John 16

Soyí̵ne' axínánɨ dɨŋí̵ nɨnɨkwí̵roro nemáná óreámioapí̵rɨxɨnɨrɨ apɨ nɨpɨnɨ seararɨŋɨnɨ. Ayí̵ re seaipí̵rí̵árɨnɨ. Rotu' aŋí̵yo dánɨ segí̵ yoí̵ emɨ nɨseakwí̵rɨmoro aiwɨ rí̵we'ná xe nimónɨríná ámá seapɨkíí̵áyí̵ Gorɨxo wimónarɨŋí̵pɨnɨ yarɨŋwɨnɨrɨ seapɨkipí̵rí̵árɨnɨ. Ápo nánɨ nɨjí̵á píránɨŋí̵ mimónɨpa ero nionɨ nánɨ enɨ axí̵pɨ e mimónɨpa ero nero nánɨ apɨ seaipí̵rí̵árɨnɨ. Xwɨyí̵á nionɨ searí̵ápɨ, ayí̵ rɨpɨ nánɨ searí̵ɨnɨ. Xeanɨŋí̵ apɨ rɨxa nimónarí̵ná nionɨ nɨseara u'ápɨ nánɨ dɨŋí̵ mopí̵rí̵a nánɨ searí̵ɨnɨ. Apɨ nánɨ iwamí̵ó soyí̵ne' tí̵nɨ emeŋwae' dánɨ áwaŋí̵ mɨsearɨŋanigɨnɨ. Sɨnɨ soyí̵ne' tí̵nɨ nemerɨ nánɨ áwaŋí̵ mɨsearɨŋanigɨnɨ.

Kwíyí̵pɨ ení̵ápɨ nánɨ urɨŋí̵ nánɨrɨnɨ.

“Rɨxa nɨrowáre'napɨŋo tí̵ŋí̵ e nánɨ warɨŋagɨ aí soyí̵ne' woxɨ ‘Joxɨ gɨmɨ nánɨ urí̵ɨnɨ?’ mɨnɨrarɨŋoɨ. Nionɨ ‘Rɨxa numí̵ɨnɨ.’ searí̵agɨ nánɨ soyí̵ne' íkí̵nɨŋí̵ sɨpí seaiarɨnɨ. E nerɨ aí aga nepa seararɨŋɨnɨ, ‘Nionɨ soyí̵ne' tí̵nɨ anɨŋí̵ re nɨŋwearí̵ná arɨrá nɨseaipaxí̵ aiwɨ pí̵nɨ nɨseawiárɨmɨ nurí̵ná arɨrá aga seáyɨ e imónɨŋí̵pɨ seaipaxí̵rɨnɨ.’ seararɨŋɨnɨ. Ayí̵ rɨpɨ nánɨrɨnɨ. Nionɨ pí̵nɨ nɨseawiárɨmɨ mupa nerí̵náyí̵, arɨrá seainí̵omɨ —Kwíyí̵pɨ nánɨ rarɨŋɨnɨ. Omɨ murowáre'napɨpa epaxí̵rɨnɨ. Nionɨ nurí̵náyí̵, omɨ soyí̵ne' tí̵ámɨnɨ urowáre'napɨmí̵á eŋagɨ nánɨ rarɨŋɨnɨ. Kwíyí̵pɨ nɨbɨrí̵ná ámá xwí̵á tí̵yo dáŋí̵yí̵ re yaiwíí̵rɨxɨnɨrɨ, ‘Nene “Í̵wí̵pɨ, ayí̵ apɨrí̵anɨ?” moarɨŋwápɨ tí̵nɨ “We' rónɨŋí̵pɨ, ayí̵ apɨrí̵anɨ?” moarɨŋwápɨ tí̵nɨ “Gorɨxo ámáyo xwɨyí̵á numeárɨrí̵ná e winí̵árí̵anɨ?” moarɨŋwápɨ tí̵nɨ apiau' apɨ xeŋwí̵nɨ moarɨŋwárí̵anɨ?’ yaiwíí̵rɨxɨnɨrɨ wíwapɨyiní̵árɨnɨ. Ayí̵ nionɨ dɨŋí̵ mɨnɨkwí̵ropa yarɨŋagí̵a nánɨ kwíyí̵pɨ ‘Í̵wí̵pɨ, ayí̵ apɨrí̵anɨ?’ oyaiwípoyɨnɨrɨ wíwapɨyirɨ 10 nionɨ ápo tí̵ŋí̵ e nánɨ yíáná o nɨnɨmímɨnɨmáná soyí̵ne' sɨnɨ sɨŋwí̵ ámɨ wí mɨnaní̵á eŋagɨ nánɨ kwíyí̵pɨ ‘We' rónɨŋí̵pɨ, ayí̵ apɨrí̵anɨ?’ enɨ oyaiwípoyɨnɨrɨ wíwapɨyirɨ 11 Gorɨxo obo, ámá xwí̵á tí̵yo meŋweaŋomɨ rɨxa xwɨyí̵á umeárɨŋí̵ eŋagɨ nánɨ kwíyí̵pɨ ‘Gorɨxo xwɨyí̵á numeárɨrí̵ná e winí̵árɨnɨ.’ enɨ oyaiwípoyɨnɨrɨ wíwapɨyirɨ ení̵árɨnɨ.” urɨŋɨnigɨnɨ.

