Galatians 1

Poronɨ —Nionɨ Kiraisoyá wáí̵ wurɨmeiarɨŋá wonɨrɨnɨ. Ámá wí Gorɨxo nánɨ wáí̵ wurɨmeíwɨnɨgɨnɨrɨ nɨrowáre'napɨgí̵ámanɨ. Wí Gorɨxoyá wáí̵ wurɨmeiarɨgí̵á wo imóní̵wɨnɨgɨnɨrɨ nɨrí̵peagí̵ámanɨ. Ápo Gorɨxo —O Jisasɨ Kiraiso xwárɨpáyo dánɨ owiápí̵nɨmeanɨrɨ sɨŋí̵ wimɨxɨŋorɨnɨ. O tí̵nɨ Kiraiso tí̵nɨ awau' nɨrí̵peagí̵íonɨrɨnɨ. Nionɨ tí̵nɨ negí̵ nɨrɨxí̵meá re ŋweagí̵á ní̵nɨ tí̵nɨ Gorɨxoyá sɨyikí̵ imónɨgí̵á Garesia pɨropenɨsí̵yo aŋí̵ bɨ bimɨ ŋweagí̵áyí̵ne' nánɨ payí̵ rɨna nearɨ mónaparɨŋwiɨ. “Negí̵ ápo Gorɨxo tí̵nɨ negí̵ Ámɨná Jisasɨ Kiraiso tí̵nɨ wá seawianɨri seyí̵ne' nɨwayɨrónɨro ŋweapí̵rɨ nánɨ seaimɨxɨri oe'piyɨ.” nimónarɨnɨ. Kiraiso nene ámá Gorɨxomɨ mɨxí̵darɨgí̵áyí̵ yarɨgí̵ápa mepa yaní̵wá nánɨ uyí̵nií̵ yarɨgí̵á ríná dánɨ gwí̵nɨŋí̵ neaíkweanɨ nánɨ eŋɨnigɨnɨ. E nerí̵ná negí̵ ápo Gorɨxo “E e'wɨnɨgɨnɨ.” yaiwiŋí̵pɨ tí̵nɨ xɨxenɨ nerɨ nene í̵wí̵ yarɨŋwápɨ yokwarɨmí̵ neaiimɨnɨrɨ nánɨ yoxáí̵pámɨ xe onɨpɨkípoyɨnɨrɨ eŋɨnigɨnɨ. Ayɨnánɨ íníná Gorɨxomɨ yayí̵ nume'ra u'wanɨgɨnɨ. E e'wanɨgɨnɨ.

“Xwɨyí̵á yayí̵ neainarɨŋí̵pɨ ná bɨnɨ imónɨnɨ.” urɨŋí̵ nánɨrɨnɨ.

