Psalms 137

PSALM 137

The LORD Remembers Jerusalem

τω Δαυίδ διά Ιερεμίου

επί των ποταμών Βαβυλώνος εκεί εκαθίσαμεν και εκλαύσαμεν εν τω μνησθήναι ημάς της Σιών επί ταις ιτέαις εν μέσω αυτής εκρεμάσαμεν τα όργανα ημών ότι εκεί επηρώτησαν ημάς οι αιχμαλωτεύσαντες ημάς λόγους ωδών και οι απαγαγόντες ημάς ύμνον άσατε ημίν εκ των ωδών Σιών πως άσωμεν την ωδήν κυρίου επί γης αλλοτρίας εάν επιλάθωμαί σου Ιερουσαλήμ επιλησθείη η δεξιά μου κολληθείη η γλώσσά μου τω λάρυγγί μου εάν μη σου μνησθώ εάν μη προανατάξωμαι την Ιερουσαλήμ ως εν αρχή της ευφροσύνης μου μνήσθητι κύριε των υιών Εδώμ την ημέραν Ιερουσαλήμ των λεγόντων εκκενούτε εκκενούτε έως των θεμελίων αυτής θυγάτηρ Βαβυλώνος η ταλαίπωρος μακάριος ος ανταποδώσει σοι το ανταπόδομά σου ο ανταπέδωκας ημίν μακάριος ος κρατήσει και εδαφιεί τα νήπιά σου προς την πέτραν
Copyright information for ABPGRK