɨ nerí̵ná awa sɨnɨ ududí̵ me' “Ayí̵ orí̵anɨ?” nɨyaiwiro nɨwipɨmónɨmáná eŋáná re eŋɨnigɨnɨ. Awamɨ awí neaárɨmáná sekaxí̵ re urɨŋɨnigɨnɨ, “Ápo ‘Nɨseaiapɨmí̵árɨnɨ.’ searɨŋí̵pɨ —Apɨ, ayí̵ nionɨ searáná soyí̵ne' arí̵á niarɨgí̵ápɨrɨnɨ. Apɨ sɨnɨ mɨseaímeapa eŋáná aŋí̵ Jerusaremɨ tí̵yo dánɨ nɨwárɨmɨ mupa nero apɨ nánɨ wenɨŋí̵ nero ŋweáí̵rɨxɨnɨ. Ayí̵ rɨpɨ nánɨrɨnɨ. Jono wayí̵ nɨseameairí̵ná iniɨgí̵ tí̵nɨ seameaiŋí̵ aiwɨ sɨnɨ sí̵á obaxí̵ mórɨpa eŋáná Gorɨxo xí̵oyá kwíyí̵ tí̵nɨ wayí̵ seameainí̵árɨnɨ.” urɨŋɨnigɨnɨ.

Jisaso aŋí̵namɨ peyiŋí̵ nánɨrɨnɨ.

Awa rɨxa awí neánɨmáná omɨ yarɨŋí̵ re wigí̵awixɨnɨ, “Ámɨnáoxɨnɨ, eŋíná negí̵ wa mɨxí̵ ináyí̵ nimónɨro negí̵ neárí̵awe'yo umeŋweaagí̵ápa ríná dánɨ joxɨ enɨ axí̵pɨ mɨxí̵ ináyí̵ nimónɨrɨ Isɨrerene xwioxí̵yo mɨmeámí̵ nɨneairɨ neameŋwearí̵áranɨ?” Yarɨŋí̵ e wíagí̵a o re urɨŋɨnigɨnɨ, “Sí̵á seyí̵ne' yarɨŋí̵ niarɨgí̵ápɨ nánɨ parɨmoní̵áyi —Ayi ápo Gorɨxo xí̵o xegí̵ ne'ní̵ tí̵ŋo nimónɨrɨŋí̵pimɨ dánɨ nɨrɨrɨ tagí̵yirɨnɨ. Ayi nánɨ seyí̵ne' nɨjí̵á imónɨpí̵rɨ mimónɨŋagɨ nánɨ áwaŋí̵ searɨmɨme'ɨnɨ. E nerɨ aiwɨ rɨpɨ nánɨ nɨjí̵á imónɨpí̵rɨ nánɨ áwaŋí̵ searɨmí̵ɨnɨ. Kwíyí̵ oyápɨ nɨseaímearɨ eŋí̵ sɨxí̵ seaímɨxáná soyí̵ne' nionɨ seaímeaŋá mí̵koyí̵ne' nimónɨro ámá Jerusaremɨ ŋweagí̵áyo áwaŋí̵ urɨmero ámá Judia pɨropenɨsí̵yo tí̵nɨ Samaria pɨropenɨsí̵yo tí̵nɨ amɨ amɨ ŋweagí̵áyo urɨmero ámá xwí̵á yoparí̵ ɨkwí̵rónɨŋí̵mɨ ŋweagí̵áyo aí urɨmero e'í̵rɨxɨnɨ.” E nurárɨmáná awa sɨnɨ sɨŋwí̵ wɨnarí̵ná o Gorɨxoyá dɨŋí̵ tí̵nɨ nɨpeyirɨ wigí̵ sɨŋwí̵ anɨgí̵e dánɨ agwí̵ bimɨ aínɨŋɨnigɨnɨ. 10 Nɨpeyirɨ agwí̵ bimɨ aínáná awa sɨnɨ aŋí̵namɨ sɨŋwí̵ anánɨŋáná re eŋɨnigɨnɨ. Ámá rapɨrapí̵ apí̵á weŋí̵ yínɨgí̵íwau' awa tí̵ŋí̵ e nɨrónapɨri 11 re urɨgí̵isixɨnɨ, “Gariri pɨropenɨsí̵yo dáŋoyí̵ne', pí nánɨ re e'í̵ nɨrómáná aŋí̵namɨ wenɨŋí̵ yánɨŋoɨ? Ámá o, Jisasoyɨ rɨnɨŋo seyí̵ne' tí̵e dánɨ Gorɨxoyá dɨŋí̵ tí̵nɨ aŋí̵namɨ nánɨ rɨxa nɨpeyirɨ aí soyí̵ne' sɨŋwí̵ wɨnarí̵ná peyíí̵pa ámɨ axí̵pɨ wepí̵nɨní̵árɨnɨ.” urɨgí̵isixɨnɨ.

