Romans 9

“Gí̵ Judayí̵ obaxí̵ Jisasomɨ rí̵wí̵ umogí̵á eŋagɨ nánɨ gí̵ dɨŋí̵ rí̵á nɨxearɨnɨ.” urɨŋí̵ nánɨrɨnɨ.

Nionɨ Kiraiso tí̵nɨ ikárɨnɨŋáonɨ eŋagɨ nánɨ agwɨ nionɨ searɨmí̵pɨ nepa searɨmí̵ɨnɨ. Gorɨxoyá kwíyí̵pɨ neaíwapɨyarɨŋí̵pimɨ nɨxɨdɨrí̵ná dɨŋí̵ nɨyaikirorɨ “Ayí̵ ananɨrí̵anɨ? Sɨpírí̵anɨ?” nɨyaiwirɨ pɨkínarɨŋápɨ nionɨ yapí̵ mɨseararɨŋagɨ nánɨ sopɨŋí̵ nɨwarɨnɨ. “Gí̵ Isɨrerɨyí̵ Jisasomɨ rí̵wí̵ numoro ‘Yeáyí̵ neayimɨxemeaní̵a nánɨ urowáre'napɨní̵o, ayí̵ omanɨ.’ yaiwiarɨŋagí̵a nánɨ íníná nionɨ dɨŋí̵ rí̵á nɨxerɨ íkí̵nɨŋí̵ nuyimɨnɨrɨ erɨ niarɨnɨ.” seararɨŋɨnɨ. Gorɨxo Poronɨ sɨnɨ Kiraiso tí̵nɨ nawínɨ mikárɨnɨpa oenɨrɨ peá nɨnɨmorɨ emɨ nɨmoarɨŋí̵pimɨ dánɨ nionɨ gí̵ nɨrɨxí̵meáyí̵ —Ayí̵ gí̵ ámá gwí̵ axí̵rí imónɨgí̵áyí̵ nánɨ rarɨŋɨnɨ. Ayí̵ Kiraisomɨ dɨŋí̵ wɨkwí̵ropí̵rɨ nánɨ arɨrá wipaxí̵ eŋánáyí̵, “Xe peá onɨmonɨ.” nimónɨpaxí̵rɨnɨ. Ayí̵ gí̵ Isɨrerɨyí̵ nánɨ rarɨŋɨnɨ. Gorɨxo xegí̵ piaxí̵ meŋí̵ wimɨxɨŋí̵yí̵rɨnɨ. Moseso tí̵nɨ ámá dɨŋí̵ meaŋí̵ e nemerí̵ná Gorɨxoyá apákí̵kí̵ inarɨŋí̵pɨ sɨŋwí̵ wɨnagí̵áyí̵rɨnɨ. Gorɨxo “E nɨseaiimí̵árɨnɨ.” re'roárɨŋí̵pɨ arí̵á wiagí̵áyí̵rɨnɨ. Ŋwí̵ ikaxí̵ Moseso eaŋí̵pɨ meagí̵áyí̵rɨnɨ. Omɨ yayí̵ wianɨro nánɨ epaxí̵ imónɨŋí̵pɨ nánɨ nɨjí̵á imónɨgí̵áyí̵rɨnɨ. Sí̵mɨmaŋí̵yo dánɨ Gorɨxo “E nɨseaiimí̵árɨnɨ.” urɨŋí̵yí̵rɨnɨ. Xiáwo írɨŋí̵ xámɨ imónɨgí̵áwa, ayí̵ ayí̵yárɨnɨ. Ayí̵yá xiáwí̵yo dánɨ yeáyí̵ neayimɨxemeaní̵a nánɨ imónɨŋo ámá imónɨŋí̵rɨnɨ. Amɨpí nɨyonɨ seáyɨ e wimónɨŋo, ayí̵ orɨnɨ. O Gorɨxo, anɨŋí̵ íníná nene yayí̵ umepaxí̵ imónɨŋorɨnɨ. “E e'wanɨgɨnɨ.” nimónarɨnɨ.

Ámá Gorɨxo í̵á yamɨxárɨŋí̵yí̵ nánɨ urɨŋí̵pɨ nánɨrɨnɨ.