Nionɨ seyí̵ne' yarɨgí̵ápɨ nánɨ ududí̵ xwe' ninarɨnɨ. Seyí̵ne' sɨnɨ me' Kiraiso wá nɨseawianɨrɨ seaiiŋí̵pimɨ dánɨ Gorɨxonɨyá oimóní̵poyɨnɨrɨ we'yo í̵á seaumɨrɨŋomɨ nɨwiepɨsamoárɨmɨ nuro mimóní̵ xwɨyí̵á yayí̵ neainarɨŋí̵ bimɨ oxí̵daneyɨnɨro yarɨŋagí̵a nánɨ ududí̵ xwe' ninarɨnɨ. Apɨ nepa xwɨyí̵á yayí̵ neainɨpaxí̵ bɨmanɨ. Ámá wí seyí̵ne' ayá nɨsearemoro xwɨyí̵á Kiraiso nánɨ yayí̵ neainɨpaxí̵ imónɨŋí̵pɨ naíroayirɨ ikɨxeanɨro yarɨŋagí̵a nánɨ rarɨŋɨnɨ. Ámáone aíranɨ, aŋí̵nají̵ wo aíranɨ, xwɨyí̵á yayí̵ neainarɨŋí̵ nionɨ xámɨ wáí̵ nɨsearɨrí̵ná searárɨŋápɨ tí̵nɨ xɨxenɨ mɨsearí̵ xegí̵ bɨ nɨsearɨrí̵náyí̵, xe roapɨkíní̵wanɨgɨnɨ. Nɨsearɨrí̵ná rɨxa e searárɨŋwá aiwɨ ámɨ axí̵pɨ bɨ osearɨmɨnɨ. Gɨyí̵ gɨyí̵ xwɨyí̵á yayí̵ neainarɨŋí̵ nionɨ wáí̵ seararí̵ná arí̵á nigí̵ápɨ tí̵nɨ xɨxenɨ mɨsearí̵ xegí̵ bɨ nɨsearɨrí̵náyí̵, xe roapɨkíní̵í̵rɨxɨnɨ. 10 “Poro ámá ní̵nɨ xí̵o yarɨŋí̵pɨ nánɨ yayí̵ owinɨrɨ rarɨnɨ.” rɨseaimónarɨnɨ? Oweoɨ, ámá marí̵áɨ, Gorɨxonɨ nionɨ yarɨŋápɨ nánɨ yayí̵ owinɨrɨ yarɨŋɨnɨ. “Poro ámá sírogwí̵ tí̵ŋáonɨ oimónɨmɨnɨrɨ yarɨnɨ.” rɨseaimónarɨnɨ? Nionɨ ámá sírogwí̵ tí̵ŋáonɨ oimónɨmɨnɨrɨ nerɨ sɨŋwɨrɨyí̵, Kiraisoyá xɨnáíní̵nɨŋí̵ nimónɨrɨ omɨŋí̵ wiiarɨŋáonɨ imónɨmɨnɨrɨ eŋámanɨ.

“Xwɨyí̵á nionɨ wáí̵ searárɨŋápɨ Gorɨxo wí̵á nókímɨxɨŋí̵rɨnɨ.” urɨŋí̵ nánɨrɨnɨ.

