Hebrews 6

Ayɨnánɨ, nene xwɨyí̵á Kiraiso nánɨ sɨrɨmɨŋí̵ imónɨŋí̵pɨnɨ anɨŋí̵ miní̵ mɨrɨnɨpa oyaneyɨ. Íníná ámɨ ámɨ xwɨyí̵á sɨrɨmɨŋí̵ imónɨŋí̵ rɨpɨ rɨpɨ nɨtɨwayɨrorɨ mɨrɨnɨpa oyaneyɨ. Xwɨyí̵á negí̵ í̵wí̵ amɨpí ne'ra nurí̵ná aní̵nɨmɨxɨnanɨrane yarɨŋwápɨ aga rí̵wí̵mɨnɨ nɨmamopaxí̵pɨranɨ, xwɨyí̵á Gorɨxomɨ aga dɨŋí̵ nɨwɨkwí̵ropaxí̵pɨranɨ, xwɨyí̵á igí̵á xɨxegí̵nɨ eánarɨŋwápɨranɨ, Gorɨxo naŋí̵ owimɨxɨnɨrɨ we' seáyɨ e wikwiárarɨŋwápɨranɨ, ámá pegí̵áyí̵ ámɨ wiápí̵nɨmeapí̵rí̵ápɨranɨ, Gorɨxo ámáyo mí ómómɨxɨmí̵ nerɨ xwɨyí̵á umeáráná anɨŋí̵ ŋweapí̵rí̵ápɨranɨ, xwɨyí̵á apɨ apɨ ámɨ nɨtɨwayɨrorɨ me'wapí̵nɨpa oyaneyɨ. Sa xwɨyí̵á Gorɨxoyá ámá arí̵á nɨwirɨŋí̵pimɨ dánɨ yóí̵ imónɨpaxí̵pɨ e'wapí̵nanɨ nánɨ oxí̵meaaneyɨ. Gorɨxo apɨ xe oe'poyɨnɨrɨ sɨŋwí̵ nɨneanɨrí̵náyí̵, ananɨ yaní̵wɨnɨ.

Ayí̵ rɨpɨ nánɨ “Xwɨyí̵á xámɨ nɨtɨwayɨrorane e'wapí̵nɨŋwápɨ pí̵nɨ nɨwiárɨrane xwɨyí̵á yóí̵ imónaní̵wá nánɨ imónɨŋí̵pɨ oxí̵meaaneyɨ.” seararɨŋɨnɨ. Ámá Gorɨxo xewanɨŋo nánɨ “E imónɨŋorí̵anɨ?” oyaiwípoyɨnɨrɨ rɨxa wí̵á wókímɨxɨrɨ ámá aiwá gí̵gí̵ nerí̵ná nɨjí̵á awí̵í yarɨŋí̵ imónɨŋí̵pɨ nánɨ imónarɨgí̵ápa axí̵pí̵nɨŋí̵ e nero aŋí̵namɨ dánɨ Gorɨxo neaiapɨŋí̵pɨ nánɨ nɨjí̵á imónɨro kwíyí̵ oyápɨ ámá wíyo tí̵nɨ nawínɨ waínɨrɨ ámá aiwá awí̵í imónɨŋí̵pɨ gí̵gí̵ nerí̵ná “Naŋí̵ imónɨnɨ.” yaiwiarɨgí̵ápa xwɨyí̵á Gorɨxoyápɨ tí̵nɨ eŋí̵ eánɨŋí̵ o yeáyí̵ nɨneayimɨxemearɨ neameŋweaní̵íná imónɨŋí̵pɨ tí̵nɨ axí̵pɨ gí̵gí̵nɨŋí̵ nerí̵ná “Naŋí̵ imónɨnɨ.” yaiwiro ne'í̵asáná dɨŋí̵ wɨkwí̵roarɨgí̵ápɨ rí̵wí̵mɨnɨ nɨmamorí̵náyí̵, ayí̵ Gorɨxomɨ xewaxomɨ ikayí̵wí̵ oumearí̵poyɨnɨrɨ ámɨ yoxáí̵pámí̵nɨŋí̵ yekwɨroárarɨŋagí̵a nánɨ ámɨ xwɨyí̵á kɨnɨmóní̵í̵rɨxɨnɨrɨ urɨpaxí̵ imónɨŋí̵pɨ bɨ menɨnɨ. Ayí̵ rɨpɨ nánɨ seararɨŋɨnɨ. Xwí̵á iniá ámɨ ámɨ nearɨ aínáná ámá aiwá omɨŋí̵ ɨwí̵á urí̵áyí̵ nánɨ aiwá naŋí̵ yaparɨŋí̵pɨ, ayí̵ Gorɨxo aiwá naŋí̵ oyapɨnɨrɨ xwɨyí̵á tí̵nɨ píránɨŋí̵ imɨxarɨŋí̵pɨrɨnɨ. E nerɨ aí xwí̵á iniá ámɨ ámɨ nearɨ naínɨrɨ aiwɨ aiwá naŋí̵ mɨyapí̵ ará eŋí̵ tí̵ŋí̵nɨ kɨsónárarɨŋí̵pɨ, ayí̵ ráí̵nɨŋí̵ imónɨŋí̵pɨ eŋagɨ nánɨ Gorɨxo rɨxa nɨramɨxɨmɨnɨrɨ nánɨ imónɨrɨ árí̵á yimɨnɨrɨ nánɨ imónɨrɨ eŋí̵pɨrɨnɨ.