Gí̵ Judayí̵ nápɨ Jisasomɨ rí̵wí̵ umogí̵á eŋagɨ aí “Xwɨyí̵á Gorɨxo ayo ‘E nɨseaiimí̵árɨnɨ.’ urɨŋí̵pɨ pɨsí̵í weárɨnɨ.” rɨpaxí̵manɨ. Ayí̵ rɨpɨ nánɨrɨnɨ. Negí̵ arí̵o Jekopoyá í̵wiárí̵awe'yí̵ ní̵nɨ omɨ dánɨ nemeága nuro nánɨ Isɨrerɨyí̵ aiwɨ wí Gorɨxoyá mimónɨŋagí̵a nánɨ ní̵nɨ nepa Isɨrerɨyí̵ imónɨgí̵ámanɨ. Ebɨrí̵amoyá í̵wiárí̵awe'yí̵ ní̵nɨ enɨ xí̵oyá eŋagɨ aí ní̵nɨ Gorɨxoyá niaíwí̵nɨŋí̵ imónɨgí̵ámanɨ. Oweoɨ, eŋíná Gorɨxo Ebɨrí̵amomɨ re urɨŋɨnigɨnɨ, “Dɨxí̵ rárí̵awe' nepaxɨŋí̵ imónɨgí̵áyí̵ segí̵ niaíwí̵ wamɨ dánɨ marí̵áɨ, Aisakomɨ dánɨnɨ nemeága upí̵rí̵árɨnɨ.” urɨŋɨnigɨnɨ. Ayí̵ rɨpɨ nánɨ seararɨŋɨnɨ. Gorɨxo niaíwí̵ Ebɨrí̵amo emeaŋí̵yí̵ ní̵nɨ nánɨ “Ayí̵ niaíwí̵ nepaxɨŋí̵ imónɨgí̵áyí̵rí̵anɨ?” mɨyaiwí sa niaíwí̵ xí̵o Ebɨrí̵amomɨ sí̵mɨmaŋí̵yo dánɨ xwɨyí̵á urɨŋí̵pimɨ dánɨ emeaŋí̵yí̵ nánɨ “Ayí̵ nepaxɨŋí̵ imónɨgí̵áyí̵rí̵anɨ?” nɨyaiwirɨ rɨŋí̵rɨnɨ. Ebɨrí̵amomɨ sí̵mɨmaŋí̵yo dánɨ re urɨŋí̵ eŋagɨ nánɨ, “Xwiogwí̵ wí̵omɨ rínánɨŋí̵ imónáná Seraí niaíwí̵ wo rɨxa xɨrɨŋáná ámɨ bɨmí̵árɨnɨ.” urɨŋí̵ eŋagɨ nánɨ rarɨŋɨnɨ. 10 “Gorɨxo apɨnɨ eŋí̵ eŋagɨ nánɨ seararɨŋɨnɨ.” marí̵áɨ, Rebekaí ámá ná wonɨ, negí̵ arí̵o Aisakoyá niaíwí̵ ayáí̵ agwí̵ eŋáná eŋí̵pimɨ dánɨ enɨ axí̵pɨ sɨwá re'nɨŋí̵ neaiarɨnɨ. Ámá nepa xí̵oyá imónɨgí̵áyí̵ ámá emeánarɨgí̵ápimɨ dánɨ imónarɨgí̵ámanɨ. 11 Niaíwí̵ ayáí̵ Iso tí̵nɨ Jekopo tí̵nɨ sɨnɨ mɨxɨrí̵ agwí̵yo neríná sɨnɨ naŋí̵ bɨ eri sɨpí bɨ eri mepa eŋáná Gorɨxo ámá xí̵o yarɨŋí̵pɨ nánɨ re oyaiwípoyɨnɨrɨ, “O ámá nionɨyá oimóní̵poyɨnɨrɨ í̵á nɨyamɨxárɨrí̵náyí̵, wiwanɨŋí̵yí̵ wigí̵ naŋí̵ epí̵rí̵ápɨranɨ, sɨpí epí̵rí̵ápɨranɨ, apɨ nánɨ dɨŋí̵ nɨmorɨ í̵á yamɨxárɨŋí̵manɨ. Sa xewanɨŋo e emí̵ánɨrɨ eŋwɨpeáragí̵pɨ nánɨ dɨŋí̵ nɨmorɨ ámáyo í̵á yamɨxárɨŋí̵rɨnɨ.” Dɨŋí̵ e oyaiwípoyɨnɨrɨ 12 Rebekaímɨ re urɨŋɨnigɨnɨ, “Xɨráo xogwáomɨ ínɨmɨ wurí̵nɨní̵árɨnɨ.” urɨŋɨnigɨnɨ. 13 Bɨkwí̵yo dánɨ re rɨnɨŋí̵pɨ, “Gorɨxonɨ xogwáo Jekopo nánɨ nɨnimónɨrɨ aí xɨráo Iso nánɨ mɨnimónarɨnɨ.” rɨnɨŋí̵pɨ nionɨ “Gorɨxo xí̵o wimónarɨŋí̵pɨnɨ yárarɨŋí̵rɨnɨ.” seararɨŋápɨ tí̵nɨ xɨxenɨ rɨnɨnɨ.