12 Ámɨ re urɨŋɨnigɨnɨ, “Nionɨ xwɨyí̵á xwapí̵ ámɨ bɨ tí̵nɨ ‘Osearɨmɨnɨ.’ nimónarɨŋagɨ aiwɨ agwɨ soyí̵ne' arí̵á nipaxí̵ mimónɨŋoɨ. 13 E nerɨ aiwɨ kwíyí̵ amɨpí nepaxɨŋí̵ imónɨŋí̵pɨ nánɨ rarɨŋí̵pɨ nɨbɨrí̵ná Gorɨxo nánɨ nepánɨ imónɨŋí̵pɨ ní̵nɨ seaíwapɨyiní̵árɨnɨ. Apɨ xegí̵ dɨŋí̵ tí̵nɨ wí mɨsearɨpa nerɨ ápomɨnɨ arí̵á wiarɨŋí̵pɨnɨ rɨní̵á eŋagɨ nánɨ amɨpí Gorɨxo nánɨ imónɨŋí̵pɨ xɨxenɨ seare'wapɨyiní̵árɨnɨ. Amɨpí rí̵wí̵yo imónɨní̵ápɨ nánɨ enɨ wí̵á searókiamoní̵árɨnɨ. 14 Kwíyí̵pɨ xwɨyí̵á nionɨ rarɨŋápɨ wí̵á nɨsearókiamorɨ nionɨ nánɨ nɨsearɨrɨ nánɨ nionɨ seáyɨ e nimɨxɨní̵árɨnɨ. 15 Ápo nionɨ í̵ánɨŋí̵ niepí̵xí̵niasiŋí̵ eŋagɨ nánɨ amɨpí ní̵nɨ oyá imónɨŋí̵pɨ nionɨyárɨnɨ. Ayɨnánɨ nionɨ re searí̵ɨnɨ, ‘Kwíyí̵pɨ nionɨ rarɨŋápɨ arí̵á nɨnirɨ wí̵á searókiamoní̵árɨnɨ.’ searí̵ɨnɨ.” urɨŋɨnigɨnɨ.

“Íkí̵nɨŋí̵ sɨpí nɨseaíɨsáná yayí̵ seainɨní̵árɨnɨ.” urɨŋí̵ nánɨrɨnɨ.