Ámá womɨ Judaso nánɨ wayí̵á urí̵peagí̵á nánɨrɨnɨ.

12 Awa dí̵wí̵ Oripiyɨ rɨnɨŋí̵pimɨ —Apɨ Jerusaremɨ dánɨ aŋwɨ e eŋí̵pɨrɨnɨ. Sabarí̵áyo Judayí̵ ná jí̵amɨ mupa nero aí Jerusaremɨ dánɨ dí̵wí̵ mɨŋí̵ apɨ tí̵ŋí̵ e nánɨ ananɨ wagí̵ápɨrɨnɨ. Apimɨ pí̵nɨ nɨwiárɨmɨ nuro 13 rɨxa Jerusaremɨ nɨre'moro aŋí̵ pákí̵kí̵ seáyɨ e'mɨ mɨrɨnɨŋiwámɨ —Iwá awa sá wearɨgí̵iwárɨnɨ. Iwámɨ nánɨ waíwí̵yo nɨpeyiro páwigí̵awixɨnɨ. Awa wigí̵ yoí̵ rowarɨnɨ. Pitao tí̵nɨ Jono tí̵nɨ Jemiso tí̵nɨ Adɨruo tí̵nɨ Piripo tí̵nɨ Tomaso tí̵nɨ Batoromuo tí̵nɨ Matɨyuo tí̵nɨ Arɨpiasomɨ xewaxo Jemiso tí̵nɨ Saimonɨ Sereto tí̵nɨ Jemisomɨ xewaxo Judaso tí̵nɨ awarɨnɨ. 14 Ámá awa dɨŋí̵ ná bɨnɨ tí̵gí̵áwa nimónɨro ámá wí ámɨ tɨyí̵ enɨ apɨxí̵ wíwa tí̵nɨ Jisasomɨ xɨnáí Mariaí tí̵nɨ Jisasomɨ xexɨrí̵meáowa tí̵nɨ enɨ awa tí̵nɨ nawínɨ awí neánayiro anɨŋí̵ miní̵ Gorɨxomɨ xwɨyí̵á rɨrɨmí̵ wiayarí̵ná 15 sí̵á wɨyi ámá awí eání̵áyí̵ ní̵nɨ ámá 120 eŋáná Pitao áwɨnɨmɨ e'í̵ nɨrómáná re urɨŋɨnigɨnɨ, 16 “Gí̵ nɨrɨxí̵meáyí̵ne', eŋíná mɨxí̵ ináyí̵ Depito kwíyí̵ Gorɨxoyápimɨ dánɨ Judaso nánɨ —O ámá ‘Jisasomɨ í̵á oxɨraneyɨ.’ yaiwíí̵áyo o tí̵ŋí̵ e nánɨ nipemeámɨ uŋorɨnɨ. O nánɨ nɨrɨrɨ Bɨkwí̵yo eaŋí̵pɨ surí̵má imónɨpaxí̵ mimónɨŋagɨ nánɨ amɨpí Judaso eŋí̵pɨ ayɨnánɨ xɨxenɨ imónɨŋí̵rɨnɨ. 17 O none tí̵nɨ nemerane yaní̵wá nánɨ urí̵peaŋí̵ eŋagɨ nánɨ o enɨ nearí̵peaŋí̵yí̵ worɨnɨ. 18 (O sɨpí wikárɨŋí̵pimɨ dánɨ nɨgwí̵ meaŋí̵pɨ tí̵nɨ xwí̵á bɨ bí̵ nemáná e dánɨ ná neánɨrí̵ná xegí̵ agwí̵yo áwɨnɨmɨ narí̵kínɨrɨ agwí̵ amɨpí nɨpɨnɨ mɨxeánowiŋɨnigɨnɨ. 19 Jerusaremɨ ŋweagí̵áyí̵ ní̵nɨ o e iní̵í̵ nánɨ arí̵á nɨwiro nánɨ wigí̵ pí̵ne' tí̵nɨ xwí̵á apɨ yoí̵ Akerɨdamayɨ —Yoí̵ mí̵kí̵ ayí̵ ámá nɨperɨ ragí̵ xwí̵áyo puŋí̵ nánɨrɨnɨ. Yoí̵ e wí̵rɨgí̵árɨnɨ.) 