a[1 Sto 17:11; Stt 22:18]
bStt 38:29-30; Rut 4:18-22
cRut 4:13-17
d2 Sml 12:24
e1 Sto 3:10-16
f2 Kin 24:14-15; 2 Sto 36:10
gEsr 3:2
kAis 7:14

Matthew 1

Jisas so nopwey-om mo uru hom non

(Luk 3:23-38)

Mamey okukwe Jisas Krais so nopwey-om me ma mey hok non. Jisas Krais hiykwe Devit so ney-nona. Devit hiykwe Abraham so ney-nona. a 

  • Abraham hiykwe Aisak so orih.
  • Aisak hiykwe Jekop so orih. Jekop hiykwe Juda o, hyo nay-ih-nayh o, hmo orih-nawp.
  • Juda hiykwe Peres, Sera leys so orih. Hoho pouh kokwe Tamar. Peres hiykwe Hesron so orih. Hesron hiykwe Ram so orih. b 
  • Ram hiykwe Aminadap so orih.
  • Aminadap hiykwe Nason so orih. Nason hiykwe Salmon so orih.
  • Salmon hiykwe Boas so orih. Hyo pouh kokwe Rahap. Boas hiykwe Obet so orih. Hyo pouh kokwe Rut. Obet hiykwe Jesi so orih. c 
  • Jesi hiykwe king Devit so orih. Devit hiykwe Solomon so orih. Solomon so pouh hokwe paraw kokwe Uria so sah lwak liok. d 
  • Solomon hiykwe Rehoboam so orih. Rehoboam hiykwe Abiya so orih. Abiya hiykwe Asa so orih. e 
  • Asa hiykwe Jehosafat so orih. Jehosafat hiykwe Jehoram so orih. Jehoram hiykwe Usia so orih.
  • Usia hiykwe Jotam so orih.
  • Jotam hiykwe Ahas so orih.
  • Ahas hiykwe Hesekia so orih.
  • 10 
  • Hesekia hiykwe Manase so orih.
  • Manase hiykwe Emon so orih.
  • Emon hiykwe Josaia so orih.
  • 11 
  • Josaia hiykwe Jehoiakin o, hyo nay-ih-nayh o, hmo orih. Enekwei sohiy nonaw kokwe Israel me kokwe Babilon mon mon-sosor wayr. f 
  • 12 Enekwei Israel hom Babilon mon ma lwayr so meyki mon hokwe,

    • Jehoiakin hiykwe Sealtiel so orih. Sealtiel hiykwe Serubabel so orih. g 
    13 
  • Serubabel hiykwe Abiut so orih.
  • Abiut hiykwe Eliakim so orih. Eliakim hiykwe Asor so orih.
  • 14 
  • Asor hiykwe Sadok so orih.
  • Sadok hiykwe Akim so orih.
  • Akim hiykwe Eliut so orih.
  • 15 
  • Eliut hiykwe Eleasar so orih.
  • Eleasar hiykwe Matan so orih.
  • Sa Matan hiykwe Jekop so orih.
  • 16 
  • Jekop hiykwe Josep so orih. Sawk Josep hiykwe Maria ko uruh. Maria hokwe, ney Jisas, Krais ok ma me, se ma liwak hok non.
  • 17 Ney-nona Abraham hiy ma kekie nona nona hain mokwe, seme, Devit hiy lousne, ney-nona somokwe sankaw, 14. Sawk Devit hiy ma sahre kekie nona nona ha mokwe, seme, Israel hom Babilon mon ma lwayr hom non, ney-nona somokwe seyr sankaw, 14. Enekwei Israel hom Babilon mon ma lwayr mokwe, sehe, Krais hiy ma lousne hiy non, ney-nona mokwe sankaw kekie nona ha, 14. h 

    Jisas Krais se ma liwak enekwei hiy non

    18 Jisas Krais se ma liwak enekwei hokwe, senkin lousne. Hyo pouh Maria ke kokwe Josep se me peykyay iwak. Sawk peyr hoh non-huon lopa hokwe, Maria hokwe ney non po saw-wak. Ney sohokwe God so Niohney Pekney-weys hiykiaw mon moyo moyo ousne. i  19 Hoko uruh Josep hiykwe uwr luw-luw-aw ihey-ar. Sawk hiykwe uwrsa mo inour mon kokwe Maria ke owh-mar mon ie e mon pa. Hiykwe hoke kokwe sosok-aw lokriy-yay ha e nanpanan.

    20 Josep hiy Maria ke lokriy ha e nanpanan menkin, sawk Hakamay so ensel prueyn hiykwe hyo owh mon lousne, hiy now ma liawon non. Ensel sohokwe Josep se senkin mekow, “Josep, Devit so ney-nona, hunkwe Maria ke huon e peie hok o. Payhokuaw, ney hoko swaw mon ma lwak sohokwe, Niohney Pekney-weys hiykiaw mon moyo moyo ousne kow. 21 Hokwe ney norwayo se liwak ey. Hunkwe hyo uru hokwe senkin kwa nakinariy kow, Jisas. Payhokuaw, hiykwe hyo uwrsa me huonok prosue ey, hmo yor piap-araw ko me.” j 

    22 Weyn lowpwarowp somokwe seme lousne, ok kamon paraw Hakamay hiy profet prueyn so woki mon ma isay mesor kow so liy-liy-aw-ar nuw-mon ousne hrahra ha.

    23 “Kwa lonuayk, sa sokruan prueyn, uwr ma non-iawon lopa, hokwe ney swaw non lwak ey. Sa hokwe ney norwayo se liwak ey. Sawk hyo uru hokwe senkin nakinariy kow ey, Emanuel.
    Ok sohok ko meykyar kokwe senkin, ‘God hiykwe hrome nion non-wak.’” k 

    24 Josep hiy anwaw ouon ko se ma-loksian menkin, hiykwe sa Hakamay so ensel hiy ma mesor kow, senkin lon. Hiykwe sawk Maria ke kokwe sa sokwe nak-huon. 25 Josep hiy Maria ke nak-huon menkin, hiykwe peyr hoke nion sawnon-iawon pa, enekwei Maria hok ney sehe nuw-iwak. Ney sohiy so uru hokwe Josep hiykwe senkin nakinariy kow, Jisas. l 

    Copyright information for `AAU