Hebrews 5

CHAPTER 5

Duties of the Chief Priest

1πας γαρ αρχιερεύς εξ ανθρώπων λαμβανόμενος υπέρ ανθρώπων καθίσταται τα προς τον θεόν ίνα προσφέρη δώρά τε και θυσίας υπέρ αμαρτιών 2μετριοπαθείν δυνάμενος τοις αγνοούσι και πλανωμένοις επεί και αυτός περίκειται ασθένειαν 3και διά ταύτην οφείλει καθώς περί του λαού ούτω και περί εαυτού προσφέρειν υπέρ αμαρτιών 4και ουχ εαυτώ τις λαμβάνει την τιμήν αλλά ο καλούμενος υπό του θεού καθάπερ και Ααρών 5ούτω και ο χριστός ουχ εαυτόν εδόξασε γενηθήναι αρχιερέα αλλ΄ ο λαλήσας προς αυτόν υιός μου ει συ εγώ σήμερον γεγέννηκά σε

Order of Melchisedek

6καθώς και εν ετέρω λέγει συ ιερεύς εις τον αιώνα κατά την τάξιν Μελχισεδέκ 7ος εν ταις ημέραις της σαρκός αυτού δεήσεις τε και ικετηρίας προς τον δυνάμενον σωζείν αυτόν εκ θανάτου μετά κραυγής ισχυράς και δακρύων προσενέγκας και εισακουσθείς από της ευλαβείας 8καίπερ ων υιός έμαθεν αφ΄ ων έπαθε την υπακοήν 9και τελειωθείς εγένετο τοις υπακούουσιν αυτώ πάσιν αίτιος σωτηρίας αιωνίου 10προσαγορευθείς υπό του θεού αρχιερεύς κατά την τάξιν Μελχισεδέκ 11περί ου πολύς ημίν ο λόγος και δυσερμήνευτος λέγειν επεί νωθροί γεγόνατε ταις ακοαίς 12και γαρ οφείλοντες είναι διδάσκαλοι διά τον χρόνον πάλιν χρείαν έχετε του διδάσκειν υμάς τίνα τα στοιχεία της αρχής των λογίων του θεού και γεγόνατε χρείαν έχοντες γάλακτος και ου στερεάς τροφής 13πας γαρ ο μετέχων γάλακτος άπειρος λόγου δικαιοσύνης νήπιος γαρ εστι 14τελείων δε εστιν η στερεά τροφή των διά την έξιν τα αισθητήρια γεγυμνασμένα εχόντων προς διάκρισιν καλού τε και κακού
Copyright information for ABPGRK