Luke 15

Ewayí̵ ikaxí̵ sipɨsipí̵ aní̵á imónɨŋo nánɨrɨnɨ.

1Ámá takisí̵ nánɨ nɨgwí̵ uráparɨgí̵á —Ayí̵ e'máyí̵ gapɨmanowamɨ wipí̵rí̵a nánɨ wigí̵ Judayo nɨgwí̵ nɨwurápɨyiróná wigí̵ meapí̵rí̵a nánɨ enɨ ámɨ bɨ í̵wí̵ uráparɨgí̵áyí̵rɨnɨ. Ayí̵ tí̵nɨ í̵wí̵ yarɨgí̵á wínɨyí̵ tí̵nɨ Jisasomɨ xwɨyí̵á arí̵á wianɨro nánɨ aŋwɨ e barɨŋagí̵a 2Parisiowa tí̵nɨ ŋwí̵ ikaxí̵ eánɨŋí̵pɨ mewegí̵áwa tí̵nɨ sɨŋwí̵ e nɨwɨnɨro mepí “Iyí̵ tɨnarɨŋoɨ.” nɨrɨnɨro wigí̵pɨ re rɨnɨgí̵awixɨnɨ, “Ámá o í̵wí̵ yarɨgí̵áyo nɨmímɨnɨrɨ aiwá nawínɨ enɨ narɨgí̵árɨnɨ.” rɨnarí̵ná 3Jisaso ewayí̵ xwɨyí̵á rɨpɨ urɨŋɨnigɨnɨ, 4“Soyí̵ne' ámá woxɨ sipɨsipí̵ 100 tí̵ŋoxɨ wo aní̵á imónánáyí̵, amí̵ eaŋí̵yo dánɨ sipɨsipí̵ 99 wínɨyí̵ e nɨwárɨmoxɨ nurɨ aní̵á imóní̵o nánɨ pí̵á ne'ra nu'ɨsáná rɨxa wɨnɨmearí̵árɨnɨ. 5Nɨwɨnɨmearí̵ná nɨmearɨ yayí̵ tí̵nɨ xwaŋwí̵ níkwónɨmɨ nurɨ 6aŋí̵ e nɨre'morí̵ná dɨxí̵ nɨkumɨxɨnɨrɨ emearɨgí̵áyo tí̵nɨ ámá aŋí̵ axí̵ e ŋweagí̵áyo tí̵nɨ rí̵aiwá re urɨmerí̵árɨnɨ, ‘Gí̵ sipɨsipí̵ aní̵á imóní̵o rɨxa pí̵á nerɨ meáagɨ nánɨ nionɨ tí̵nɨ nawínɨ yayí̵ oyaneyɨ.’ urɨrí̵árɨnɨ.” Jisaso ámá í̵wí̵ yarɨgí̵á o tí̵ámɨnɨ barɨgí̵áyí̵ sipɨsipí̵ aní̵á imóní̵o yapɨ imónɨŋagí̵a nánɨ ewayí̵ xwɨyí̵á apɨ nurɨrɨ 7re urɨŋɨnigɨnɨ, “Nionɨ re seararɨŋɨnɨ, ‘Ámá sipɨsipí̵ nánɨ pí̵á nerɨ nɨmearɨ nánɨ yayí̵ e'í̵pa aŋí̵najowa ámá í̵wí̵ yarɨŋí̵ wo nɨsanɨrɨ yarɨŋagɨ nɨwɨnɨróná yayí̵ nero aí ámá 99 “Rɨxa we' rónɨŋwae'nerɨnɨ. Nene sanɨŋí̵ imónɨpaxí̵ menɨnɨ.” yaiwinarɨgí̵áyí̵ nánɨ aŋí̵najowa yayí̵ yarɨgí̵ámanɨ.’ seararɨŋɨnɨ.” urɨŋɨnigɨnɨ.

Ewayí̵ ikaxí̵ nɨgwí̵ aní̵á imónɨŋo nánɨrɨnɨ.