11 Nɨrɨxí̵meáyí̵ne', xɨxenɨ imónɨŋí̵ rɨpɨ osearɨmɨnɨ. Xwɨyí̵á yayí̵ neainarɨŋí̵ nionɨ wáí̵ searɨŋápɨ ámá wí e'rowiápí̵nɨgí̵ápɨmanɨ. 12 Ámá wo rarɨŋagɨ arí̵á wiŋápɨmanɨ. Ámá wo nɨre'wapɨyiŋí̵pɨmanɨ. Oweoɨ, sa Jisasɨ Kiraiso xewanɨŋo wí̵á nókímɨxɨŋí̵pɨrɨnɨ. 13 “Gí̵ Judayí̵ Gorɨxomɨ píránɨŋí̵ oxí̵daneyɨnɨro yarɨgí̵ápa nionɨ eŋíná nerí̵ná yagápɨ nánɨ seyí̵ne' rɨxa arí̵á wigí̵awixɨnɨ.” nimónarɨnɨ. Gorɨxoyá sɨyikí̵ iwamí̵ó imónɨgí̵áyo xeanɨŋí̵ rí̵á tí̵ŋí̵ nɨwikárɨrɨ anɨpá imɨxárí̵ɨmɨgɨnɨrɨ yagárɨnɨ. 14 Gí̵ arí̵owa e'rowiápí̵nɨgí̵ápɨ oxí̵dɨmɨnɨrɨ nerí̵ná gí̵ nɨrɨkwí̵ wa nionɨ tí̵nɨ xɨxenɨ imónagí̵ámanɨ. Nionɨ gí̵ arí̵owa ne'rowiápí̵nɨro nɨneaíwapɨya bɨgí̵ápɨ oxí̵dɨmɨnɨrɨ ayá rí̵á nɨweagí̵ eŋagɨ nánɨ nionɨ tí̵nɨ xɨxenɨ imónagí̵ámanɨ. 15 Nionɨ e yagáonɨ aiwɨ Gorɨxo —O gí̵ inókí sɨnɨ mɨnɨxɨrí̵ eŋáná wá nɨnɨwianɨrɨŋí̵pimɨ dánɨ xí̵oyáonɨ oimónɨrɨ nánɨ we'yo í̵á numɨrɨŋorɨnɨ. O Poro gí̵ íwo nánɨ e'máyo wáí̵ nurɨmeíwɨnɨgɨnɨrɨ nɨwimónɨrɨ o nánɨ wí̵á nókímɨxɨŋíná axíná nurɨ wí̵á nókímɨxí̵í̵pɨ nánɨ ámá wí tí̵nɨ xwɨyí̵á bɨ mɨrɨnɨŋwanigɨnɨ. 17 Wáí̵ wurɨmeipí̵rí̵a nánɨ xámɨ nimónɨgí̵áwa Jerusaremɨ ŋweagí̵e nánɨ wí muŋanigɨnɨ. Sa Arebiayí̵yá aŋí̵yómɨnɨ nurɨ e dánɨ ámɨ aŋí̵ Damasɨkasɨyɨ rɨnɨŋí̵pimɨ nánɨ uŋanigɨnɨ. 18 E nemonɨ xwiogwí̵ rɨxa wau' wo pwe'áná “Pitao tí̵nɨ xwɨyí̵á ŋweáɨmɨgɨnɨ.” nɨyaiwirɨ Jerusaremɨ nánɨ nurɨ o tí̵nɨ nɨŋwearí̵ná sí̵á we' wu'kau' sɨkwí̵ wu' yeamu'roarí̵ná 19 wáí̵ wurɨmeiarɨgí̵á wí̵amɨ sɨŋwí̵ mɨwɨnɨpa ne'ra numáná aí Jemiso, Ámɨnáomɨ xogwáomɨnɨ sɨŋwí̵ wɨnɨŋanigɨnɨ. 20 Xwɨyí̵á agwɨ nionɨ nearɨ wí̵re'naparɨŋápɨ Gorɨxoyá sɨŋwí̵ tí̵ŋí̵ e dánɨ “Yapí̵ bɨ mɨrarɨŋɨnɨ.” nɨsearɨrɨ eaarɨŋɨnɨ. 21 Pitao tí̵nɨ xwɨyí̵á nɨŋweámonɨ ámɨ aŋí̵ Siria pɨropenɨsí̵yo tí̵nɨ aŋí̵ Sirisia pɨropenɨsí̵yo tí̵nɨ nikwí̵rónɨga uŋí̵pɨ tí̵ŋí̵ e nánɨ uŋanigɨnɨ. 22 Nionɨ e eŋá eŋagɨ nánɨ íná Kiraisoyá sɨyikí̵ imónɨgí̵á Judia pɨropenɨsí̵yo aŋí̵ apɨ apimɨ ŋweagí̵áyí̵ nionɨ sɨnɨ sɨŋwí̵ mɨnanɨgí̵á eŋagɨ nánɨ sí̵mɨmaŋí̵ mí mɨnómɨxɨpaxí̵ nimónɨro 23 wigí̵ wínɨyí̵ sa xwɨyí̵á rɨpɨ rɨnarɨŋagí̵a arí̵á wiayigí̵awixɨnɨ, “Nene xámɨ xeanɨŋí̵ rí̵á tí̵ŋí̵ neaikárɨŋo sɨnɨ axí̵pɨ e me' rɨxa xwɨyí̵á nene dɨŋí̵ wɨkwí̵roarɨŋwá xwɨrí̵á oikɨxe'mɨnɨrɨ eŋí̵pɨ wáí̵ rɨmearɨnɨ.” rɨnarɨŋagí̵a arí̵á nɨwiayiro 24 “Ayí̵ Gorɨxo omɨ wie'móagɨ nánɨ rí̵a e yarɨnɨ?” nɨyaiwiro nánɨ yayí̵ umegí̵awixɨnɨ.

Copyright information for AAK