14 Ayɨnánɨ píoɨ ranɨre'wɨnɨ? “Gorɨxo ámáyo í̵á nɨyamɨxárɨrí̵ná eŋí̵pɨ nɨpɨkwɨnɨ meŋí̵rɨnɨ.” ranɨre'wɨnɨ? Oweoɨ, wí e rɨpaxí̵ mimónɨnɨ. 15 Ayí̵ rɨpɨ nánɨrɨnɨ. Moseso Gorɨxomɨ rɨxɨŋí̵ uráná Bɨkwí̵yo nɨrɨnɨrɨ eánɨŋí̵pa Gorɨxo re urɨŋɨnigɨnɨ, “Ámá nionɨ wá owianɨmɨnɨrí̵ná ananɨ wá wianɨmí̵ɨnɨ. Ámá nionɨ ayá urɨmɨxɨmɨnɨrí̵ná ananɨ ayá urɨmɨxɨmí̵ɨnɨ.” 16 Gorɨxo e urɨŋí̵ eŋagɨ nánɨ ayí̵ ámá wigí̵ dɨŋí̵ tí̵nɨ “E oimónaneyɨ.” yaiwiarɨŋagí̵a nánɨ í̵á yamɨxárɨnɨŋí̵yí̵ imónarɨgí̵ámanɨ. E i oimónaneyɨnɨro anɨŋí̵ miní̵ yarɨŋagí̵a nánɨ í̵á yamɨxárɨnɨŋí̵yí̵ imónarɨgí̵ámanɨ. Sa Gorɨxo wá wianarɨŋí̵pimɨ dánɨ í̵á yamɨxárɨnɨŋí̵yí̵ imónarɨgí̵árɨnɨ. 17 Bɨkwí̵yo dánɨ Moseso tí̵ŋíná Gorɨxo Isipɨyí̵ mɨxí̵ ináyomɨ re urɨŋí̵ eŋagɨ nánɨ nene ananɨ dɨŋí̵ axí̵pɨ mopaxí̵rɨnɨ, “Nionɨ xopɨrárí̵ síápimɨ dánɨ eŋí̵ eánɨŋí̵ nionɨyá sɨŋánɨ piaumɨmí̵ inɨrɨ yoí̵ nionɨyá xwí̵á nɨrímɨnɨ yaní̵ niwe'a urɨ e'wɨnɨgɨnɨrɨ nionɨyá dɨŋí̵ tí̵nɨ joxɨ mɨxí̵ ináyí̵ nimónɨrɨ meŋweaŋoxɨrɨnɨ.” 18 Gorɨxo e urɨŋí̵ eŋagɨ nánɨ nene re nɨyaiwirane nɨjí̵á imónɨŋwɨnɨ, “Ámá ‘Wá owianɨmɨnɨ.’ wimónɨŋí̵yo wá wianarɨŋí̵rɨnɨ. Ámá ‘Dɨŋí̵ wakɨsí̵ oiní̵poyɨnɨrɨ owimɨxɨmɨnɨ.’ wimónɨŋí̵yo dɨŋí̵ wakɨsí̵ inɨpí̵rɨ nánɨ wimɨxarɨŋí̵rɨnɨ.” nɨyaiwirane nɨjí̵á imónɨŋwɨnɨ.