8Ámɨ ewayí̵ xwɨyí̵á axí̵pɨ bɨ rɨpɨ urɨŋɨnigɨnɨ, “Apɨxí̵ wí nɨgwí̵ we' wu'kau' tí̵ŋí nɨgwí̵ wo nɨmiáperí̵náyí̵ uyí̵wí̵ nɨmɨxároárɨmáná píránɨŋí̵ pí̵á nerɨ aŋí̵ síyí̵ nɨperɨ wɨnɨmeaŋɨnigɨnɨ. 9Nɨwɨnɨmearí̵ná xegí̵ imánɨŋí̵ yarɨgí̵íwamɨ tí̵nɨ aŋí̵ axí̵ e ŋweagí̵áyo tí̵nɨ rí̵aiwá re urɨŋɨnigɨnɨ, ‘Nɨgwí̵ niínɨ miápe'áo rɨxa meáagɨ nánɨ niínɨ tí̵nɨ nawínɨ yayí̵ oyaneyɨ.’ urɨŋɨnigɨnɨ.” Jisaso ámá í̵wí̵ yarɨgí̵á o tí̵ámɨnɨ barɨgí̵áyí̵ nɨgwí̵ miápe'í̵ yapɨ imónɨŋagí̵a nánɨ ewayí̵ xwɨyí̵á apɨ nurɨrɨ 10re urɨŋɨnigɨnɨ, “Nionɨ re seararɨŋɨnɨ, ‘Nɨgwí̵ apɨxí nɨmiáperɨ pí̵á nerɨ ámɨ meáo nání̵nɨŋí̵ yayí̵ e'í̵pa Gorɨxoyá aŋí̵najowa ámá í̵wí̵ yarɨŋí̵ wo nɨsanɨrɨ yarɨŋagɨ nɨwɨnɨrí̵ná yayí̵ e yarɨgí̵árɨnɨ.’ seararɨŋɨnɨ.” urɨŋɨnigɨnɨ.

Ewayí̵ ikaxí̵ niaíwí̵ aní̵nɨŋo nánɨrɨnɨ.