20 “Xwɨyí̵á rɨpɨ Bɨkwí̵ Samɨyɨ rɨnɨŋí̵yo nɨrɨnɨrɨ eánɨŋagɨ nánɨ Judaso xí̵o eŋí̵pɨ eŋí̵rɨnɨ, ‘Aŋí̵ oyá yí̵wí̵ imóní̵wɨnɨgɨnɨ. Ámá wí e mɨŋweapa e'í̵rɨxɨnɨ.’ Xwɨyí̵á apɨ surí̵má imónɨpaxí̵ mimónɨŋagɨ nánɨ amɨpí Judaso eŋí̵pɨ xɨxenɨ imónɨŋí̵rɨnɨ. Xwɨyí̵á ámɨ bɨ rɨpɨ Bɨkwí̵ axí̵yo enɨ nɨrɨnɨrɨ eánɨnɨ, ‘O e nimónɨrɨ e'wɨnɨgɨnɨrɨ rí̵peaŋí̵pɨ ámá wo xe nimónɨrɨ e'wɨnɨgɨnɨ.’ eánɨŋagɨ nánɨ 21 noneyá wo anɨpá imónɨŋáná ‘Ayí̵ ananɨrɨnɨ.’ rɨpaxí̵ menɨnɨ. Ayɨnánɨ ámá none Jisaso tí̵nɨ emearí̵ná íníná nawínɨ wagwáyí̵ wo none tí̵nɨ nawínɨ Jisaso wiápí̵nɨmeaŋí̵pɨ nánɨ áwaŋí̵ uraní̵wá nánɨ aga orí̵peaaneyɨ. Ámá iwamí̵ó Jono wayí̵ nɨneameaia wage dánɨ Jisaso xegí̵ xanoyá dɨŋí̵ tí̵nɨ aŋí̵namɨ nánɨ peyiŋe nánɨ o tí̵nɨ emeagwáyí̵ wo nánɨ rarɨŋɨnɨ.” Pitao e urí̵agɨ 23 ayí̵ ámá wau' nánɨ —Wí̵o Josepɨ Basabasoyɨ rɨnɨŋorɨnɨ. Oyá yoí̵ ámɨ bɨ Jasɨtasorɨnɨ. Wí̵o Mataiasorɨnɨ. Awau' nánɨ re rɨnɨgí̵awixɨnɨ, “Ámá rowau' ananɨ womɨ Judaso nánɨ wayí̵á rí̵peapaxowau'rɨnɨ.” nɨrɨnɨro 24 Gorɨxomɨ yarɨŋí̵ nɨwiro re urɨgí̵awixɨnɨ, “Ámɨnáoxɨnɨ, joxɨ ámá ní̵nɨ wigí̵ xwioxí̵yo sɨpí tí̵nɨ naŋí̵ tí̵nɨ nánɨ imónɨŋí̵pɨ nɨjí̵oxɨ eŋagɨ nánɨ ámá awau' gí̵mɨnɨ go joxɨ simóní̵agɨ rí̵peáo sɨwá neaiɨ. 25 Jisaso awa wáí̵ nurɨmeíí̵rɨxɨnɨrɨ nearí̵peáagɨ aí Judaso xí̵o ‘Anɨŋí̵ apɨ oimónɨmɨnɨ.’ mɨwimóní̵ pí̵nɨ nɨwiárɨrɨ xegí̵ ‘Oumɨnɨ.’ wimónarɨŋí̵mɨnɨ rɨxa u'í̵ eŋagɨ nánɨ joxɨ o nánɨ wayí̵á oimónɨrɨ sɨŋí̵ rí̵peáo sɨwá neaiɨ.” Yarɨŋí̵ e nɨwimáná 26 Judayí̵ wigí̵ yarɨgí̵ápa neróná “Rowau' gí̵mɨnɨ go xɨxenɨ ayo imónɨrí̵enɨŋoɨ?” nɨyaiwiro sáru'nɨŋí̵ nero Mataiasomɨ wáí̵ wurɨmeiarɨgí̵á we' wu'kau' sɨkwí̵ wo awa tí̵nɨ axí̵pɨ imónɨnɨ nánɨ sɨŋomɨ kumɨxárɨgí̵awixɨnɨ.

Copyright information for AAK