Dɨŋí̵ sɨxí̵ seayiŋáyí̵ne', nionɨ mɨxí̵ e nɨsearɨrɨ aiwɨ “Seyí̵ne' nionɨ mɨxí̵ searí̵ápɨ mɨyarɨŋoɨ.” nimónarɨnɨ. “Óí̵ Gorɨxo yeáyí̵ seayimɨxemeaní̵a nánɨ imónɨŋí̵yímɨnɨ xí̵darɨŋoɨ.” nimónarɨnɨ. 10 Ayí̵ rɨpɨ nánɨ seararɨŋɨnɨ. Gorɨxo xɨxenɨ mimónɨŋí̵pɨ tí̵nɨ mɨyarɨŋo eŋagɨ nánɨ amɨpí seyí̵ne' xí̵omɨ nɨxí̵dɨróná ero ámá xegí̵ imónɨgí̵áyo arɨrá wigí̵ápɨ sɨnɨ nɨwirɨŋí̵yo dánɨ sɨwá re'nɨŋí̵ winɨro “Nene Gorɨxoxɨ dɨŋí̵ sɨxí̵ rɨyiŋwɨnɨ.” sɨwá e'nɨŋí̵ winɨro yarɨgí̵ápɨ nánɨ o wí arí̵á ikeamopaxí̵ menɨnɨ. 11 Seyí̵ne' rí̵wí̵ sɨwí̵á nɨyirɨ me' ámá eŋí̵ neánɨro Gorɨxomɨ dɨŋí̵ wɨkwí̵roro “Xewanɨŋo óí̵ oneaimonɨ.” yaiwiro yarɨgí̵áyo dánɨ Gorɨxo sí̵mɨmaŋí̵yo dánɨ “Nɨsiimí̵árɨnɨ.” urɨŋí̵pɨ wímeaarɨŋí̵yo ikanɨŋí̵ wiaxí̵dɨpí̵rɨ nánɨ seyí̵ne' wiyí̵ne'nɨ wiyí̵ne'nɨ amɨpí ní̵nɨ oneaímeanɨnɨrɨ dɨŋí̵ ikwí̵moarɨgí̵ápɨ seaímeaní̵e nánɨ anɨŋí̵ miní̵ rí̵wí̵ nɨyunɨro dɨŋí̵ nikwí̵móa u'í̵rɨxɨnɨ.

“Gorɨxo rɨŋí̵pimɨ dɨŋí̵ nɨwikwí̵móa u'í̵rɨxɨnɨ.” urɨŋí̵ nánɨrɨnɨ.