11E nurɨmáná ámɨ ewayí̵ xwɨyí̵á re urɨŋɨnigɨnɨ, “Ámá wo xegí̵ niaíwí̵ oxí̵ wau' tí̵ŋo 12— Xogwáo xanomɨ nɨwiápí̵nɨmearɨ re urɨŋɨnigɨnɨ, ‘Ápe, joxɨ nɨpe'áná “Amɨpí omɨ wíɨmɨgɨnɨ.” yaiwiarɨŋí̵pɨ rɨxa niapeɨ.’ urí̵agɨ xano ‘Amɨpí rí̵we'ná yaŋí̵ nɨmerɨ nionɨ wíɨmɨgɨnɨ.’ yaiwiarɨŋí̵yí̵ rɨxa awau'mɨ yaŋí̵ numeirɨ mɨnɨ nɨwimáná eŋáná 13rɨxa sí̵á árí̵ní̵ óráná xogwáo o xegí̵nɨ awí eámeámí̵ nerɨ nɨmeámɨ aŋí̵ wímɨ ná jí̵amɨ nánɨ nurɨ aŋí̵ ayo nɨŋwearí̵ná uyí̵nií̵ nerɨ xegí̵ nɨgwí̵ amɨpí xano wiŋí̵yí̵ xwɨrɨxwɨrí̵á ikɨxeŋɨnigɨnɨ. 14Xegí̵ nɨgwí̵ xwɨrɨxwɨrí̵á nikɨxerɨ ámáyo nɨwiememáná eŋáná re eŋɨnigɨnɨ. Ámá aŋí̵ ayo dáŋí̵yí̵ aiwá nánɨ dí̵wí̵ nikeamónɨro yarí̵ná o rɨxa uyípeayo imóní̵í̵ eŋagɨ nánɨ o enɨ aiwá nánɨ dí̵wí̵ nikeamónɨrɨ nánɨ 15nurɨ ámá aŋí̵ ayo dáŋí̵ womɨ nɨgwí̵ omɨŋí̵ nánɨ rɨxɨŋí̵ urí̵agɨ o omɨŋí̵ Judayí̵ ní̵nɨ xwɨrí̵á winarɨŋí̵pɨ nánɨ re urɨŋɨnigɨnɨ, ‘Gí̵ omɨŋí̵yo nánɨ nurɨ gí̵ odɨpíyo aiwá nɨwiiɨ.’ urí̵agɨ 16o nurɨ omɨŋí̵ e nerí̵ná rɨxa agwí̵ eŋí̵ mɨwínárí̵agɨ aiwá pí̵á odɨpí narɨŋí̵pɨ nɨpaxí̵ wimóní̵agɨ aiwɨ ámá wí omɨ aiwá bɨ mɨnɨ mɨwigí̵awixɨnɨ. 17E eŋáná o ámɨ dɨŋí̵ í̵á nɨxɨrɨrɨ re yaiwiŋɨnigɨnɨ, ‘Gí̵ ápoyá omɨŋí̵ wiiarɨgí̵áyí̵ ní̵nɨ aiwá apánɨ nɨpí̵rɨ nánɨ mu'rónɨŋagɨ aiwɨ nionɨ re nɨŋwearɨ aiwá agwí̵ nánɨ nɨpe'mɨnɨrɨ rɨyarɨŋɨnɨ? 18Nionɨ nɨwiápí̵nɨmeámɨ nurɨ gí̵ ápomɨ re ure'meáɨmɨgɨnɨ, “Ápe, nionɨ í̵wí̵ Gorɨxomɨ wikárɨrɨ joxɨ sikárɨrɨ e'anigɨnɨ. 19Nionɨ naŋí̵ mimónɨŋagɨ nánɨ sɨnɨ dɨxí̵ riwaxonɨ imónɨpaxí̵ menɨnɨ. Joxɨ ‘Gí̵ omɨŋí̵ niiarɨŋoxí̵nɨŋí̵ imónɨŋoxɨnɨ.’ nɨreɨ.” Ápomɨ e ure'meáɨmɨgɨnɨ.’ nɨyaiwirɨ 20nɨwiápí̵nɨmeámɨ xano tí̵ŋí̵ e nánɨ nurɨ nurɨ rɨxa aŋwɨ e báná xano xegí̵ xewaxo jí̵iwo barɨŋagɨ nɨwɨnɨrɨ wá nɨwianɨrɨ mí̵rí̵ nurɨ nɨmakí̵kɨyirɨ kíyí̵ miau'náná 21xewaxo re urɨŋɨnigɨnɨ, ‘Ápoxɨnɨ, nionɨ Gorɨxomɨ í̵wí̵ wikárɨrɨ joxɨ sikárɨrɨ eŋárɨnɨ. Nionɨ ámá naŋí̵ mimónɨŋagɨ nánɨ sɨnɨ dɨxí̵ riwaxonɨ imónɨpaxí̵ menɨnɨ.’ urí̵agɨ aiwɨ 22xano omɨŋí̵ wiiarɨgí̵áyo rí̵aiwá re urɨŋɨnigɨnɨ, ‘Soyí̵ne' rapɨrapí̵ imɨrɨŋí̵ mimónɨŋu' aŋí̵nɨ nɨmeámɨ nɨbɨrɨ uyírí̵poyɨ. Omɨ okiyí̵á numerí̵ná we' ramaxí̵ wá we'yo uyírárɨro sɨkwí̵ su' uyírɨro e'poyɨ. 23E nemáná burɨmákau' sɨpɨkí̵ ikwaní̵ imónarɨŋo nɨmeámɨ nɨbɨro pɨkípoyɨ. Nene nɨnɨrane íwo nánɨ yayí̵ oyaneyɨ. 24Nɨgí̵ íwí̵ ro peŋónɨŋí̵ imónɨŋo ámí̵nɨŋí̵ wiápí̵nɨmeaŋoɨ. “Aní̵nɨŋɨnigɨnɨ.” yaiwiagwá ro ámɨ neaímeáagɨ nánɨ yayí̵ yanɨ aiwá oimɨxaneyɨ.’ urí̵agɨ awa o urí̵í̵pa nero rɨxa aiwá rɨyamí̵ nero yayí̵ seáyɨmɨ dánɨ ne'ra warí̵ná re eŋɨnigɨnɨ. 25Xewaxo xámɨŋo omɨŋí̵yo yarɨŋí̵mɨ dánɨ nɨbɨrɨ rɨxa aŋí̵ tí̵ŋí̵ e aŋwɨ e dánɨ wenɨŋí̵ e'í̵yí̵ wɨnɨŋɨnigɨnɨ. Soŋí̵ rɨro sɨmɨnɨŋí̵ ero yarɨŋagí̵a nɨwɨnɨrɨ 26omɨŋí̵ wiiarɨgí̵á womɨ rí̵aiwá nurɨrɨ o rɨxa aŋwɨ e báná re urɨŋɨnigɨnɨ, ‘Ayí̵ pí nánɨ nerɨ rarɨŋoɨ?’ uráná 27o re urɨŋɨnigɨnɨ, ‘Dɨxí̵ rɨgwáo rɨxa re'mónapɨŋoɨ. O rí̵nɨŋí̵ wí mɨmeá naŋo emeago dɨxí̵ ápomɨ wímeáagɨ nánɨ o burɨmákau' sɨpɨkí̵ ikwaní̵ imónarɨŋo pɨkiŋoɨ.’ uráná 28o wikí̵ nónɨrɨ mɨpáwipaxí̵ nɨwimónɨrɨ wáí̵ e roŋáná xano nɨpeyearɨ pɨyɨpɨyí̵ xwɨyí̵á urí̵agɨ aiwɨ 29xanomɨ mɨxí̵ nurɨrɨ re urɨŋɨnigɨnɨ, ‘Nionɨ rɨnáíní̵nɨŋí̵ nimónɨrɨ omɨŋí̵ siiarí̵ná xwiogwí̵ obaxí̵ nɨmu'roarí̵ná sekaxí̵ amɨpí joxɨ nɨrí̵í̵yí̵ nánɨ nionɨ wí mɨrɨwiaíkiŋárɨnɨ. E nerɨ aí nionɨ gí̵ nɨkumɨxɨnɨrɨ emearɨŋáyí̵ tí̵nɨ yayí̵ yanɨ nánɨ meme' miá aí wo mɨniapɨŋí̵rɨnɨ. 30Nionɨ mɨniapɨpa nerɨ aiwɨ dɨxí̵ riwaxo, apɨxí̵ iyí̵ ede dánɨ oikɨxearɨgí̵íwa tí̵nɨ nemerí̵ná dɨxí̵ nɨgwí̵ xwe' nowárɨŋo nánɨ burɨmákau' sɨpɨkí̵ ikwaní̵ imónarɨŋo apánɨ upɨkiíɨnɨ.’ uráná 31xano re urɨŋɨnigɨnɨ, ‘Gí̵ íwoxɨnɨ, “Nionɨyáyí̵ wí ámɨ o nɨrápɨní̵árɨnɨ.” mɨyaiwipanɨ. Joxɨ íníná nionɨ tí̵nɨ ŋwearɨŋoxɨ amɨpí áponɨyáyí̵ ní̵nɨ dɨxí̵nɨrɨnɨ. 32E nerɨ aí dɨxí̵ rɨgwáo peŋónɨŋí̵ imónɨŋo ámí̵nɨŋí̵ wiápí̵nɨmeaŋoɨ. “Aní̵nɨŋɨnigɨnɨ.” yaiwiagwáo ámɨ neaímeáagɨ nánɨ “Yayí̵ mepa oyaneyɨ.” rɨsimónarɨnɨ? Oweoɨ, xe yayí̵ oyaneyɨ.’ urɨŋɨnigɨnɨ.” Jisaso Parisiowa “None xɨráxogwáowau' xɨráónɨŋí̵ imónɨŋagwɨ nánɨ rí̵a neararɨnɨ?” oyaiwípoyɨnɨrɨ nánɨ ewayí̵ xwɨyí̵á apɨ urɨŋɨnigɨnɨ.

Copyright information for `AAK