“ ‘Gorɨxo nɨpɨkwɨnɨ mɨyarɨnɨnɨ.’ rɨpaxí̵ mimónɨnɨ.” urɨŋí̵ nánɨrɨnɨ.

19 Seyí̵ne' re nɨrɨpí̵ráoɨ, “Joxɨ neararɨŋí̵pɨ nepa eŋánáyí̵, Gorɨxo pí nánɨ ámá wigí̵ sɨpí egí̵ápɨ nánɨ sɨnɨ ayairɨrí̵ wiarɨŋí̵rɨnɨ? O ‘Ámá xe apɨ apɨ oimóní̵poyɨ.’ yaiwiárɨŋí̵pɨ ámá go pí̵rí̵ urakipaxí̵ imónɨnɨ? Oweoɨ, wí e mimónɨŋagɨ nánɨ rarɨŋwɨnɨ.” E nɨráná 20 re searɨmí̵ɨnɨ, “Seyí̵ne' pí ámáyí̵ne' nimónɨmáná Gorɨxomɨ xɨxewiámí̵ wiarɨŋoɨ? ‘Xwárí̵á sɨxí̵ xwí̵á tí̵nɨ imɨxí̵í̵wá imɨxarɨŋomɨ “Niɨwánɨ imónɨŋápɨ pí nánɨ e nimɨxí̵ɨnɨ?” urɨnɨŋoɨ.’ rɨseaimónarɨnɨ? 21 ‘Xwárí̵á sɨxí̵ imɨxarɨŋo xwí̵á axí̵ xe'í̵pimɨ dánɨ xwárí̵á sɨxí̵ wí̵xau' nimɨxɨrí̵ná wí̵wá ayí̵ aiwá rí̵á nánɨ imɨxɨrɨ wí̵wá ráí̵ sɨxí̵ yinɨní̵a nánɨ imɨxɨrɨ epaxí̵ mimónɨnɨ.’ rɨseaimónarɨnɨ?” searɨmí̵ɨnɨ. 22 Gorɨxo “Ámá í̵wí̵ egí̵ápɨ nánɨ wikí̵ nónɨŋí̵pɨ owíwapɨyimɨnɨ.” wimónɨrɨ “Pɨrí̵ umamómɨ nánɨ gí̵ eŋí̵ eánɨŋí̵pɨ sɨwá owíwapɨyimɨnɨ.” wimónɨrɨ nerɨ aí ámá xwárí̵á sɨxí̵ xwɨrí̵á ikɨxení̵wɨnɨgɨnɨrɨ ipɨmoárɨnɨŋí̵yí̵nɨŋí̵ imónɨgí̵áyo apaxí̵ me' pɨrí̵ mumamó kikií̵á nerɨ sa sɨŋwí̵ nɨwɨga warɨŋagɨ nánɨ ámá go xɨxewiámí̵ nɨwirɨ “Joxɨ nɨpɨkwɨnɨ mɨyarɨŋɨnɨ.” urɨpaxí̵ imónɨnɨ? 23 O ámá xwárí̵á sɨxí̵ wá wianí̵ɨmɨgɨnɨrɨ ipɨmoárɨŋí̵yí̵nɨŋí̵ imónɨgí̵áyo —Ayí̵ enɨ seáyɨ e xí̵o imónɨŋí̵pɨ bɨ imóní̵í̵rɨxɨnɨrɨ eŋíná dánɨ ipɨmoárɨŋí̵yí̵rɨnɨ. Ayo wá wianarí̵ná ámá ní̵nɨ sɨŋwí̵ nɨwɨnɨro re yaiwíí̵rɨxɨnɨrɨ, “Seáyɨ e Gorɨxo imónɨŋí̵pɨ, ayí̵ xegí̵ bɨ imónɨŋí̵ apɨrí̵anɨ?” yaiwíí̵rɨxɨnɨrɨ wínɨyo apaxí̵ me' pɨrí̵ mumamó kikií̵á ne'ra uŋí̵rɨnɨ. 24 Ámá xwárí̵á sɨxí̵ wá wianí̵ɨmɨgɨnɨrɨ ipɨmoárɨŋí̵yí̵nɨŋí̵ imónɨgí̵áyí̵, ayí̵ nenenɨrɨnɨ. Nionɨyá oimóní̵poyɨnɨrɨ we'yo í̵á neaumɨrɨŋenerɨnɨ. Gí̵ Judayí̵ wienenɨ í̵á neaumɨrɨŋí̵manɨ. E'má wíyo enɨ í̵á umɨrɨŋí̵rɨnɨ. 25 Nionɨ “Gorɨxo e'máyí̵ enɨ nionɨyáyí̵ oimóní̵poyɨnɨrɨ we'yo í̵á umɨrɨŋí̵rɨnɨ.” seararɨŋápɨ eŋíná xwɨyí̵á wí̵á rókiamoagí̵ Xoseao Bɨkwí̵yo nɨrɨrɨ eaŋí̵ rɨpɨ tí̵nɨ xɨxenɨ rɨnɨnɨ, “Ámá Gorɨxonɨyá mimónɨgí̵áyí̵ nánɨ ‘Gí̵ ámárɨnɨ.’ rɨrɨ ámá dɨŋí̵ sɨxí̵ muyipa eŋáyí̵ nánɨ ‘Gí̵ dɨŋí̵ sɨxí̵ uyiŋáyí̵rɨnɨ.’ rɨrɨ emí̵árɨnɨ. 26 Aŋí̵ nionɨ ‘Ámá nɨgí̵yí̵ne'manɨ.’ urɨŋápɨ nánɨ re rɨpí̵rí̵árɨnɨ, ‘Niaíwí̵ Ŋwí̵á dɨŋí̵ nɨyɨmɨŋí̵ tí̵ŋoyáyí̵rɨnɨ.’ rɨpí̵rí̵árɨnɨ.” Xoseao e nɨrɨrɨ eaŋí̵rɨnɨ. 27 Eŋíná wí̵á rókiamoagí̵ Aisaiaoyɨ rɨnɨŋo Isɨrerɨyí̵yá í̵wiárí̵awe'yí̵ nánɨ nɨrɨrí̵ná re rɨŋí̵rɨnɨ, “Isɨrerɨyí̵yá í̵wiárí̵awe'yí̵ ámá obaxí̵ inɨkí rawɨrawápámɨ eŋí̵yí̵ imónɨŋí̵pa imónɨŋagɨ aiwɨ Gorɨxo árí̵ní̵pimɨ yeáyí̵ uyimɨxemeaní̵árɨnɨ. 28 Ámɨná Gorɨxo ‘Xwí̵á tí̵yo ŋweagí̵áyo pɨrí̵ umamóɨmɨgɨnɨ.’ rɨŋí̵pɨ nɨyárɨrí̵ná sɨnɨ me' pɨrí̵ umamoárɨní̵á eŋagɨ nánɨ rarɨŋɨnɨ.” Aisaiao e nɨrɨrɨ eaŋí̵rɨnɨ. 29 “Gorɨxo xegí̵ Judayo wá mɨwianɨpa nerí̵náyí̵, wí yeáyí̵ uyimɨxemeaŋí̵yí̵ imónɨpaxí̵ menɨnɨ.” oyaiwípoyɨnɨrɨ nánɨ Aisaiao ámɨ rɨpɨ enɨ rɨŋí̵rɨnɨ, “Ámɨnáo —O aŋí̵nají̵ ní̵nɨ sɨmɨŋí̵ wínarɨgí̵orɨnɨ. O Isɨrerene negí̵ ámá bɨ xe oŋweápoyɨnɨrɨ sɨŋwí̵ mɨneanɨpa nerɨ sɨŋwɨrɨyí̵, ámá aŋí̵ Sodomɨyɨ rɨnɨŋí̵pimɨ ŋweáyí̵ tí̵nɨ Gomorayɨ rɨnɨŋí̵pimɨ ŋweáyí̵ tí̵nɨ ní̵nɨ aní̵á imónagí̵ápa nene enɨ imónanɨrɨ eŋwárɨnɨ.” nɨrɨrɨ eaŋí̵rɨnɨ.