16 Jisaso ámɨ re urɨŋɨnigɨnɨ, “Nionɨ bɨ onɨmiápɨ soyí̵ne' tí̵nɨ nɨŋweámáná eŋáná sɨŋwí̵ nanɨpí̵rɨme'oɨ. Soyí̵ne' segí̵pɨ ámɨ bɨ onɨmiápɨ nɨŋweámáná sɨŋwí̵ nanɨpí̵rí̵árɨnɨ.” urí̵agɨ 17 wiepɨsarɨŋí̵yí̵ wa re rɨnɨgí̵awixɨnɨ, “O pí ení̵pɨ nánɨ rí̵a re áwaŋí̵ neararɨnɨ, ‘Nionɨ bɨ onɨmiápɨ nɨŋweámáná eŋáná sɨŋwí̵ nanɨpí̵rɨme'oɨ. Soyí̵ne' segí̵pɨ ámɨ bɨ onɨmiápɨ nɨŋweámáná sɨŋwí̵ nanɨpí̵rí̵árɨnɨ.’ Rɨpɨ enɨ ‘Ápo tí̵ŋí̵ e umɨnɨrɨ rarɨŋɨnɨ.’ neararɨŋí̵pɨ pí ení̵pɨ nánɨ rí̵a neararɨnɨ?” nɨrɨnɨro 18 re rɨnɨgí̵awixɨnɨ, “ ‘Bɨ onɨmiápɨyí̵ rarɨŋí̵yí̵ pí nánɨ rí̵a neararɨnɨ? None xí̵o rarɨŋí̵pɨ nánɨ nɨjí̵á mimónɨŋwɨnɨ.” rɨnarɨŋagí̵a 19 Jisaso awa yarɨŋí̵ owianeyɨnɨro wimónarɨŋagɨ nánɨ nɨjí̵á nimónɨrɨ nánɨ re urɨŋɨnigɨnɨ, “Nionɨ ‘Bɨ onɨmiápɨ nɨŋweámáná eŋáná sɨŋwí̵ nanɨpí̵rɨme'oɨ. Segí̵pɨ ámɨ bɨ onɨmiápɨ nɨŋweámáná sɨŋwí̵ nanɨpí̵rí̵árɨnɨ.’ searí̵ápɨ nánɨ yarɨŋí̵ ninɨro rɨrɨnarɨŋoɨ? 20 Aga nepa seararɨŋɨnɨ. Soyí̵ne' ámɨxí̵á nero ŋwí̵ pɨyí̵ wí̵rɨnɨpí̵rɨ aiwɨ ámá xwí̵á tí̵yo dáŋí̵yí̵ —Ayí̵ Gorɨxo tí̵nɨ xepɨxepá rónɨgí̵áyí̵rɨnɨ. Ayí̵ yayí̵ seáyɨmɨ dánɨ winɨnɨŋoɨ. Ríná soyí̵ne' íkí̵nɨŋí̵ sɨpí nɨseairɨ aiwɨ rí̵we'ná dɨŋí̵ nií̵á seainɨní̵árɨnɨ.” nurɨrɨ 21 ewayí̵ xwɨyí̵á bɨ rɨpɨ urɨŋɨnigɨnɨ, “Apɨxíwa niaíwí̵ nɨxɨrɨrí̵ná yarɨgí̵ápɨ nánɨ dɨŋí̵ mópoyɨ. Apɨxí̵ niaíwí̵ sɨŋwí̵ wanarí̵ná ‘Rɨnɨŋí̵ nɨninɨrɨ niaíwí̵ xɨrɨmɨ nánɨ rɨxa rínárí̵anɨ?’ nɨyaiwirɨ nánɨ íkí̵nɨŋí̵ sɨpí wiarɨŋí̵rɨnɨ. E nerɨ aí rí̵we'ná niaíwí̵ rɨxa nɨxɨrɨmáná niaíwí̵ xɨrí̵o nánɨ dɨŋí̵ nií̵á winarɨŋagɨ nánɨ rí̵nɨŋí̵ winí̵í̵pɨ nánɨ arí̵á ikeamoarɨŋí̵rɨnɨ. 22 Soyí̵ne' enɨ axí̵pí̵nɨŋí̵ seaimónɨnɨ. Agwɨ soyí̵ne' íkí̵nɨŋí̵ sɨpí nɨseairɨ aiwɨ nionɨ ámɨ sɨŋwí̵ seanáná xwioxí̵yo dɨŋí̵ nií̵á seainɨní̵árɨnɨ. Yayí̵ apɨ ámá wí amɨpí wí nɨseaikárɨro aí pí̵rí̵ searakipaxí̵ mimónɨŋí̵pɨ nánɨ rarɨŋɨnɨ. 23 Dɨŋí̵ yayí̵ seainí̵e dánɨ nionɨ ámɨ amɨpí bɨ nánɨ yarɨŋí̵ nipí̵rí̵ámanɨ. Aga nepa seararɨŋɨnɨ. Ápomɨ amɨpí bɨ nánɨ rɨxɨŋí̵ nurɨrí̵ná nionɨmɨ dánɨ uránáyí̵, ananɨ nɨseaiapɨní̵árɨnɨ. 24 Ínɨná dánɨ ápomɨ nionɨmɨ dánɨ rɨxɨŋí̵ murɨpa ne'ra nɨbí̵asáná aí dɨŋí̵ nií̵á seainɨní̵ápɨ bɨ onɨmiápɨ mɨseainɨpa e'wɨnɨgɨnɨrɨ omɨ ananɨ rɨxɨŋí̵ urí̵í̵rɨxɨnɨ. Rɨxɨŋí̵ uráná seaiapɨní̵árɨnɨ.” urɨŋɨnigɨnɨ.

“Nionɨ ámá Gorɨxo tí̵nɨ xepɨxepá rónɨgí̵áyo rɨxa xopɨrárí̵ wiŋárɨnɨ.” urɨŋí̵ nánɨrɨnɨ.

