aAis 49:8
b6:52Ko 11:23-27
c6:61Ti 4:12
d6:92Ko 4:10
e6:131Ko 4:14
g6:161Ko 3:16; Yer 32:38; Isi 37:27
hRiv 26:12
i6:17Isi 20:34, 41; Rev 18:4
jAis 52:11
k6:182Sa 7:8; Yer 31:9
l2Sa 7:14

2 Corinthians 6

Tetí ankan Tiyarafenu vá manafin doriyákéi véi ma sarisari ukhein nan béin pákaan ákona ono van mi ínané tiamiyá uno. Para vara seyo, véi máa sikhen mino.

“Teyantá ma siretin avídé kama onuna yamú ma aní ukharé eruna yamú afoká íká
tiretíi ifí iniré aya é uno.” a 
Tiyarafenu ano ma siretin aya uren ma evaránen aviriyain damúi saréa vaono.

Pori Ma Uman Kayo Yosiá Ein Bayo Ino

Banasi ano setisi yoran nan namu yoraríen mino sin nain nan pasé mana nanin bantai inarufá orin aasá ída mana yaná maman iyariyá uno. Tetí ankan Tiyarafenui yoran banta kékái váké pasé kama avúavá anan ena nanin banta aní é iyá uno. Máan tiyáké maé tetin timaniná ma aau fi uman nafi ma afoká iyá maé mantaan mi ákona ukhé bá tiféuno. b Banasí ano siruren karavusifin pákaan kaiyan inká namuro kayo ano sisiren tinkayan tiyá maé tetí ankan kákan uman uron bariyá maé ída kamaé tuun bariyá inká tirafan báé iyá uno. c Kantá Aunani ákona fókéi sirá kusin avúavá bá ena avábá in má inká kama ineine uren ma funtákein avúavá baran mái fákaráké doriyá uno. Tiyarafenui ákona ano setimpin bakái fura sikhein baya anan tiamiyá uno. Puntákein avúavá pói setisi siruvin danasí é inká tankoí é ukhé tiféuno. Manáa nanin banta ano sinkayan máden toyampá baya siren kampun doraríi iyan mino siyan maen inká manáa ano setin timo siren kama yoraríi iyan ne siren tetin tiví daní iyan mifo setí ankan Tiyarafenui yoran para yoré oriyá banté uno. d Banasi ano ma ída afová ukhein banta an dakhé tifé umpo minó anon tetin afová ukhen mino. Purin mano setin pákiyan mifo ída furiyá tiféuno. Inká tetin tinkáden purin tirirí iyan mifo ída furiyá tiféuno. 10 Tetisi sirun nanápin bá umpo ena ena yamú Tiyarafenu ano simusin manan timé iyan mino. Minó daná ída vá bá umpo ena nanin banta ayaékun inaru fáke kama yanasinta variyan mino. Inká ída mana yaná dékun ban mifo minó danái kanaí ukhé tiféuno.

11 Koriní ma vaona nanin banta oe, fura vayan tiretin tiamiyá pasé túkákéi siretin tirá amé tiféuno. 12 Tiretin nan moéké tinunu iyái siretin ída sirá namu uantiyá umpo mai setin ará namu usintiya nái sirá ída manafiní ukhé tiféuno. 13  e Tiretin ma sirá amerunaí eya vá tetin ará timeno van mi ve afóe ano ma ve akhafana siameiní éi siretin tiamiyá uno.

Ída Ma Mumunan Iyain Nanin Banta Vá Ma Ída Manafin Doran Baya Ino

14  f Ída ma monó tiyain kéká bá ída vá o súpá uveya yorarí ono. Mai fara vara seyo, funtákein avúavá bá namu avúavá bá ano ída manafin dorarí inten mino. Inká kakhan má títípa vá ano ída manafin túpá inten mino. 15 Yisasin má Ban Anon má ano ída ará manafiní ukhein pasinti monó ma siyaona nanin banta ano ída kanaíeya ída ma monó tiyain nanin banta vá o súpá uveya yoran nono. 16  g Ayarafenui monó namun má kampun ayarafenui monó namun má kasaesá maman túpá ótifante rafuno. Ída ino. Mai fara vara seyo, aun ma fara van oriyan ban Tiyarafenui monó namun mi setí ankan báken pasen béi máa sikhen mino.

“Téi ano vetin má báké
betin aúbaná nó maé
Betíi Ayarafenu váken inká
tenti vanasin banten mino.” h 
17  i “Máan tukhein nan mi Bafan mano siyáken
mai kéká me ampire nentá oriveya
vetíi fain danasinta ída aruvesirá
tiretin avirano sen mantino.” j 
18  k “Minó ákona ma vain Bafan mano máan mi sen mantino.
Tiretin Afóení éku mae inká ten tikhafanaíi inono.” l 
Copyright information for `AGD