“Judayí̵ xeŋwí̵ xí̵darɨgí̵á eŋagɨ nánɨ we' rónɨgí̵áyí̵ mimónɨgí̵árɨnɨ.” urɨŋí̵ nánɨrɨnɨ.

30 Ayɨnánɨ nene píoɨ ranɨre'wɨnɨ? Sa rɨpɨ raní̵wɨnɨ. E'máyí̵ wí “Gorɨxo ámá nánɨ ‘Gí̵ we' rónɨgí̵áyí̵rɨnɨ.’ nɨrárɨrí̵ná ayí̵ apimɨ dánɨ rárarɨŋí̵rí̵anɨ?” nɨyaiwiro “We' rónɨŋwáyí̵” oimónaneyɨnɨro anɨŋí̵ miní̵ mepa nero aí apɨ tí̵nɨ xɨxenɨ imónɨgí̵awixɨnɨ. We' rónɨŋí̵ Gorɨxo ámá Jisasomɨ dɨŋí̵ wɨkwí̵roarɨŋagí̵a nɨwɨnɨrí̵ná rárarɨŋí̵pɨ apɨ tí̵nɨ xɨxenɨ imónɨgí̵awixɨnɨ. 31 E imónɨŋagí̵a aí Isɨrerɨyí̵ ŋwí̵ ikaxí̵ rɨnɨŋí̵pimɨ nɨxí̵dɨrɨŋí̵pimɨ dánɨ we' rónɨŋí̵ oimónaneyɨnɨro anɨŋí̵ miní̵ neróná we' rónɨŋí̵ ŋwí̵ ikaxí̵ eánɨŋí̵yo rɨnɨŋí̵pɨ tí̵nɨ xɨxenɨ mimónɨgí̵awixɨnɨ. 32 Ayí̵ pí nánɨ apɨ tí̵nɨ xɨxenɨ mimónɨgí̵awixɨnɨ? Ayí̵ Jisasomɨ dɨŋí̵ nɨwɨkwí̵rorɨŋí̵pimɨ dánɨ oimónaneyɨnɨro me' wigí̵ dɨŋí̵ tí̵nɨ ŋwí̵ ikaxí̵ rɨnɨŋí̵ rɨpimɨ nɨxí̵dɨrane oimónaneyɨnɨro yarɨŋagí̵a nánɨ we' rónɨŋí̵ apɨ tí̵nɨ xɨxenɨ mimónɨgí̵awixɨnɨ. Ayí̵ Jisasomɨ —Judayí̵ Jisasomɨ nɨpɨkiro aí “Gorɨxomɨ xewaxomɨ wí pɨkipaxenemanɨ. Ayɨnánɨ o Gorɨxomɨ xewaxomanɨ.” rarɨgí̵á eŋagɨ nánɨ o sí̵ŋá ámá nikɨrɨpeaánɨrɨ ná eánarɨgí̵ónɨŋí̵ imónɨŋorɨnɨ. Omɨ nikɨrɨpeaánɨro nánɨŋí̵ eánɨgí̵awixɨnɨ. 33 Bɨkwí̵yo dánɨ apɨ nánɨ xɨxenɨ re nɨrɨnɨrɨ eánɨnɨ, “Arí̵á e'poyɨ. Gorɨxonɨ dí̵wí̵ Saionɨyɨ rɨnɨŋí̵pimɨ —Apɨ Jerusaremɨyo rɨnɨnɨ. Apimɨ ámá nikɨrɨpeaánɨrɨ ná eánɨro sí̵mirɨrí̵ wirɨ epí̵rí̵a nánɨ sí̵ŋá wo e tí̵ɨnɨ. E nerɨ aí omɨ dɨŋí̵ wɨkwí̵róí̵áyí̵ xí̵o rɨŋí̵pɨ tí̵nɨ xɨxenɨ wiiní̵á eŋagɨ nánɨ ayá wí epí̵rí̵ámanɨ.” Bɨkwí̵yo dánɨ xɨxenɨ e nɨrɨnɨrɨ eánɨnɨ.

Copyright information for AAK