25 Ámɨ re urɨŋɨnigɨnɨ, “Xwɨyí̵á nionɨ nɨseara u'ápɨ ewayí̵ xwɨyí̵á tí̵nɨ nɨsearɨrɨ aiwɨ rí̵we'ná ewayí̵ xwɨyí̵á tí̵nɨ ámɨ bɨ mɨsearí̵ ápo nánɨ sɨŋánɨ áwaŋí̵ searɨmí̵áíná nimónɨní̵árɨnɨ. 26 Íná Gorɨxomɨ rɨxɨŋí̵ nurɨrí̵ná nionɨmɨ dánɨ urɨpí̵rí̵árɨnɨ. Sewanɨŋoyí̵ne' rɨxɨŋí̵ uráná ananɨ arí̵á seainí̵á eŋagɨ nánɨ ‘Íná nionɨ soyí̵ne' nánɨ ápomɨ rɨxɨŋí̵ seaurɨyimí̵árɨnɨ.’ mɨseararɨŋɨnɨ. 27 Xewanɨŋo dɨŋí̵ sɨxí̵ nɨseayirɨ nánɨ arí̵á seainí̵árɨnɨ. Soyí̵ne' nionɨ dɨŋí̵ sɨxí̵ nɨyiro ‘Ápo tí̵ŋí̵ e dánɨ bɨŋorí̵anɨ?’ niaiwiro yarɨŋagí̵a nánɨ xewanɨŋo dɨŋí̵ sɨxí̵ nɨseayirɨ nánɨ arí̵á seainí̵árɨnɨ.” nurɨrɨ 28 re urɨŋɨnigɨnɨ, “Eŋíná nionɨ ápo tí̵nɨ ŋweaagáonɨ aí o tí̵ŋí̵ e dánɨ pí̵nɨ nɨwiárɨmɨ xwí̵á tí̵yo nánɨ bɨŋárɨnɨ. Re nɨŋweaŋɨsáná xwí̵á tí̵yo pí̵nɨ nɨwiárɨmɨ ámɨ o tí̵ŋí̵ e nánɨ umí̵ɨnɨ.” urí̵agɨ 29 xegí̵ wiepɨsarɨŋowa re urɨgí̵awixɨnɨ, “Ayí̵ apɨrɨnɨ. Agwɨ joxɨ ewayí̵ xwɨyí̵á tí̵nɨ mɨneararɨŋɨnɨ. Rɨxa sɨŋánɨ áwaŋí̵ neararɨŋɨnɨ. 30 Agwɨ none dɨŋí̵ re nɨsiaiwirane nɨjí̵á imónɨŋwɨnɨ, ‘Amɨpí ní̵nɨ nánɨ nɨjí̵orí̵anɨ? Ámá yarɨŋí̵ mɨwipa e'í̵mɨ aiwɨ wigí̵ xwioxí̵yo “Yarɨŋí̵ apɨ owimɨnɨ.” yaiwiarɨgí̵ápɨ nánɨ nɨjí̵á imónɨŋorí̵anɨ?’ nɨsiaiwirane nɨjí̵á imónɨŋwɨnɨ. Ayɨnánɨ dɨŋí̵ re nɨsiaiwirane dɨŋí̵ rɨkwí̵roarɨŋwɨnɨ, ‘Joxɨ Gorɨxo tí̵ŋí̵ e dánɨ bɨŋoxɨrɨnɨ.’ rɨkwí̵roarɨŋwɨnɨ.” urí̵agí̵a 31 Jisaso re urɨŋɨnigɨnɨ, “Agwɨ soyí̵ne' dɨŋí̵ rɨnɨkwí̵roarɨŋoɨ? 32 Soyí̵ne' xí̵dí̵xí̵dowárí̵ seaíáná nionɨ nɨgí̵pɨ pí̵nɨ nɨnɨwiárɨmɨ segí̵ aŋí̵mɨ nánɨ xɨxegí̵nɨ umipí̵ríná rɨxa aŋwɨ e nerɨ rɨxa imónɨnɨ. Soyí̵ne' nionɨ pí̵nɨ nɨnɨwiárɨmɨ nu'agí̵a aí ápo dɨŋí̵ nɨkɨkayoŋagɨ nánɨ nionɨ nɨgí̵pɨ ŋweapaxí̵manɨ. 33 Soyí̵ne' ayá sí̵wí̵ mɨsearó ‘O tí̵nɨ ikárɨnɨŋwáonerí̵anɨ?’ nɨyaiwinɨro kikií̵á e'í̵rɨxɨnɨrɨ xwɨyí̵á nionɨ nɨseara bí̵ápɨ searí̵árɨnɨ. Soyí̵ne' xwí̵á tí̵yo ŋweaŋáná ámá Gorɨxo tí̵nɨ xepɨxepá rónɨgí̵áyí̵ xeanɨŋí̵ seaikárɨpí̵rí̵á eŋagɨ aiwɨ nionɨ ayo rɨxa xopɨrárí̵ wíá eŋagɨ nánɨ dɨŋí̵ sɨxí̵ nínɨro ŋweáí̵rɨxɨnɨ.” urɨŋɨnigɨnɨ.

Copyright information for AAK