13 Eŋíná Gorɨxo Ebɨrí̵amoyá sí̵mɨmaŋí̵yo dánɨ Bɨkwí̵yo nɨrɨnɨrɨ eánɨŋí̵ rɨpɨ urɨŋɨnigɨnɨ, “Nionɨ píránɨŋí̵ simɨxɨrɨ dɨxí̵ rárí̵awe'yo sayá wimɨxɨrɨ nemí̵árɨnɨ.” urɨŋɨnigɨnɨ. E sí̵ŋá wo arí̵á eŋe dání̵nɨŋí̵ nurɨrí̵ná ámá wo xí̵omɨ seáyɨ e mu'rónɨŋo arí̵á eŋe dánɨ rɨpaxí̵ meŋagɨ nánɨ xewanɨŋo nánɨ nɨrɨnɨrɨ urɨŋɨnigɨnɨ. 15 Ayɨnánɨ Ebɨrí̵amo yómɨŋí̵ nimónɨrɨ “Gorɨxo nɨrɨŋí̵pɨ xegí̵ dɨŋí̵ tí̵nɨ xe óí̵ nimówɨnɨgɨnɨ.” nɨyaiwirɨ wenɨŋí̵ nerɨ nɨŋweaŋɨsáná eŋáná wímeaŋɨnigɨnɨ. 16 Ámá “Nepa neararɨnɨ.” oyaiwípoyɨnɨrɨ nurɨróná nɨyɨmɨŋí̵ imónɨŋí̵ seáyɨ e wimónɨŋí̵ bimɨ dánɨ urarɨgí̵árɨnɨ. Ámá xwɨyí̵á xɨmɨxɨmí̵ ninɨro nɨrɨnɨróná xwɨyí̵á apɨ rí̵ápimɨ dánɨ saŋínarɨŋí̵rɨnɨ. 17 Ayɨnánɨ Gorɨxo ámá xí̵o Ebɨrí̵amomɨ sí̵mɨmaŋí̵yo dánɨ urɨŋí̵pɨ wímeaní̵áyí̵ re oyaiwípoyɨnɨrɨ, “Gorɨxo arí̵omɨ ‘Naŋí̵ e nɨseaiimí̵árɨnɨ.’ urɨŋí̵pɨ ámɨ ná rí̵wí̵yo aiwɨ xegí̵ dɨŋí̵ nɨkɨnɨmónɨrɨ kikií̵á epaxí̵manɨ.” oyaiwípoyɨnɨrɨ sí̵ŋáyo dání̵nɨŋí̵ nɨrɨrí̵ná xewanɨŋomɨ dánɨ nɨrɨnɨrɨ e urɨŋí̵pɨ nánɨ ámɨ sopɨŋí̵ wárɨŋɨnigɨnɨ. 18 Gorɨxo, yapí̵ mɨrɨpaxí̵ imónɨŋo “Sí̵mɨmaŋí̵yo dánɨ rɨrarɨŋɨnɨ.” urɨŋí̵pɨ sɨwiá imónɨpaxí̵ meŋagɨ aiwɨ ámɨ sɨwiá mimónɨpaxí̵ bɨ xewanɨŋomɨ dánɨ urɨnɨŋí̵ eŋagɨ nánɨ nene ananɨ eŋí̵ sɨxí̵ neámɨxɨnɨrɨ ŋweaŋwɨnɨ. Nene —Gorɨxo yeáyí̵ neaimɨxí̵wɨnɨgɨnɨrɨ o tí̵ámɨnɨ e'í̵ nurane sɨmaŋwí̵yónɨŋí̵ yeáyí̵ wurí̵nɨŋwae'nerɨnɨ. Nene o neaiiní̵a nánɨ dɨŋí̵ wikwí̵moarɨŋwápɨ xaíwí̵ í̵á xɨranɨ nánɨ eŋí̵ sɨxí̵ neámɨxɨnɨrɨ ŋweaŋwɨnɨ. 19 Nene dɨŋí̵ wikwí̵moarɨŋwá apimɨ dánɨ dɨŋí̵ sí̵kí̵kí̵ nomɨxɨnɨrane ŋweaŋwɨnɨ. Sí̵kí̵kí̵ onɨŋí̵wá eŋagɨ nánɨ aŋí̵ rɨdɨyowá yarɨgí̵iwámɨ awawá ŋwí̵áwámɨ rapɨrapí̵ epaŋioárɨnɨŋu'mɨ ínɨrɨwámɨní̵nɨŋí̵ ananɨ páwiarɨŋwárɨnɨ. 20 Ínɨmɨ e Jisaso rɨxa anɨŋí̵ íníná nánɨ apaxí̵pánɨŋí̵ imónɨŋí̵ xwe' Merikisedeko imónɨŋí̵pa axí̵pɨ nimónɨmáná nene arɨrá neainɨní̵a nánɨ xámɨ nɨneameáa páwiŋí̵rɨnɨ.

Copyright information for AAK